Ponteareas (Pontevedra), 29 de agosto de 2026

O director xeral de Familia, Infancia e Dinamización Demográfica, Jacobo Rey, despediu esta tarde aos nenos saharauís que pasaron o verán en Galicia con familias de acollida no marco do programa Vacacións en Paz.

Esta iniciativa, promovida pola ONG Solidariedade co Pobo Saharauí (Sogaps), permitiu que arredor de 280 menores que viven nos campamentos de refuxiados desfrutasen dunha experiencia de ocio ao coidado das familias acolledoras galegas. A comunidade foi a terceira que máis nenos recibiu. 

Desde o inicio do programa, ao que a Xunta achega 100.000 euros para colaborar no traslado dos menores, chegaron a Galicia 7.900 nenos saharauís, acollidos por máis de 7.000 familias galegas de 263 concellos.