Intentada a notificación persoal e devoltas polo servicio de correos por resultar imposible a súa práctica, de conformidade co disposto no artigo 59.4º da Lei 30/1992, do 26 de novembro, pola presente cédula notifícaselles ás empresas relacionadas no anexo as resolucións recaídas nos expedientes sancionadores en materia laboral e de seguridade e hixiene no traballo.

Faise saber que as ditas resolucións lle poñen fin á vía administrativa e os interesados poden formular contra ela recurso contencioso-administrativo no prazo de dous meses contados desde a súa publicación ante a Sala do Contencioso-Administrativo do Tribunal Superior de Xustiza de Galicia, de conformidade co establecido na Lei do 27 de decembro de 1956, modificada pola do 17 de marzo de 1973, 30 de abril de 1992, e a do 26 de novembro de 1992.

Advírteselles que terán que aboa-la multa imposta mediante a necesaria utilización do impreso que se xuntaba á resolución de instancia, no número de conta e na entidade bancaria que nel se sinala, dentro do prazo de quince días hábiles contados desde o seguinte ó da notificación da presente resolución, xa que noutro caso se incoará o procedemento pola vía de constrinximento.

Santiago de Compostela, 3 de febreiro de 1998.

Mª José Cimadevila Cea

Directora xeral de Relacións Laborais

ANEXO

Empresa: Construcciones Alfredo Rubén, S.L.

Domicilio, localidade: Cangas, Pontevedra.

Nº expediente: 127/1997 (RO), 195/1996 (PO), 382/1996 (AI).

Data resolución dirección xeral ou consellería: 17 de xuño de 1997.

Preceptos infrinxidos: artigo 21, 22, 23, 51 e 60 da ordenanza xeral de seguridade e hixiene no traballo (OM 9-3-1971). Artigo 187 da ordenanza laboral da construcción (OM 28-8-1970).

Preceptos sancionadores: artigo 47.16º f) e b) da Lei 31/1995, do 8 de novembro, de prevención de riscos laborais.

Sanción imposta: 500.200 ptas.

Empresa: Perfectino Viéitez Rodríguez.

Domicilio, localidade: O Carballiño, Ourense.

Nº expediente: 302/1997 (RO), 50/1997 (OR), 2/1997 (AI).

Data resolución, dirección xeral ou consellería: 30 de xullo de 1997.

Preceptos infrinxidos: artigo 3, nº 2. apartados a) e b) do R.D. 2546/1994, do 29 de decembro, polo

que se desenvolve o artigo 15 do Estatuto dos traballadores.

Preceptos sancionadores: artigo 95.6º do R.D. 1/1995, do 24 de marzo, polo que se aproba o Estatuto dos traballadores.

Sanción imposta: 50.100 ptas.