Por orde da Consellería de Educación e Ordenación Universitaria do 10 de marzo de 2000, convocáronse axudas para alumnos e profesores de cen
tros públicos docentes da Comunidade Autónoma de Galicia sostidos con fondos públicos, que participen en estadías e intercambios con centros educativos doutros países para favorece-la aprendizaxe activa de linguas e para realizar estadías en empresas.
Vista a proposta da comisión de selección prevista no artigo 7 da citada orde,
RESOLVO:
Primeiro.-Conceder con cargo ó concepto orzamentario 07.04.322T.480.0, da Dirección Xeral de Ordenación Educativa e Formación Profesional, as axudas que se relacionan no anexo I, que se presentaron no terceiro prazo establecido (do 11 de abril ó 1 de xuño de 2000, punto quinto.1 do DOG do 20 de marzo de 2000) por valor de 10.923.262 pesetas.
Segundo.-Denegar ou excluír, polas causas que se indican, as solicitudes que se relacionan no anexo II.
Terceiro.-De acordo co artigo 9 da orde de convocatoria, as axudas serán aboadas da seguinte forma:
Para as axudas que non superen o importe de 1.000.000 de pesetas, no momento da concesión poderá acordarse un anticipo de pagamento de ata un 80%, logo de aceptación da subvención. O 20% restante librarase unha vez rematada a actividade e logo da súa completa xustificación económica por parte do centro e entrega da memoria de actividades, achegando certificación respecto da percepción ou non doutras axudas e subvencións para a mesma finalidade, para efectos do disposto no artigo 78.3º da Lei 11/1992, do 7 de outubro, de réxime financeiro e orzamentario de Galicia. Nas axudas que superen esta cantidade, o pagamento realizarase integramente unha vez rematada e xustificada a actividade.
Cuarto.-De acordo coa normativa vixente, os beneficiarios quedarán obrigados a:
1. Acepta-la axuda concedida. Neste sentido, se no prazo de quince días, contados a partir da recepción da comunicación pola que se notifica a concesión da axuda, o centro beneficiario non a acepta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poidan efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memoria.
Os centros beneficiarios enviarán unha memoria das actividades realizadas que inclúe:
a) Resumo do desenvolvemento da actividade realizada.
b) Obxectivos conseguidos.
c) Procedemento de avaliación utilizado, resultados obtidos e difusión que se realizou deles.
A memoria irá xunto cunha certificación do director do centro na que se faga consta-lo nome e número de DNI do profesor responsable do proxecto e dos profesores que o acompañaron na viaxe. Igualmente engadirase unha certificación de ter ou non ter subvención ou axuda para a mesma finalidade procedente de calquera outra Administración ou ente público.
3.2. Xustificación de gastos efectuados.
Os centros educativos enviarán unha certificación do Consello Escolar do centro aprobatoria do gasto, xuntando unha relación detallada dos gastos efectuados.
Quinto.-Contra esta resolución os interesados poderán interpoñer recurso potestativo de reposición, ante o conselleiro de Educación e Ordenación Universitaria, no prazo dun mes, contado a partir do día seguinte ó da súa publicación no DOG, segundo o disposto na Lei 4/1999 (BOE do 14 de xaneiro), ou ben directamente o recurso contencioso-administrativo no prazo de dous meses ante o Tribunal Superior de Xustiza de Galicia.
Disposicións derradeiras
Primeira.-Autorízase a Dirección Xeral de Ordenación Educativa e Formación Profesional para dictar tantas disposicións sexan precisas para o desenvolvemento correcto desta orde.
Segunda.-Esta resolución entrará en vigor o día seguinte ó da súa publicación no DOG.
Santiago de Compostela, 7 de setembro de 2000.
Celso Currás Fernández
Conselleiro de Educación e Ordenación
Universitaria
ANEXO I
Centros seleccionados
Tipo de acción Centro escolar Nº Prof. Nº Alum. Axuda solicitada Axuda concedida País de destino
Intercambio IES Valentín Paz Andrade 3 35 1.999.460 780.000 Portugal
Visita de estudio CEIP A Cuqueira 1 0 200.000 126.000 Italia
Visita de estudio CEIP García Barbón 1 0 553.750 133.000 Hungría
Intercambio IES de Elviña 2 20 3.543.000 1.060.000 Italia
Visita preparatoria IES de Teis 1 0 285.000 150.000 Finlandia
Tipo de acción Centro escolar Nº Prof. Nº Alum. Axuda solicitada Axuda concedida País de destino
Visita preparatoria IES de Teis 1 0 225.000 150.000 Suecia
Prácticas alumnos Esc. Restaur. Galicia 0 17 2.652.000 1.700.000 Italia
Estad. format. prof. Esc. Restaur. Galicia 1 0 282.500 140.000 Italia
Intercambio IES Félix Muriel 2 22 1.923.000 1.150.000 Italia
Intercambio CEIP Brea Segade 2 14 1.288.000 790.000 Italia
Visita de estudio CEIP Pepe de Xan Baña 1 0 125.000 100.000 Francia
Intercambio IES de Sar 2 20 832500 624.375 Francia
Multiencontro IES Xelmírez II 2 16 1.861.712 700.000 Francia
Estad. format. prof. IES Carlos Oroza 2 0 678.400 230.000 Francia
Visita preparatoria IES de Vilamarín 1 0 400.000 100.000 Francia
Estad. format. prof. Esc. Restaur. Galicia 1 0 282.500 140.000 Italia
Intercambio CEIP de Ventín-Ames 2 12 1.711.000 700.000 Inglaterra
Visita de estudio IES Ferro Couselo 1 0 198.000 126.000 Portugal-Azores
Visita de estudio CEIP Brea Segade 1 0 150.000 126.000 Italia
Intercambio IES 1º de Marzo 2 24 1.672.512 980.000 Francia
Intercambio IES nº 1 de Pontedeume 2 14 1.223.850 917.887 Finlandia
ANEXO II
Centros excluídos
Tipo de acción Centro escolar Motivo da denegación
Visita preparatoria Universidade Popular de Vigo Centro escolar non elixible
Curso de idiomas Colexio Maristas-Ourense Centro non concertado para os niveis solicitados
Visita de estudio CEIP Raíña Fabiola Non ten renovado Comenius-1
Estadía formativa alumnos IES Parga Pondal Solicitude fóra de prazo