I
No marco do Regulamento (CE) nº 73/2009 do Consello, do 19 de xaneiro de 2009, polo que se establecen disposicións comúns aplicables aos réximes de axuda directa aos/ás agricultores/as no marco da política agraria común e se instauran determinados réximes de axuda aos/ás agricultores/as e polo que se modifican os regulamentos (CE) nº 1290/2005, (CE) nº 247/2006, (CE) nº 278/2007 e se derroga o Regulamento (CE) nº 1782/2003, que materializa as modificacións aprobadas no marco da reforma a medio prazo da política agrícola común denominada «recoñecemento médico», publicouse o Real decreto 1680/2009, do 13 de novembro, sobre a aplicación do réxime de pagamento único na agricultura e a integración de determinadas axudas agrícolas nel a partir do ano 2010.
Posteriormente, o Real decreto 202/2012, do 23 de xaneiro, sobre a aplicación a partir de 2012 dos pagamentos directos á agricultura e á gandaría, establece a normativa básica aplicable aos réximes de axudas directas no marco da política agrícola común (PAC). Este real decreto foi modificado polo Real decreto 1391/2012, do 5 de outubro e polo Real decreto 2/2013, do 11 de xaneiro, que introduce elementos de control adicional nos pastos permanentes, entre eles a utilización de coeficientes de admisibilidade.
A través do Real decreto 1013/2013, do 20 de decembro, polo que se establecen disposicións específicas para a aplicación no ano 2014 do Real decreto 202/2012, do 23 de xaneiro, sobre a aplicación dos pagamentos directos á agricultura e á gandaría, ademais de modificacións técnicas menores, establécese un novo prazo, comprendido entre o 1 de marzo e o 15 de maio, inclusive, para que os agricultores poidan presentar a súa solicitude única de axudas PAC/DR para a campaña de 2014. Recentemente, a través da Orde AAA/69/2014, do 27 de xaneiro, modifícase o citado prazo quedando finalmente comprendido entre o 17 de febreiro e o 15 de maio, inclusive.
Por outra parte, no Real decreto 1013/2013 prevese a posibilidade de modificacións no escenario financeiro para o ano 2014, en función da nova regulamentación específica da Unión Europea, establecendo, en tal caso, unha adecuación nas dispoñibilidades orzamentarias, mediante un rateo lineal para cada líña de axuda.
Sen prexuízo do anterior, dada a aplicabilidade e eficacia directas da mencionada nova regulamentación, non é preciso establecer previsións adicionais no noso ordenamento xurídico, máis alá de considerar a non aplicación daqueles aspectos que poideran opoñerse á nova normativa europea, de acordo coa xurisprudencia do Tribunal de Xustiza da Unión Europea.
II
O Real decreto 1680/2009 establece as condicións xerais que deben cumprir os/as agricultores/as para poderse acoller ao réxime de pagamento único, as normas de asignación dos dereitos da reserva nacional e as que regulan as cesións dos dereitos de pagamento único segundo o establecido no Regulamento (CE) nº 73/2009 do Consello.
Por outra banda, o Real decreto 202/2012, do 23 de xaneiro, define as características básicas de superficies, parcelas e procedemento para a xustificación dos dereitos de pagamento único, polo que é necesario regular a aplicación e xestión deste réxime en Galicia.
É preciso, así mesmo, prever as modificacións menores de tipo técnico introducidas polo Real decreto 1013/2013, do 20 de decembro, polo que se modifica o Real decreto 202/2012 para unha mellor aplicación del, en particular, para equiparar o arredondamento da unidade entre a prima á vaca nutriz e a axuda específica con base no artigo 68 do Regulamento (CE) nº 73/2009 do Consello, do 19 xaneiro de 2009. Por último, inclúese o «Garbanzo de Escacena» entre as indicacións xeográficas protexidas enumeradas dentro do Programa nacional para o fomento da calidade dos legumes.
III
Para a prima por vacas nutrices que aínda permanece ligada á produción, terase en conta tamén o establecido no Regulamento (CE) nº 1121/2009 da Comisión, do 29 de outubro de 2009, polo que se establecen as disposicións de aplicación do Regulamento (CE) nº 73/2009 do Consello, respecto aos réximes de axuda aos/ás agricultores/as previstos no seu título IV .
IV
No Regulamento (CE) nº 1122/2009 da Comisión, do 30 de novembro de 2009, establécense normas de desenvolvemento do Regulamento (CE) nº 73/2009, do Consello no referido á condicionalidade, á modulación e ao sistema integrado de xestión e control nos réximes de axuda directa aos/ás agricultores/as establecidos por este último, e normas de desenvolvemento do Regulamento (CE) nº 1234/2007, do Consello, no referido á condicionalidade no réxime de axuda establecido para o sector vitivinícola.
Así mesmo, o Real decreto 486/2009, do 3 de abril, establece os requisitos legais de xestión e as boas condicións agrarias e ambientais que deben cumprir os/as agricultores/as que reciban pagamentos directos no marco da política agrícola común, os/as beneficiarios/as de determinadas axudas de desenvolvemento rural, e os/as agricultores/as que reciban axudas en virtude dos programas de apoio a reestruturación e reconversión e á prima por arrinca da viña. Ademais, o Real decreto 202/2012, do 23 de xaneiro, modifica o dito real decreto para incluír, con carácter obrigatorio a partir de xaneiro de 2012, a norma de creación de franxas de protección nas marxes dos cursos de auga.
A todas as axudas recollidas nesta orde seranlles de aplicación as disposicións relacionadas coa condicionalidade, polo que é necesario definir os aspectos específicos relativos a Galicia.
V
O Real decreto 2128/2004, do 29 de outubro, polo que se regula o Sistema de información xeográfica de parcelas agrícolas no Estado Español, en diante, Sixpac, establece os criterios básicos que deben garantir o seu correcto funcionamento como ferramenta de obrigada utilización na xestión de axudas comunitarias, xa que é a base identificativa de parcelas obxecto de calquera tipo de axuda baseada na superficie.
