Ourense, 25 de marzo de 2026

O delegado territorial da Xunta en Ourense, Manuel Pardo, recibiu esta mañá aos estudantes das delegacións da Facultade de Dereito e da Facultade de Relacións Internacionais da Universidade de Vigo do Campus de Ourense, que lle presentaron o proxecto universitario de Simulación de Nacións Unidas, que ten como obxectivo explicar á cidadanía o funcionamento da ONU e analizar a repercusión dos acordos que se levan a cabo na Comunidade Internacional nas persoas e institucións galegas.