Pontevedra, 23 de marzo de 2026

O delegado territorial da Xunta en Pontevedra, Agustín Reguera, participou esta mañá na celebración do Día Mundial da Árbore, xunto ao alumnado do CEIP de Pontesampaio.

Acompañado polo alumnado do centro e por un grupo de membros da comunidade de montes, así como por persoal forestal da Xunta, Reguera achegouse ao Rañadoiro para participar na plantación de preto de 150 castaños. O propio delegado contribuíu coa plantación dun carballo.

Reguera aproveitou a visita para destacar a importancia da educación medioambiental nas escolas e animou aos nenos e nenas presentes a seguir formándose para ser “homes e mulleres conscientes e respectuosos coa contorna”.