A Orde da anteriormente denominada Consellería de Política Agroalimentaria e Desenvolvemento Rural, do 24 de xaneiro de 2005, regulou, entre outros temas, a implantación do Sixpac en Galicia, e o Fondo Galego de Garantía Agraria (Fogga) é o organismo responsable da súa explotación e mantemento, para o que se precisa determinar para o ano 2014 o tipo, prazo, forma e lugar de presentación das alegacións e das solicitudes de modificación de determinada información contida nel.
VI
Por outra banda, o Regulamento (CE) nº 1698/2005 do Consello, do 20 de setembro de 2005, relativo ao desenvolvemento rural a través do Fondo Europeo Agrícola de Desenvolvemento Rural establece, para o período 2007 a 2013, axudas destinadas a indemnizar os/as agricultores/as polas dificultades naturais en zonas desfavorecidas de montaña e distintas das de montaña.
No que atinxe a estas axudas, denominadas xenericamente indemnizacións compensatorias, o antedito Regulamento (CE) nº 1698/2005, exceptúa na súa disposición derrogatoria do Regulamento (CE) nº 1257/1999 do Consello, do 17 de maio, sobre a axuda ao desenvolvemento rural a cargo do Fondo Europeo de Orientación e de Garantía Agrícola (Feoga), o artigo 13 letra a), o número 1 e os dous primeiros guións do número 2 do seu artigo 14, o artigo 15, os artigos 17 ao 20, o número 3 do artigo 51 e o número 4 do artigo 55, e a parte do anexo 1 que especifica os importes en virtude do número 3 do artigo 15, é dicir, todas as disposicións relativas ás indemnizacións compensatorias.
Así mesmo, o Programa de desenvolvemento rural de Galicia 2007-2013, dentro do eixe nº 2 de mellora do ambiente e do ámbito natural, establece como unha das actuacións prioritarias o contrato de explotación sustentable (CES) para remunerar as funcións territoriais, sociais e ambientais que derivan de determinados sistemas agrícolas e gandeiros.
No contrato de explotación sustentable intégranse as axudas agroambientais e as axudas relativas ao benestar animal e compensarán os custos adicionais e as perdas de ingresos derivados do compromiso subscrito polo/a agricultor/a. No que respecta á aprobación de novas solicitudes destas axudas, cómpre ter en conta o indicado no parágrafo segundo do número 3 do artigo 39, e no parágrafo segundo do número 2 do artigo 40, ambos os dous do Regulamento (CE) nº 1698/2005 do Consello, que establecen un prazo mínimo de cinco anos de cumprimento de compromisos aos seus beneficiarios, así como, por outra banda, o indicado no número 1 do artigo 71 do mesmo regulamento, que establece como condición para poder beneficiarse da contribución do Feader o 31 de decembro de 2015 como prazo máximo do pagamento da axuda polo organismo pagador.
Por outra banda, o Regulamento (CE) nº 65/2011 da Comisión, do 27 de xaneiro de 2011, establece disposicións de aplicación do Regulamento (CE) nº 1698/2005, do Consello, no que respecta á aplicación dos procedementos de control e á condicionalidade en relación coas medidas de desenvolvemento rural.
No marco anterior, nesta orde estableceranse as bases e a convocatoria para acceder ás ditas axudas no ano 2014 en Galicia.
VII
Ao abeiro da normativa comunitaria aplicable, constituída basicamente polo Regulamento (CE) nº 1290/2005 do Consello, do 21 de xuño, desenvolvido polo Regulamento (CE) nº 885/2006 da Comisión, do 1 de xuño, e os reais decretos 327/2003, do 14 de marzo, e 521/2006, do 28 de abril, que regulan o réxime dos organismos pagadores e de coordinación dos fondos europeos agrícolas, segundo o disposto no Decreto 155/2006, do 7 de setembro, o Fondo Galego de Garantía Agraria (Fogga) é o organismo pagador, na Comunidade Autónoma de Galicia, dos gastos financiados polo Fondo Europeo Agrícola de Garantía (Feaga) e polo Fondo Europeo Agrícola de Desenvolvemento Rural (Feader), para o que está autorizado pola autoridade competente mediante a Orde da Consellería do Medio Rural do 4 de outubro de 2007 (DOG nº 196, do 9 de outubro).
Ademais, o devandito organismo, creado pola Lei 7/1994, do 29 de decembro, coa denominación actual establecida pola disposición adicional quinta da Lei 7/2002, do 27 de decembro, ten atribuídas, entre outras, as competencias para a xestión das accións derivadas da política agrícola común (PAC), o que se desprende tamén do disposto no Decreto 128/1996, do 14 de marzo (DOG nº 66, do 2 de abril), que desenvolve a Lei 7/1994.
VIII
A Lei 9/2007, do 13 de xuño, de subvencións de Galicia, establece, no seu artigo 10, relativo aos requisitos para obter a condición de beneficiario/a, no número 2.c) que non poderán obter a dita condición, salvo que pola natureza da subvención se exceptúe pola súa normativa reguladora, entre outros, os que non estean ao día no cumprimento das obrigas tributarias ou fronte á Seguridade Social ou teñan pendente de pagamento algunha débeda coa Administración pública da comunidade autónoma, nos termos nos que regulamentariamente se determine.
Por outra banda, de acordo co previsto no artigo 11 do Decreto 11/2009, do 8 de xaneiro, polo que se aproba o Regulamento da Lei de subvencións de Galicia, a Lei 11/2013, de orzamentos para a Comunidade Autónoma de Galicia para o ano 2014 establece, no artigo 52, a posibilidade de que os beneficiarios de axudas que se concedan con carácter compensatorio ou indemnizatorio podan substituír por unha declaración responsable do solicitante a obriga de presentación de certificación acreditativa do cumprimento das obrigas tributarias, coa Seguridade Social e de non ter pendentede pagamento débedas coa Administración pública da comuniadade autónoma.
Os pagamentos á agricultura e á gandaría previstos no título II teñen o carácter de pagamentos compensatorios derivados da reforma da política agrícola común do ano 1992, en relación coas organizacións comúns de mercado de produtos agrícolas que, co obxectivo de aproximar os prezos comunitarios aos do mercado mundial e compensar as perdas de ingresos causadas pola redución dos prezos institucionais, estableceu un pagamento compensatorio para os/as agricultores/as en cada sector. Así, no caso dos cultivos herbáceos estableceuse mediante o Regulamento (CEE) nº 1765/1992 do Consello, do 30 de xuño, polo que se establece un réxime de apoio aos/ás produtores/as de determinados cultivos herbáceos, e no da carne de vacún mediante o Regulamento (CEE) nº 2066/1992 do Consello, do 30 de xuño, que modifica o Regulamento (CEE) nº 805/1968, polo que establece a organización común de mercados no sector da carne de bovino.
