Plans e programas anuais/plurianuais
Ten dispoñibles para consulta 209 actuacións:
Plan galego de estatística 2017-2021
Mediante a Lei 15/2016, do 28 de xullo, do Plan galego de estatística 2017-2021 regulouse e aprobouse o instrumento de ordenación e planificación da actividade estatística da Comunidade autónoma de Galicia.
Nova Axenda Social de Galicia
A Nova Axenda Social de Galicia formula respostas adaptadas ás características que presentan as novas situacións de pobreza e exclusión a consecuencia dos cambios estruturais na sociedade actual. As medidas que comprende diríxense á poboación en risco de pobreza e exclusión social e, de xeito concreto, algunhas delas diríxense nomeadamente a un perfil de familias que rexistran actividade económica e baixos ingresos e que, por diversas razóns, non acceden aos dispositivos de axuda de inclusión.
Plan de prevención e defensa contra os incendios forestais de Galicia 2016
O obxectivo xeral do Pladiga é reducir ao mínimo posible os danos ecolóxicos, económicos e sociais producidos polos lumes forestais na Comunidade Autónoma de Galicia, dentro dos recursos dispoñibles.
Plan de Inclusión Dixital de Galicia 2020
O Plan de Inclusión Dixital constitúe a aposta do Goberno Galego para a consecución dunha sociedade plenamente dixital en Galicia. Para a obtención deste obxectivo defínese cun horizonte temporal a 2020.
Plan director de Seguridade TIC 2015-2020
O Plan Director de Seguridade contempla as actuacións en materia de seguridade TIC para asegurar o grao de protección adecuado para a información xestionada pola Administración xeral e do sector público de Galicia.
Plan de software libre 2016
No presente documento amósanse as iniciativas en materia de Software Libre levadas a cabo para realizar unha xestión eficiente.
Plan de actividades 2016 do Instituto Galego de Seguridade e Saúde Laboral
Son as principais liñas de actividade e programas técnicos do Issga nas distintas disciplinas preventivas: seguridade no traballo, hixiene industrial, psicosocioloxía e ergonomía, e medicina do traballo. Así como a colaboración e coordinación coas outras unidades directivas con competencias na materia de PRL. Dá resposta ás funcións que corresponden ao Issga como órgano técnico-científico de SST.
Estratexia en materia de mobilidade alternativa de Galicia
A Estratexia en materia de mobilidade alternativa en Galicia é o documento de base sobre o que se desenvolve a política en materia de mobilidade de peóns e ciclistas non deportivos na rede de estradas de titularidade da Comunidade Autónoma de Galicia, constituíndo o documento a partir do cal se definen as prioridades de investimento nesta materia.
Plan de Administración e Goberno Dixitais 2020
O Plan de Administración e Goberno Dixitais 2020 da continuidade ao Plan de Modernización da Administración pública no relativo a implementación de iniciativas que fomenten o uso da administración electrónica por parte da cidadanía e no desenvolvemento dos desafíos propostos na Axenda Dixital para Galicia en este eido.
Axenda Dixital de Galicia 2020
A Axenda Dixital de Galicia 2020 é unha estratexia coordinada e aliñada coas estratexias de ámbito nacional e europeo no que a uso das TIC se refire, que ven reforzar e reafirmar a Estratexia Galega de Crecemento Dixital, introducindo elementos que permitirán maximizar o impacto das políticas tecnolóxicas, como un factor imprescindible e clave para acadar os obxectivos de crecemento económico-social que se marca Galicia para o futuro.