Sarria (Lugo), 1 de xullo de 2026

A Xunta apoia a Noite Meiga de Sarria, que celebra a última fin de semana de agosto a súa 54ª edición, a primeira tras ser recoñecida como Festa de Interese Turístico de Galicia.  

O delegado territorial de Lugo, Alfonso Villares, participou hoxe na presentación da cita xunto con membros da asociación Meigas e Trasgos, organizadores do evento; a directora territorial da Consellería de Emprego, Comercio e Emigración, Carmen José López; e representantes doutras entidades involucradas. 

Villares subliñou a singularidade desta celebración e o arraigo que ten entre a veciñanza. Tamén destacou que a declaración como Festa de Interese Turístico galego abre novas posibilidades de promoción e impulso da actividade turística na zona.