Unha parte importante destas axudas, con base en criterios históricos por percepción de importes compensatorios por estes conceptos en campañas de referencia, integrouse no pagamento único por explotación, manténdose unha pequena porcentaxe ligada á actividade produtiva.
Así mesmo, as axudas previstas no título III teñen o carácter de pagamentos compensatorios, ben pola zona en que exercen a actividade os/as agricultores/as no caso das indemnizacións compensatorias ou ben como compensación dos custos adicionais e das perdas de ingresos derivados do compromiso do/a agricultor/a en relación co contrato de explotación sustentable polo sistema de produción agrícola ou gandeiro adoptado para a mellora do ambiente e do ámbito natural.
Polo tanto, as subvencións reguladas por esta orde deben considerarse incluídas na letra d) do artigo 52 da Lei 11/2013, do 26 de decembro, de orzamentos xerais da Comunidade Autónoma de Galicia para o ano 2014, non tendo os/as beneficiarios/as obriga de achegar os xustificantes de estar ao día no cumprimento das obrigas tributarias ou fronte á Seguridade Social ou de non ter pendente de pagamento ningunha débeda coa Administración pública da Comunidade Autónoma.
IX
Para conseguir unha maior eficiencia nos controis da admisibilidade e condicionalidade das axudas e coa intención de facilitarlles aos/ás agricultores/as a tramitación das axudas recollidas nesta orde, establécese unha solicitude unificada de axudas que inclúe as axudas directas á agricultura e á gandaría e as axudas ao desenvolvemento rural para a utilización sustentable das terras agrarias.
Así mesmo, prevese a utilización das novas tecnoloxías da información e da comunicación e a colaboración de entidades financeiras e outras relacionadas cos servizos ao sector agrario que asinasen un convenio para o efecto, para que estas se encarguen da mecanización de diversos aspectos relacionados coas solicitudes de axuda, facilitándolles aos/ás interesados/as a súa presentación.
Para tal fin, o Decreto 191/2011, do 22 de setembro, de organización e funcionamento dos rexistros da Administración xeral e das entidades públicas instrumentais da Comunidade Autónoma de Galicia, prevé a posibilidade de empregar, para a tramitación dos procedementos administrativos, ademais dos rexistros presenciais, o rexistro electrónico establecido polo Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes, desenvolvendo o dereito recoñecido mediante a Lei 11/2007, do 22 de xuño, dos cidadáns a relacionarse coas administracións públicas por medios electrónicos, regulando tamén, entre outros asuntos, a tramitación dos procedementos administrativos incorporados á tramitación telemática, a creación e regulación da sede electrónica e a creación do rexistro electrónico.
Nesta liña de desenvolvemento da administración electrónica, a Orde do 15 de setembro de 2011, da Consellería de Presidencia, Administracións Públicas e Xustiza, aproba a posta en funcionamento da sede electrónica regulada polo Decreto 198/2010 e o rexistro electrónico a través dos cales os cidadáns poderán exercer o dereito de relación coas administracións públicas por medios electrónicos establecido mediante a Lei 11/2007, do 22 de xuño. A dita sede electrónica está accesible a través do enderezo da internet https://sede.xunta.es.
Ademais, coa habilitación deste procedemento de tramitación electrónica, preténdese dar cumprimento aos obxectivos establecidos polo Decreto 201/2011, do 13 de outubro, polo que se regula a presenza da Administración xeral e do sector público autonómico de Galicia na internet.
Por outra parte, tamén é destacable a simplificación na xestión que supón o feito de que, para a solicitude dos pagamentos regulados por esta orde, coa presentación da solicitude de axuda non se exixa a fotocopia do documento nacional de identidade aos solicitantes que sexan persoas físicas. Tampouco se exixe a certificación acreditativa da titularidade dunha conta bancaria sempre que se presente unha declaración responsable acerca da veracidade dos datos consignados na solicitude, entre os que se encontran os relativos á titularidade da devandita conta por parte do solicitante das axudas.
X
De acordo co exposto, sen prexuízo da aplicabilidade directa da normativa comunitaria e estatal correspondente que se transcribe en parte para unha maior operatividade, a razón desta orde é definir as normas para a solicitude dos dereitos do réxime de pagamento único da reserva nacional e a súa cesión, e para a tramitación e concesión das axudas directas á agricultura e á gandaría, das axudas de desenvolvemento rural para a utilización sustentable de terras agrarias, así como doutras primas gandeiras dentro dunha solicitude unificada no ano 2013. Determínase a súa imputación económica con cargo ao orzamento de gastos do Fogga para o ano 2013 e establécese o procedemento para a tramitación de solicitudes de modificacións puntuais ao Sixpac en Galicia no ano 2014.
En consecuencia, de conformidade co previsto no artigo 30.1º.3 do Estatuto de autonomía de Galicia, no uso das facultades que me confiren a Lei 9/2007, do 13 de xuño, de subvencións de Galicia e a Lei 1/1983, do 22 de febreiro, reguladora da Xunta e da súa Presidencia,
DISPOÑO:
TÍTULO I
Disposicións xerais
CAPÍTULO I
Obxecto, solicitudes de axuda e definicións
Artigo 1. Obxecto e ámbito
1. Pagamentos directos á agricultura e á gandaría.
De acordo co Regulamento (CE) nº 73/2009 do Consello, do 19 de xaneiro de 2009, (DOUE nº L 30/16, do 31 de xaneiro), polo que se establecen as disposicións comúns aplicables aos réximes de axuda directa aos/ás agricultores/as no marco da política agrícola común e se instauran determinados réximes de axudas aos/ás agricultores/as e polo que se modifican os regulamentos (CE) nº 1290/2005, (CE) nº 247/2006, (CE) nº 378/2007 e se derroga o Regulamento (CE) nº 1782/2003, e coas disposicións comunitarias e estatais de desenvolvemento e aplicación deste, esta orde regula os elementos e procedementos para a aplicación de determinados réximes de axuda comunitarios, así como as solicitudes dos/as agricultores/as da Comunidade Autónoma de Galicia das axudas que se indican a continuación:
1.1. Os procedementos para a xestión de dereitos do réxime do pagamento único (RPU), no marco do Real decreto 1680/2009, do 13 de novembro, que comprende:
a) A solicitude de dereitos da reserva nacional.
b) As comunicacións de cesión de dereitos.
