Lugo, 13 de marzo de 2026

O delegado territorial, Javier Arias, reuniuse hoxe co presidente e o vicepresidente da Federación de Corais da Provincia de Lugo (Fecolu), Manuel Varela e Miguel Lorenzo, respectivamente, para estudar o apoio da Xunta a diferentes proxectos impulsados polo colectivo.

Arias explicou que se trata dunha primeira toma de contacto coa entidade, recentemente constituída, que aglutina a máis da metade das corais da provincia lucense.

O encontro serviu para coñecer de primeira man as iniciativas nas que está a traballar a nova federación e escoitar as súas propostas, de cara a establecer posibles vías de colaboración nas actividades que desenvolven.