A Xunta inicia esta semana traballos de roza e limpeza nas marxes de estradas autonómicas nas comarcas de Bergantiños e da Mariña
Os novos traballos desenvolveranse na estrada AC-430, no concello de Cabana de Bergantiños, e na LU-162, que comunica O Valadouro e Foz
Na provincia de Ourense continuarán as tarefas de limpeza xa iniciadas na estrada OU-801, en Padrenda e Ribadavia; e na OU-531, nas bisbarras da Limia e de Celanova
Os labores proseguirán tamén na autovía AG-59, en Teo; e na vía de altas prestacións CG-2.1, entre Monforte de Lemos e o Alto do Faro
Na provincia de Pontevedra avanzarán as intervencións nas vías de altas prestacións VG-4.5, en Moaña e Cangas; e na VG-4.7, en Carril e Baión
O Goberno galego leva investido 8,3 M€ desde 2018 en actuacións de control da biomasa nas marxes das estradas autonómicas, a través da encomenda á empresa pública Seaga
A Xunta iniciará esta vindeira semana traballos de roza e limpeza nas marxes da estradas autonómicas nas comarcas de Bergantiños e da Mariña.
Na provincia de Lugo seguirán os traballos na vía de altas prestacións CG-2.1, entre Monforte de Lemos e o Alto do Faro.
Control de biomasa e seguridade viaria
Estas actuacións, impulsadas pola Consellería de Infraestruturas e Mobilidade, enmárcanse no contrato coa empresa pública Seaga, cun investimento de máis de 2,2 millóns de euros, para o control da biomasa das marxes das estradas autonómicas.
Como novidade, prevese a reposición de 7.500 metros de valado en vías de alta capacidade que se poida danar nos labores de despexe ou roza. A reposición realizarase con valado reforzado para aumentar a protección da estrada fronte á entrada de animais.
Imaxes relacionadas