1.2. O procedemento para a solicitude, tramitación e concesión aos/ás titulares de explotacións agrarias dos seguintes réximes de axuda comunitarios para o ano 2014, no marco do Real decreto 202/2012, do 23 de xaneiro, sobre a aplicación a partir de 2012 dos pagamentos directos á agricultura e á gandaría:
a) Pagamento único para os/as titulares de dereitos segundo o establecido no artigo 3.1 do Real decreto 1680/2009, do 13 de novembro, sobre a aplicación do réxime de pagamento único na agricultura e a integración de determinadas axudas nel a partir do ano 2010, de acordo co capítulo II do título II desta orde.
b) Réximes de axuda por gando vacún contidos no capítulo III do título II (Prima por vaca nutriz).
c) Axudas específicas aos/ás produtores/as por aplicación do artigo 68 do Regulamento (CE) nº 73/2009 do Consello, do 19 de xaneiro, contidas no capítulo IV do título II.
1.3. Así mesmo, esta orde regula a aplicación en Galicia do sistema integrado de xestión e control de determinados réximes de axuda comunitarios, de acordo co previsto no Regulamento (CE) nº 73/2009 do Consello, do 19 de xaneiro, e co Regulamento (CE) nº 1122/2009 da Comisión, do 30 de novembro.
2. Axudas ao desenvolvemento rural para a utilización sustentable das terras agrarias.
No marco do eixe 2 para a mellora do ambiente e do medio rural do Programa de desenvolvemento rural de Galicia para o período 2007-2013 regúlase no título III desta orde a solicitude, tramitación e concesión, en réxime de concorrencia competitiva, da indemnización compensatoria de zonas de montaña e outras zonas con dificultades, distintas das de montaña, conforme os artigos 36 letra a), incisos i) e ii) e 37, do Regulamento (CE) nº 1698/2005, así como aos artigos 17 a 20 do Regulamento (CE) nº 1257/1999.
Neste mesmo marco regúlase para o ano 2014 o pagamento das axudas agroambientais e o pagamento das axudas relativas ao benestar dos animais establecidas nos incisos iv) e v) da letra a) do artigo 36, do Regulamento (CE) nº 1698/2005, con base no contrato de explotación sustentable (CES).
O Fondo Europeo Agrícola de Desenvolvemento Rural (Feader) contribuirá cunha participación do 75 % ao cofinanciamento das axudas para a utilización sustentable das terras recollidas no título III desta orde.
3. Tamén se establece en relación co Sistema de información xeográfica de parcelas agrícolas (Sixpac) o tipo, prazo, lugar e procedemento para a presentación das alegacións e solicitudes de modificacións de certa información contida nel.
4. Así mesmo, de acordo co previsto no Real decreto 486/2009, do 3 de abril, polo que se establecen os requisitos legais e de xestión e as boas condicións agrarias e ambientais que deben cumprir os/as agricultores/as que reciban pagamentos directos no marco da política agrícola común, os/as beneficiarios/as de determinadas axudas de desenvolvemento rural e os/as agricultores/as que reciban axudas en virtude dos programas de apoio á reestruturación e reconversión e á prima por arrinca de viñedo, establécense os requisitos legais de xestión e as boas condicións agrarias e ambientais que deberán cumprir os/as solicitantes das axudas con relación á condicionalidade, así como o sistema de control e aplicación de reducións e exclusións.
5. Para os efectos do disposto nesta orde, para que unha explotación agraria se considere situada en Galicia deberá encontrarse nunha das dúas situacións seguintes:
a) No caso de que o/a produtor/a presente unha solicitude de axuda baseada na superficie, cando a maior parte da superficie da explotación se atope nesta comunidade autónoma.
b) Nos demais casos, cando o maior número de animais se atope en Galicia.
Artigo 2. Solicitudes
Os/as agricultores/as que desexen obter no ano 2014 algunha ou algunhas das axudas citadas no artigo 1, número 1.2, xa sexan do réxime do pagamento único, dos restantes réximes de axuda ou de varios deles, ou as citadas no artigo 1 número 2, deberán presentar, conforme o previsto no artigo seguinte, unha solicitude unificada na que se relacionen a totalidade das parcelas agrícolas da explotación.
Artigo 3. Modelos de solicitude, documentación e lugar de presentación
1. Solicitude unificada.
1.1. Os/as agricultores/as interesados/as en obter a axuda do réxime de pagamento único, a prima por vaca nutriz, as axudas específicas por aplicación do artigo 68 do Regulamento (CE) nº 73/2009 ou as axudas ao desenvolvemento rural para a utilización sustentable das terras agrarias, deberán presentar unha solicitude de acordo cos modelos de impresos do anexo 1. As solicitudes deberán ser dirixidas á directora do Fogga.
1.2. As solicitudes de axudas integradas na solicitude unificada poderán ser presentadas tanto por vía telemática como en soporte papel.
1.3. A tramitación por vía telemática poderá ser formalizada polos/as interesados/as do seguinte modo:
a) Utilizando o acceso á sede electrónica da Xunta de Galicia no enderezo da internet https://sede.xunta.es conforme o Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes, de acordo co establecido na Orde da Consellería de Presidencia, Administracións Públicas e Xustiza, do 15 de setembro de 2011, pola que se aproba a posta en funcionamento da sede electrónica da Xunta de Galicia.
b) Utilizando o acceso á WebPAC dispoñible na oficina agraria virtual no enderezo da internet http://www.medioruralemar.xunta.es/institucional/oficina_virtual/servizos_do_fogga/. Neste último caso, os solicitantes poderán optar por:
– Realizar persoalmente a súa solicitude, para o que precisan dispoñer dun certificado dixital con vixencia,
– Realizar a solicitude a través das entidades colaboradoras asinantes dun convenio para o efecto co Fogga, sempre que se acredite no expediente a representación para a devandita presentación telemática. Os/as agricultores/as que desexen utilizar este método deberán facilitarlle á entidade colaboradora o seu NIF e a clave de acceso persoal que lles comunica o Fogga aos/ás interesados/as.
