A Xunta estuda coa unidade de investigación Acuiregal vías de colaboración para avaliar a recuperación de especies de interese pesqueiro e marisqueiro
Santiago de Compostela, 16 de novembro de 2026
A conselleira do Mar, Marta Villaverde, reuniuse hoxe en San Caetano con representantes de Acuiregal, a primeira unidade mixta de investigación público-privada entre o Consello Superior de Investigacións Científicas (CSIC) e empresas, orientada a desenvolver a acuicultura rexenerativa en Galicia.
A xuntanza, na que Villaverde estivo acompañada pola directora xeral de Pesca, Acuicultura e Innovación Tecnolóxica, Ángeles V. Suárez, e polo director xeral de Desenvolvemento Pesqueiro, David Gómez, deu continuidade ás conversas iniciadas en xuño con esta unidade, impulsada co apoio da Axencia Galega de Innovación (GAIN) e fondos europeos Feder. A conselleira tomou nota das propostas que lle trasladaron e valorar posibles vías de colaboración dirixidas á recuperación de especies de interese pesqueiro e marisqueiro.