O seguimento na quenda de tarde da folga de facultativos de atención primaria acada o 5,41 % na sanidade pública galega
A Consellería de Sanidade insta ao sindicato O'Mega a sumarse ao acordo maioritario sobre atención primaria para evitarlles a pacientes e profesionais os efectos dun paro indefinido
Santiago de Compostela, 3 de marzo de 2026
O seguimento da folga de facultativos de atención primaria convocada pola organización sindical O’Mega na quenda de tarde deste martes foi do 5,41 % nos centros sanitarios da comunidade galega.
Por áreas sanitarias, o seguimento na área sanitaria da Coruña e Cee foi do 4,86 %; na de Santiago de Compostela e Barbanza, do 1,75 %; na de Ourense, Verín e O Barco de Valdeorras, 2,94 %; na de Pontevedra e O Salnés, 9,52 %; e na de Vigo, 12,59 %. Na área sanitaria de Ferrol e de Lugo, A Mariña e Monforte de Lemos a folga non tivo seguimento nesta xornada de tarde.
O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.
Como consecuencia da folga de facultativos de atención primaria convocada pola organización sindical O’Mega na xornada deste luns, 2 de marzo, foron suspendidas no conxunto de Galicia 5.519 consultas de atención primaria.
A Consellería de Sanidade insta a O'Mega a sumarse ao acordo maioritario sobre atención primaria para evitarlles a pacientes e profesionais os efectos dun paro indefinido.