1.4. Por outra parte, as persoas interesadas en presentar a súa solicitude en soporte papel poderán acceder aos modelos de impresos e cubrilos do seguinte modo:
a) Utilizando o acceso á sede electrónica da Xunta de Galicia no enderezo da internet https://sede.xunta.es
b) Utilizando o acceso á páxina Web do Fogga no enderezo da internet:
http://mediorural.xunta.es/nc/fogga/politica_agraria_comun/pac/?mod.
1.5. A presentación de solicitudes realizadas en papel, así como calquera documento complementario aos rexistrados telematicamente conforme os puntos anteriores, poderán presentarse na oficina agraria comarcal correspondente ao enderezo do/a interesado/a, ou ben nas formas previstas e a través dos rexistros establecidos no Decreto 191/2011, do 13 de setembro, de organización e funcionamento dos rexistros da Administración xeral e das entidades públicas instrumentais da Comunidade Autónoma de Galicia. Tamén poderán ser presentadas mediante calquera dos sistemas de presentación previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
1.6. A solicitude deberá ser asinada en papel ou telematicamente polo/a titular da explotación ou polo/a representante acreditado/a e deberá ir acompañada da documentación que se requira en cada caso segundo se recolle no anexo 1.a).
Para os efectos do artigo 23.1º do Regulamento (CE) nº 1122/2009, considéranse contratos ou declaracións e outros documentos ou xustificantes constitutivos de admisibilidade da axuda de que se trate, segundo o previsto nos artigos 12 e 13 do citado regulamento, os especificados como tales no anexo 1.
De ser o caso, a documentación complementaria relacionada no anexo 1.b) que en cada caso se requira será exixible conforme o indicado no artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común.
2. De acordo co establecido no artigo 2 do Decreto 255/2008, do 23 de outubro, polo que se simplifica a documentación para a tramitación dos procedementos administrativos e se fomenta a utilización de medios electrónicos, non será exixible aos solicitantes que sexan persoas físicas a fotocopia do documento nacional de identidade nin do documento de identificación de estranxeiros/as sempre que o/a solicitante preste o seu consentimento para que o órgano xestor poida realizar a consulta por medio telemático ao servizo horizontal de acceso ao sistema de verificación de datos de identidade do Ministerio de Administracións Públicas que, para tal fin, estableza o departamento competente en materia de xestión da Administración electrónica.
No caso de que o/a interesado/a non prestase o dito consentimento para a comprobación dos datos, poderáselle exixir que presente a fotocopia do documento de identidade correspondente.
3. Tampouco será exixible aos solicitantes que sexan persoas físicas a documentación xustificativa de ter a condición de profesional da agricultura se o/a solicitante ou as persoas físicas relacionadas coa explotación que deben acreditar tal condición autorizan o Fogga para solicitar directamente da Axencia Estatal de Administración Tributaria ou da Tesouraría Xeral da Seguridade Social a certificación ou información suficiente que xustifique tal circunstancia.
4. Por último, de acordo co artigo 5 da Orde do 12 de xaneiro de 2012 (DOG nº 10, do 16 de xaneiro), pola que se regula a habilitación de procedementos administrativos e servizos na Administración xeral e no sector público autonómico de Galicia, non será necesario achegar a certificación acreditativa da titularidade dunha conta bancaria sempre que o/a solicitante presente unha declaración responsable acerca da veracidade dos datos consignados na solicitude, entre os que se atopan os relativos á titularidade da devandita conta por parte do solicitante das axudas.
Artigo 4. Contido da solicitude única no relativo á declaración de superficies
1. Na parte correspondente á declaración de superficies da solicitude única deberán relacionarse a totalidade das parcelas agrícolas e das superficies forraxeiras da explotación, que incluirán todas as utilizacións presentes nela, incluso aquelas polas que non se solicite ningún réxime de axuda.
2. Para cada parcela agrícola deberá indicarse nos impresos PA e, de ser o caso, PAF do anexo 1:
a) As referencias identificativas, que serán as alfanuméricas correspondentes ao recinto ou recintos Sixpac (ou de concentración parcelaria, segundo o anexo 10, nos supostos previstos no artigo 11.2) que, en todo ou en parte, constitúen a correspondente parcela agrícola, formadas por provincia, concello, zona, polígono, parcela e recinto, así como a superficie total do recinto, e a superficie sementada que corresponde á parcela agrícola, en hectáreas con dous decimais, e o nome do predio ou paraxe, se é o caso.
No caso das superficies de pastos, indicarase no impreso PA a superficie admisible do recinto e a superficie sementada neta na parcela agrícola, que é a superficie declarada, resultante das posibles reducións por aplicación do «coeficiente de admisibilidade de pastos» a que se refire a letra v) do artigo 10.1. O detalle deste cálculo nas parcelas de pasto figurará no impreso PAF.
No que atinxe ás superficies forraxeiras de pastos permanentes utilizadas conxuntamente por varios/as produtores/as, anotaranse só as referencias catastrais de provincia e concello relativas á situación dos distintos recintos ou parcelas, con indicación expresa do nome e, se é o caso, do código da superficie de uso conxunto, a superficie forraxeira neta total de uso en común e a superficie neta utilizada polo/a solicitante.
b) O produto cultivado e o grupo de cultivo a que pertence, indicando tamén a variedade cando se trate de pastos permanentes (segundo a definición dada no artigo 10.1.g) tal como se especifica no anexo 9 desta orde.
O/a solicitante diferenciará mediante o código de grupo de cultivo se a parcela agrícola debe ser tida en conta como superficie forraxeira para os efectos de carga gandeira ou para a axuda específica do programa nacional para a calidade dos legumes ou se se trata doutras utilizacións.
c) O sistema de explotación: secaño ou regadío.
d) Se a parcela se debe ter en conta para xustificar dereitos de pagamento único.
e) Se a parcela se debe considerar para os efectos da solicitude de indemnización compensatoria.
f) Se a parcela se debe considerar para os efectos da solicitude das axudas agroambientais recollidas no CES.
