O Pleno da Corporación, en sesión de 28-1-1999, adoptou o seguinte acordo:

Primeiro.-Prestar aprobación definitiva á proposta formulada por Corvorana, Sociedad Cooperativa Limitada, segundo o proxecto redactado polos arquitectos Rodríguez Pagán e Gómez Ayuso, con visado da Delegación Provincial en Pontevedra do COAG de 2-6-1998, de modificación da delimitación do polígono B-10/San Brais do Plan Xeral de Ordenación Urbana, excluíndose deste ámbito espacial delimitado unha parcela actualmente destinada a espacio libre de titularidade municipal e incluíndose dentro del unha porción do predio de titularidade da citada cooperativa, cualificada polo planeamento como equipamento en solo urbano, para a súa cesión a este Concello, de maneira que o novo ámbito do polígono B-10 comprende o predio denominado A Corva, de exclusiva titularidade de Corvorana, S.C.L. como consecuencia da xestión proxectada, compensándose conforme ela a cesión do 10 por 100 de aproveitamento urbanístico non patrimonializable pola propiedade.

Segundo.-Ratifica-lo convenio subscrito pola Alcaldía e Corvorana, Sociedad Cooperativa Limitada, o dezanove de xaneiro pasado, coa finalidade de establece-las condicións reguladoras do futuro plan parcial do polígono B-10, como instrumento urbanístico de desenvolvemento do plan xeral nesa unidade de actuación territorial, compensación do

aproveitamento non patrimonializable de cesión a esta Administración municipal e exención ó Concello de calquera gasto que puidera corresponderlle pola xestión do polígono.

Terceiro.-Publicar este acto administrativo no BOP e Diario Oficial de Galicia, con notificación persoal ós interesados e remisión de testemuña del á delegación provincial da Consellería de Política Territorial, Obras Públicas e Vivenda da Xunta de Galicia.

O que se fai público para a súa executividade, subliñándose que contra este acordo, que esgota a vía administrativa, se poderá interpoñer recurso contencioso-administrativo no prazo de dous meses contados a partir do día seguinte ó da súa notificación perante a Sala do Contencioso-Administrativo do Tribunal Superior de Xustiza de Galicia, consonte o establecido nos artigos 10.1º e 46.1º da Lei 29/1998, do 13 de xullo, reguladora da xurisdicción contencioso-administrativa.

Non obstante, tamén se poderá interpoñer calquera outro recurso que os interesados consideren procedente conforme a dereito.

Pontevedra, 5 de marzo do 1999.

Juan Luis Pedrosa Fernández

Alcalde

Julio Dapena Outomuro

Secretario xeral