Visto o expediente instruído para efectos de transmisión do establecemento que se cita a continuación e do permiso de actividade e concesión administrativa que o ampara, resulta:

a) Antecedentes de feito.

Primeiro.-Mediante escrito do 25-11-2002, Carlos Pimenta Domínguez (DNI 35408925) no nome e representación de Mariscos Veiro, S.L. (NIF B-36169316) solicitou autorización para a transmisión do permiso de actividade e da concesión da estación depuradora/centro de expedición, do que é titular, situado en Tragove-Cambados (Pontevedra).

Segundo.-O interesado achegou a documentación requirida para a tramitación.

Terceiro.-No expediente consta a seguinte documentación, referida ó resultado da información oficial.

-Informe técnico favorable da Delegación Territorial de Pontevedra.

-Informe favorable sobre a transmisión da concesión de ocupación do dominio púbico marítimo-terrestre, de Portos de Galicia.

-Informe xurídico favorable do Servicio Técnico Xurídico.

Cuarto.-Con data 31 de outubro de 2002, Portos de Galicia outorgou a Mariscos Veiro, S.L. autorización para a transmisión da titularidade da concesión de ocupación de dominio público marítimo-terrestre.

b) Fundamentos xurídicos.

Primeiro.-Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia, e coa Orde do 14 de xuño de 1999, de delegación de competencias nos delegados territoriais da Consellería de Pesca e Asuntos Marítimos.

Segundo.-O expediente seguiu tódolos trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, a proposta de resolución elaborada polo Servicio de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Autoriza-la transmisión inter vivos, a favor de Depurada de Moluscos La Sirena, S.L. (NIF B-36395101), do permiso de actividade e concesión do establecemento que se indica a continuación:

Identificación:

Tipo: estación depuradora/centro de expedición.

Nome: Mariscos Veiro, S.L.

Actividade: eliminación de xermes patóxenos/envasamento.

Localización: Tragove-Cambados (Pontevedra)

Especies autorizadas: moluscos.

Título habilitante:.

Orde de outorgamento: 27-7-2001 (DOG nº 170, do 3 de setembro).

Remate da vixencia: 4-9-2011.

Actual titular: Mariscos Veiro, S.L. (CIF B-36169316).

Novo titular: Depuradora de Moluscos La Sirena, S.L. (CIF B-36395101).

Baixo as seguintes condicións:

Primeira.-O actual titular deberá presentar no prazo máximo dun mes, contado desde o día seguinte ó da publicación desta orde no Diario Oficial de Galicia, orixinal ou fotocopia cotexada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segunda.-Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.

Terceira.-O novo titular da concesión queda subrogado nos dereitos e obrigas do anterior, desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca e Asuntos Marítimos, ou recurso contencioso-administrativo, ante a xurisdicción contencioso-administrativa, que se interporá no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1º da Lei 29/1998, do 13 de xullo, reguladora da xurisdicción contencioso-administrativa.

Vigo, 9 de maio de 2003.

P.D. (Orde 14-6-1999, DOG nº 120, do 24 de xuño)

Paloma Rueda Crespo

Delegada territorial de Vigo