3. O agricultor deberá facer unha declaración expresa en que dará a súa conformidade á delimitación, o uso e demais información contida no Sixpac para cada un dos recintos declarados e, no caso contrario, deberá facer as correspondentes alegacións segundo se especifica no artigo 12.
Artigo 5. Modificación das solicitudes
1. De acordo co establecido no artigo 14 do Regulamento (CE) nº 1122/2009 da Comisión, e sen prexuízo do disposto no parágrafo número 3 deste artigo, unha vez finalizado o prazo para a presentación da solicitude única os agricultores poderán engadir parcelas individuais ou dereitos de pagamento individuais sempre que se cumpran os requisitos fixados no réxime de axuda de que se trate. Ademais, poderase modificar o uso ou o réxime de axuda das parcelas agrícolas xa declaradas na solicitude única sempre que este xa se solicitase con outras parcelas na solicitude única.
2. A adición de parcelas agrícolas ou as modificacións introducidas de conformidade co parágrafo número 1 comunicaránselle por escrito ao servizo territorial do Fogga, como moi tarde, o 31 de maio de 2014.
3. Non obstante, cando o Fogga informe o/a produtor/a da existencia de irregularidades na súa solicitude de axuda ou cando lle manifeste a súa intención de levar a cabo un control sobre o terreo e este control poña de manifesto a existencia de irregularidades, non se autorizarán as adicións nin os cambios recollidos nos parágrafos 1 e 2 respecto das parcelas agrícolas afectadas pola irregularidade.
4. As modificacións das solicitudes recollidas neste artigo presentaranse de acordo co modelo de impreso indicado no anexo 3.
Artigo 6. Límites mínimos por solicitude
1. Para o réxime de pagamento único a superficie mínima será de 0,1 hectáreas.
2. Non se concederán pagamentos directos aos/ás agricultores/as cuxo importe total de pagamentos directos solicitados ou resultantes antes de aplicar reducións ou exclusións sexa inferior a 100 euros.
3. A base para o cálculo deste importe serán a superficie e os animais determinados axustados, se é o caso, á superficie máxima garantida e ao límite máximo de animais, respectivamente.
Artigo 7. Compatibilidade do réxime de axuda por superficie
1. As parcelas declaradas para xustificar os dereitos de axuda do réxime de pagamento único poden utilizarse para as actividades agrarias expresadas no artigo 31, relativo á utilización agraria das terras. Polo tanto, o pagamento do dito réxime é compatible cos pagamentos ligados derivados dos réximes correspondentes ás utilizacións permitidas.
2. Nun ano dado non poderá presentarse respecto a unha parcela agrícola máis dunha solicitude de pagamento por superficie en virtude dun réxime financiado de conformidade coa letra c) do número 1, do artigo 3 do Regulamento (CE) nº 1290/2005 do Consello, do 21 de xuño de 2005, sobre o financiamento da política agrícola común e o artigo 3 do Regulamento (CE) nº 73/2009 do Consello, do 19 xaneiro de 2009.
Artigo 8. Prazo de presentación e de admisión de solicitudes
1. O prazo para a presentación da solicitude unificada de axudas PAC/DR 2014 empezará o día 17 de febreiro e finalizará o día 15 de maio de 2014, inclusive, segundo o indicado no artigo único da Orde AAA/69/2014 pola que se modifica para o ano 2014 o prazo de presentación da solicitude única do artigo 87.2 do Real decreto 202/2012, do 23 de xaneiro, sobre a aplicación a partir do ano 2012 dos pagamentos directos á agricultura e á gandaría.
2. Non obstante o disposto no número anterior, admitiranse solicitudes de axuda ata 25 días naturais seguintes á data de finalización do prazo establecido, caso en que, a excepción dos casos de forza maior e circunstancias excepcionais, os importes de axuda reduciranse un 1 por cento por cada día hábil en que se supere a dita data. Se o atraso é superior a 25 días naturais, a solicitude considerarase inadmisible.
3. Para a consideración dos prazos para a presentación e admisión de solicitudes, terase en conta o indicado no número 2 do artigo 2 do Regulamento (CEE, Euratom) nº 1182/71 do Consello, do 3 de xuño de 1971 (DOUE do 8 de xuño de 1971), polo que se determinan as normas aplicables aos prazos, datas e termos; para a aplicación da presente orde entenderánse por días hábiles todos os días menos os días festivos, os domingos e os sábados.
4. No caso de que a finalización do prazo de presentación dunha solicitude de pagamento ou de xustificantes, contratos ou declaracións en relación coa dita solicitude ou de que a finalización do prazo para modificar a solicitude coincida cun día festivo, un sábado ou un domingo, considerarase que a finalización do prazo é o primeiro día hábil seguinte.
Artigo 9. Cláusula de antielusión.
Sen prexuízo de calquera disposición específica contida en réximes de axuda concretos, non se efectuará pagamento ningún a un/unha beneficiario/a cando se demostre que este/a creou artificialmente as condicións requiridas para a concesión de tales pagamentos para obter unha vantaxe contraria aos obxectivos do réxime de axuda.
Artigo 10. Definicións
Ademais doutras definicións establecidas na normativa estatal e comunitaria, serán de aplicación á presente orde as seguintes:
1. Definicións relativas ao réxime do pagamento único e outros réximes de axuda directa á agricultura e á gandaría:
a) «Pagamento ligado»: pagamento directo subordinado á produción dun produto específico.
b) «Agricultor/a»: a persoa física ou xurídica ou agrupación de persoas físicas ou xurídicas, con independencia da forma xurídica da agrupación ou dos seus membros, cuxa explotación se atope no territorio español e que exerza unha actividade agraria.
c) «Explotación: o conxunto de unidades de produción administradas por un/unha mesmo/a agricultor/a, en cada campaña, que se atopen no territorio español.
d) «Superficie agraria»: calquera superficie dedicada a terras de cultivo, pastos permanentes ou cultivos permanentes.
e) «Utilización»: a que se faga da superficie en termos de tipo de cultivo ou cuberta vexetal ou a ausencia destes.
