Eu, Ángel Galgo Peco, maxistrado-xuíz do Xulgado de Primeira Instancia número trinta e tres de Madrid, fago saber:

Que neste xulgado do meu cargo se seguen autos de xuízo declarativo menor contía 246/1996, seguidos por instancia de Ángel Barajas Zamorano, Fernando del Pozo Benito, Fernando del Pozo García e Eugenio Torrecilla Cabañas, representado polo procurador José María Abad Tundidor, contra herdeiros descoñecidos respecto da núa propiedade de ámbolos predios (rúa da Palma nº 16 e Valverde nº 26 de Madrid) e outros, nos que se dictou a seguinte e literal sentencia:

En nome de El-rei, na cidade de Madrid, o veinteseis de decembro de mil novecentos noventa e sete.

Ángel Galgo Peco, maxistrado-xuíz do Xulgado de Primeira Instancia número trinta e tres de Madrid, tendo vistos os presentes autos de xuízo declarativo menor contía, promovidos por instancia de Ángel Barajas Zamorano, Fernando del Pozo Benito, Fernando del Pozo García e Eugenio Torrecilla Cabañas, e na súa representación o procurador dos tribunais

José María Abad Tundidor, contra os herdeiros descoñecidos da súa propiedade de ámbolos predios (rúa da Palma nº 16 e Valverde nº 26 de Madrid) de Antonio López Vázquez; os titulares rexistrais dos ditos predios a favor dos cales aparecen inscritos conforme o certificado do Rexistro da Propiedade nº 27 de Madrid, excepto contra os demandantes na porción en que tamén aparecen como titulares, é dicir, contra Jesús Díaz López e herdeiros, María Estrella, María del Carmen e Antonio López e herdeiros; María e Carmen Díaz López e herdeiros: Jesús Dorado e María Díaz Cabañas e herdeiros: Julián, Germán, Ginés e María del Carmen Regueiro López e herdeiros: Rogelio e Jesús Pérez Regueiro e Herdeiros e contra calquera outra persoa que puidese ter intereses sobre o pleno dominio (núa propiedade e usufructo) dos dous predios, nº 16 da rúa Palma e nº 26 da rúa Valverde de Madrid, dictou sentencia consonte os seguintes: antecedentes de feito, fundamentos de dereito, decido:

Que estimando integramente a demanda formulada polo procurador José María Abad Tundidor, debo declarar e declaro que a propiedade dos predios urbanos nº 16 da rúa de Palma e nº 26 da rúa Valverde, ambas de Madrid, corresponde, por cuartas partes, a Ángel Barajas Zamorano, Fernando del Pozo Benito, Eugenio Torrecillas Cabañas e Fernando del Pozo García, tendo as ditas cotas carácter ganancial, excepto a comprada por Fernando del Pozo García que é privativa. Unha vez firme esta sentencia, con entrega de testemuño dela, procédase a cancela-la inscrición contradictoria sobre a propiedade dos mencionados predios no Rexistro da Propiedade nº 27 de Madrid. Sen expreso pronunciamento condenatorio en custas.

Contra esta sentencia poderase interpor neste xulgado recurso de apelación no prazo de cinco días contados a partir da súa notificación, que se efectuará do modo e forma que prevé o artigo 769 da LAC, dada a rebeldía da parte demandada.

O secretario

Rubricado

2845