Pontevedra, 2 de xullo de 2026

O secretario xeral para o Deporte, Roberto García, participou hoxe na presentación da serie documental Camiño ao podio, unha produción de cinco programas para a plataforma Agalega.gal nos que se narra a traxectoria de dez dos bolseiros que se están a formar no Centro Galego de Tecnificación Deportiva de Pontevedra. Cada capítulo céntrase nas historias de dous deportistas e dos seus adestradores. Ademais, ao longo da serie vaise relatando o funcionamento do CGTD nos aspectos académico, residencial ou médico.