Lira (A Coruña), 8 de agosto de 2026

A directora xeral de Desenvolvemento Pesqueiro, Ángeles Vázquez, destacou hoxe, durante a degustación popular de produtos do mar da reserva mariña ‘Os Miñarzos’ de Lira, a importancia deste tipo de xornadas para promocionar o consumo de peixes e mariscos galegos entre a poboación.

A festa, que tivo unha primeira xornada o 25 de xullo, está organizada pola Confraría de Pescadores de Lira e permite probar ata seis variedades de produtos do mar capturadas nesta reserva natural: polbo, navallas, percebe, nécoras, mexillóns e berberechos.