f) «Cultivos permanentes»: os cultivos non sometidos á rotación de cultivo, distintos dos pastos permanentes que ocupen as terras durante un período de cinco anos ou mais e produzan colleitas repetidas, incluídos os viveiros e as árbores forestais de ciclo curto.
g) «Pastos permanentes»: as terras utilizadas para o cultivo de gramíneas ou outras forraxes herbáceas, xa sexan naturais (espontáneas) ou cultivadas (sementadas), e non incluídas na rotación de cultivos da explotación durante cinco anos ou máis, excluídas as terras retiradas de conformidade coa normativa comunitaria.
h) «Parcela agrícola ou plantación»: superficie de terra continua en que un/unha só/soa agricultor/a cultiva un único produto.
i) «Sixpac»: Sistema de información xeográfica das parcelas agrícolas, de acordo co establecido no artigo 17 do Regulamento (CE) nº 73/2009 e no Real decreto 2128/2004.
j) «Parcela Sixpac»: superficie continua de terreo cunha referencia alfanumérica única representada graficamente no Sistema de información xeográfica de parcelas agrícolas.
k) «Recinto Sixpac»: cada unha das superficies continuas de terreo dentro dunha parcela Sixpac cun uso agrícola único dos definidos no anexo II do Real decreto 2128/2004.
l) «Superficie forraxeira»: a superficie da explotación, incluídas as superficies utilizadas en común e as que estean dedicadas a un cultivo mixto, dispoñible durante todo o ano natural para a cría de bovinos, ovinos e cabrúns, en relación co disposto no sistema integrado de xestión e control previsto no Regulamento (CE) nº 73/2009 do Consello, do 19 de xaneiro. Non se contabilizarán nesta superficie:
– As construcións, os bosques, os corgos e os camiños.
– As superficies que se empreguen para cultivos beneficiarios dun réxime de axuda comunitario ou que se utilicen para cultivos permanentes ou hortícolas.
– As superficies ás cales se lles aplique o réxime de apoio fixado para os produtores de cultivos herbáceos, utilizadas para o réxime de axuda ás forraxes desecadas ou obxecto dun programa nacional ou comunitario de retirada de terras.
m) «Período de retención»: o período durante o cal un animal polo que se presentou unha solicitude de axuda debe manterse na explotación.
n) «Vaca nutriz»: a vaca que pertenza a unha raza cárnica ou que proceda dun cruzamento con algunha desas razas que forme parte dun rabaño que estea destinado á cría de xatos para a produción de carne.
o) «Xovenca»: o bovino femia a partir de oito meses de idade que non pariu aínda.
p) «Ovella»: toda femia de especie ovina que pariu polo menos unha vez, ou que ten como mínimo un ano na data de 1 de xaneiro do ano de presentación da solicitude unificada.
q) «Cabra»: toda femia da especie cabrúa que pariu polo menos unha vez, ou que ten como mínimo un ano na data de 1 de xaneiro do ano de presentación da solicitude unificada.
r) «Actividade agraria»: a produción, a cría ou o cultivo de produtos agrarios con inclusión da colleita, a muxidura, a cría de animais e o mantemento de animais para efectos agrícolas, ou o mantemento da terra en boas condicións agrarias e ambientais de acordo co disposto no artigo 6 do Regulamento (CE) nº 73/2009 do Consello, do 19 de xaneiro.
s) «Código NC»: código de nomenclatura combinada establecido no Regulamento (CEE) nº 2658/1987 do Consello, do 23 de xullo, relativo á nomenclatura arancelaria e estatística e ao arancel aduaneiro común.
t) «Profesional da agricultura»: tal e como se define no artigo 16 da Lei 45/2007, do 13 de decembro, para o desenvolvemento sustentable do medio rural, é a persoa física titular dunha explotación agrícola, gandeira ou forestal, que requira un volume de emprego de polo menos media unidade de traballo anual e que obteña, como mínimo, o 25 por cento da súa renda de actividades agrarias. Así mesmo, presumirase que ten a condición de profesional da agricultura o/a titular dunha explotación agrícola, gandeira ou forestal dado/a de alta no sistema especial dos/as traballadores/as por conta propia agrarios/as do réxime especial dos/as traballadores/as por conta propia ou autónomos/as, así como os/as encadrados/as no dito réxime pola súa actividade agraria. Tamén terán a consideración de profesional da agricultura as entidades asociativas agrarias titulares de explotacións agrícolas, gandeiras ou forestais que requiran un volume de traballo de polo menos unha unidade de traballo anual.
u) «Razas bovinas de aptitude eminentemente láctea»: son razas bovinas de aptitude eminentemente láctea as relacionadas no anexo 12. Ademais, en Galicia considéranse razas bovinas de aptitude láctea as razas Fleckvieh, Montebeliard e Parda. Tamén terán esa consideración os animais da especie bovina que figuren no conxunto mestizo dunha explotación bovina de produción de leite (e que, polo tanto, non solicite os pagamentos regulados no título II, capítulo III e sección 1ª ou no título II, capítulo IV, sección 2ª e subsección 2ª desta orde), nun número máximo que non supere a ratio de cota láctea entre o rendemento medio de 6.500 kg, menos os animais de razas do anexo 12, e das razas Fleckiveh, Montebeliard e Parda.
v) «Coeficiente de admisibilidade de pastos (CAP)»: as superficies de pastos que presenten características que impidan un aproveitamento total pola presenza de elementos improdutivos tales como penedais, lagoas e outras zonas sen vexetación, así como pendentes elevadas, aproveitamento limitado da vexetación, ou outras características que determine a autoridade competente, asignaráselles no Sistema de información xeográfica de parcelas agrícolas (Sixpac) un coeficiente que reflicta a porcentaxe de admisibilidade a nivel de recinto Sixpac, de modo que no dito recinto Sixpac a superficie admisible máxima para efectos dos reximes de axudas directas será a superficie do recinto multiplicada polo dito coeficiente. No caso de desconformidade co coeficiente anterior, poderase presentar unha alegación motivada ao Sixpac.
w) «Porcentaxe de aproveitamento da vexetación (% AV)»: no CAP a que se refire a letra anterior distinguiranse distintos factores que motivan a redución da admisibilidade e, en particular, o sistema informático diferenciará a % AV incluída no CAP, que valora o aproveitamento da vexetación. Unha vez delimitado polo solicitante, se é o caso, o sector do recinto que estea aproveitando e que define a parcela agrícola, se o solicitante considera que o grao de aproveitamento da vexetación na parcela é distinto do que se poida estar aplicando co CAP que figure no recinto Sixpac, estimará entón unha modificación desa porcentaxe, que poderá ser:
– Do 100 %, do 70 % ou do 40 %, se o aproveitamento da parcela agrícola é mediante pastoreo;
– Do 100 % necesariamente se o aproveitamento é mediante labor.
