Preguntas frecuentes
XuntaEu é unha aplicación móbil que facilita, a través de dispositivos móbiles, o acceso aos principais servizos de administración dixital da Xunta de Galicia.
Calquera cidadán ou cidadá pode acceder a XuntaEu.
Chave365 é o sistema que permite aos cidadáns e cidadás maiores de idade e aos/ás menores emancipados/as identificarse e asinar documentos na sede electrónica da Xunta de Galicia sen necesidade de usar certificados dixitais nin DNI electrónico.
Con Chave365, a persoa usuaria identifícase co seu NIF e clave persoal e asina electronicamente cun código, único para cada operación, que recibe no seu teléfono móbil.
Atoparás máis información en:
XuntaEu está dispoñible tanto para móbiles do sistema operativo Android como IOs.
Podes descargala aquí:
Para poder acceder mediante DNIe deberás dispoñer de XuntaEu instalada nun dispositivo móbil que teña tecnoloxía NFC (Near Field Communication).
Tamén deberás ter un DNIe 3.0 o 4.0 e coñecer o seu contrasinal. Deberás activar o NFC no teu dispositivo. Para iso vai aos axustes do dispositivo, busca a opción NFC e actívaa.
A app pode recibir certificados desde calquera sistema da Xunta de Galicia para que o cidadán ou cidadá os poida consultar.
Neste momento os certificados dispoñibles en XuntaEu, que progresivamente se irán ampliando, son:
- Certificado de habilitacións profesionais
- Licenza de pesca marítima de recreo en superficie
- Licenza de pesca marítima de recreo submarina
- Licenza de pesca marítima de recreo en embarcacións.
Con XuntaEu podes acceder a todos estes servizos:
- Notificacións: podes consultar as notificacións electrónicas postas á túa disposición en Notifica.gal, aceptándoas ou rexeitándoas segundo corresponda.
- Expedientes e presentacións: consulta a información básica dos expedientes e presentacións nos que figures como persoa solicitante e/ou representante. É a mesma información que figura na sede electrónica da Xunta.
- Documentación presentada: XuntaEu permite consultar toda a documentación entregada no rexistro, tanto electrónico como presencial, relacionada cos teus trámites con data posterior al 1 de xaneiro de 2020.
- Pago de taxas: a través desta opción pódese cubrir o modelo de autoliquidación e realizar o pago da taxa. Tamén permite consultar operacións xa realizadas, anular operacións en fase inicial ou descargar modelos.
- Certificados: tamén podes consultar nesta app a lista dos teus certificados.
- Chave365: podes acceder á túa información no sistema Chave365 (data de alta, data da próxima renovación, caducidade do teu usuario...). Ademais destas consultas, podes, desde esta aplicación, cambiar a túa clave, cambiar o número de teléfono ou darte de baixa no sistema.
- Verificación CVE:XuntaEu permíteche comprobar a validez dos documentos asinados electronicamente. Podes facer esta comprobación de dúas formas: de maneira manual, escribindo o código CVE que figura no documento ou empregando a cámara do teu dispositivo móbil, escaneando o código QR que figura xunto ao CVE no documento.
- Tarxetas: leva contigo as túas tarxetas ou carnés emitidos pola Xunta de Galicia. Unha forma sinxela e segura para telas sempre a man.
- Apoderamentos: se outorgaches ou recibiches apoderamentos a través do Rexistro Electrónico Xeral de Apoderamentos de Galicia tamén están á túa disposición en XuntaEu. Tamén che permite conceder novos apoderamentos.
Ademais, XuntaEu tamén che ofrece:
- A posibilidade de consultar as aquelas citas que solicitases para as oficinas de atención á cidadanía e de rexistro ou coas consellerías. Tamén tes a posibilidade de modificar unha cita xa programada, eliminala ou solicitar unha nova.
- Recibir avisos personalizados no teu móbil. Chegaranche como unha notificación para que te decates de que tes dispoñible información do teu interese.
- Consultar e/ou modificar os datos persoais que consten na túa carpeta cidadá (teléfonos, correo electrónico, enderezo...).
Ao acceder á sección de tarxetas atoparás unha lista con aquelas que tes dispoñibles.
A integración de tarxetas/carnés será progresiva, co que irán engadíndose novidades proximamente!
Neste momento as que podes atopar son:
- Carné xove
- Tarxeta acreditativa do grao de discapacidade
- Título individual de familia numerosa
- Título de familia numerosa
- Certificado de familia monoparental
- Certificado individual de familia monoparental
- Carné da Rede de Bibliotecas de Galicia
- Tarxeta para licenzas de pesca de recreo en superficie
- Tarxeta para licenzas de pesca de recreo submarina
- Tarxeta para licenzas de pesca marítima de recreo en embarcacións
- Licenza recreativa de pesca continental
- Licenza de caza
- Licenza de embarcacións
- Permiso de pesca fluvial
- Carné profesional en instalacións térmicas de edificios
- Carné profesional de operador/a de guindastre torre
- Carné profesional de operador/a de guindastre móbil autopropulsada - categoría B
- Carné profesional de operador/a de guindastre móbil autopropulsada - categoría B
O código QR que sae nunha tarxeta serve para poder verificar a súa validez.
Se precisas presentar unha tarxeta, a persoa que necesite verificar a súa validez poderá ler o devandito QR e seguir o enlace que nel apareza.
Amosaráselle una páxina web que indicará a validez ou non da tarxeta. Necesitará de conexión a internet para poder verificar a súa validez.
Para cambiar a túa clave de acceso de Chave365 deberás primeiro identificarte na apliación con Chave365, certificado dixital o DNI electrónico.
A continuación preme en Chave365 e despois en "cambiar clave".
A app solicitaráche a clave actual e a nova.
Un PKPASS é un tipo arquivo que contén todo o necesario para xerar unha tarxeta, un billete de embarque etc.
Este arquivo pode ser aberto e utilizado por unha aplicación de wallet ou billeteira, como pode ser o Apple Wallet en dispositivos iOS ou tamén por aplicacións de Android, como é o caso de WalletPasses.
Podes consultar con detalle as condicións de uso de XuntaEu e a política de privacidade nas súas seccións específicas.
En XuntaEu podes modificar os teus datos persoais (enderezo, teléfono, correo electrónico...).
A información que mostra a aplicación sobre ti é aquela da que xa dispón previamente a Xunta de Galicia.
Requírese que no primeiro acceso a XuntaEu consintas o acceso a eses datos.
Non, a aplicación non usa o GPS nin ningunha utilidade de xeolocalización.