Santiago de Compostela, 9 de marzo de 2026

O conselleiro de Presidencia, Xustiza e Deportes, Diego Calvo, acompañado polo secretario xeral para o Deporte, Roberto García, recibiu hoxe as integrantes da selección galega de rugby M19 que revalidou o título de campioa de España no nacional de Seleccións Autonómicas de 2ª división disputado na localidade toledana de Yuncos.

Diego Calvo felicitounas polo gran momento que atravesan, tal e como deixaron patente nun campionato no que remataron invictas e sen encaixar nin un só punto en contra.