A conselleira de Política Social e Xuventude, Fabiola García, visitou hoxe os participantes nesta iniciativa que completan a súa formación con prácticas nas instalacións do Grupo Zendal no Porriño
A Xunta impulsa o acceso ao mundo laboral de 170 mozos de 18 a 30 anos a través do programa Xuventude Mentoring na Empresa
Máis de 70 entidades do sector privado apoian esta iniciativa, que nesta primeira edición conta tamén coa implicación dos concellos de Camariñas, Muxía e Vimianzo
Fabiola García destacou o interese que levantou esta primeira edición do Xuventude Mentoring na Empresa entre as compañías, as entidades locais e a xente nova. Así, o programa conta co apoio de máis de 70 entidades do sector privado nas que a mocidade realiza prácticas formativas; e tamén conseguiu a implicación dos concellos, xa que que nesta edición participan tres municipios da Costa da Morte: Camariñas, Muxía e Vimianzo.
Este programa supón un paso máis na formación e asesoramento á xuventude para facilitar a transición entre a etapa formativa e laboral. Neste sentido, a Xunta impulsou en 2021 o Xuventude Mentoring, que este ano vai pola súa cuarta edición e que permitiu acompañar a preto de 500 mozos no seu paso de estudantes a profesionais.
Imaxes relacionadas