A % AV non avaliará a calidade do pasto senón que deberá corresponderse co grao ou intensidade do aproveitamento del dentro do recinto ou sector que defina a parcela agrícola. Polo tanto, permitirá descontar superficies tales como:
– Masas de vexetación densa e impenetrable para o gando.
– Zonas non accesibles para o gando, debido á existencia de obstáculos que impidan o acceso, como fortes desniveis ou barreiras de vexetación densa impenetrable.
– Arboredo baixo o que non pode desenvolverse o pasto.
– Arboredo cuxo aproveitamento principal é madeireiro.
No caso de que dentro dun mesmo recinto se distinguise máis dun sector con graos de aproveitamento substancialmente diferentes, declararíanse como parcelas agrícolas distintas e estimaríanse as respectivas porcentaxes de aproveitamento.
2. Definicións correspondentes ás axudas ao desenvolvemento rural.
Ademais das definicións das letras b), e), g), h), i), j), k), l), t), v) e w) do número 1, teranse en conta as seguintes:
a) «Titular de explotación»: a persoa física, xa sexa en réxime de titularidade única, xa sexa en réxime de titularidade compartida inscrita no rexistro correspondente, ou a persoa xurídica, que exerce a actividade agraria organizando os bens e dereitos integrantes da explotación con criterios empresariais e asumindo os riscos e responsabilidades civil, social e fiscal que poidan derivar da xestión da explotación.
b) «Agricultor/a a título principal»: o/a agricultor/a profesional que obteña, polo menos, o 50 por cento da súa renda da actividade agraria exercida na súa explotación e cuxo tempo de traballo dedicado a actividades non relacionadas coa explotación sexa inferior á metade do seu tempo de traballo total.
c) «Agricultor/a mozo/a»: para os efectos destas axudas, entenderase por agricultor/a mozo/a a persoa que teña unha idade comprendida entre os dezaoito e os corenta anos e exerza ou pretenda exercer a actividade agraria, no momento da solicitude.
d) «Agricultor profesional»: a persoa física que sendo titular dunha explotación agraria obteña polo menos o 50 por cento da súa renda total de actividades agrarias ou outras actividades complementarias, sempre e cando a parte de renda procedente directamente da actividade agraria non sexa inferior ao 25 por cento da súa renda total e o volume de emprego dedicado a actividades agrarias ou complementarias sexa igual ou superior á metade dunha unidade de traballo agrario.
e) «Carga gandeira»: relación entre o número de UGM e as hectáreas de superficie con aproveitamento forraxeiro da explotación, incluídas as de aproveitamento comunal ás cales teña dereito.
Dentro das axudas a produtores/as agrarios/as que establezan métodos de produción respectuosos co ambiente e de conservación da paisaxe, só se comprobará que a carga gandeira non supera o valor máximo establecido naquelas solicitudes que conteñan algunha axuda das subseccións gandeiras.
f) «Explotación agraria»: o conxunto de bens e dereitos organizados empresarialmente polo/a seu/súa titular no exercicio da actividade agraria, primordialmente con fin de mercado e que constitúe, en si mesma, unha unidade técnico-económica.
g) «Explotacións agrarias prioritarias»: as explotacións agrarias familiares e as asociativas que estean cualificadas como prioritarias, conforme a Lei 19/1995, do 4 de xullo, de modernización de explotacións agrarias.
h) «Módulo base»: a cantidade que haberá que pagar na indemnización compensatoria por hectárea de superficie indemnizable.
i) «Pastos comunais»: parcelas de pasto permanente que son aproveitadas en común polos/as gandeiros/as con dereitos de uso para os/as cales a declaración na solicitude única de axudas só se pode realizar a partir das superficies teóricas resultantes da súa adxudicación.
j) «Renda de referencia»: indicador relativo aos salarios brutos non agrarios en España. A súa contía establécese anualmente en función dos datos publicados polo Instituto Nacional de Estatística.
k) «Solicitude de pagamento»: a solicitude anual que contén a definición dos elementos que dan dereito ao pagamento da axuda correspondente a unha campaña determinada.
l) «Superficie agrícola útil (SAU)»: de acordo coa definición establecida na Decisión 2000/115/CE da Comisión, do 24 de novembro de 1999, enténdese como tal o conxunto da superficie de terras arables, as pradarías e pastos permanentes, as terras dedicadas a cultivos permanentes e as hortas familiares utilizadas pola explotación en réxime de propiedade, arrendamento, parzaría ou título gratuíto. As superficies con nogueiras e castiñeiros destinados principalmente á produción frutícola terán a consideración de SAU, non así as sebes nin as cortinas cortaventos de arboredo, que serán consideradas superficies forestais.
m) «Superficie indemnizable»: a superficie resultante da aplicación dos coeficientes redutores a cada categoría de aproveitamento nas superficies declaradas en zona desfavorecida.
n) «Unidade de gando maior (UGM)»: os touros, vacas e outros animais da especie bovina de máis de dous anos e os équidos de máis de seis meses. Para outras idades ou especies de gando establécese a seguinte equivalencia:
1. Os bovinos de seis meses a dous anos equivalen a 0,6 UGM.
2. Os bovinos de menos de seis meses equivalen a 0,4 UGM.
3. Cada animal da especie ovina e cabrúa excepto años e cabritos equivale a 0,15 UGM.
4. Gando porcino:
• Unha porca de cría equivale a 0,5 UGM.
• Outros animais da especie porcina equivalen a 0,3 UGM.
5. Avicultura: outras aves de curral distintas das poñedoras: 0,03 UGM.
o) «Unidade de traballo agrario (UTA)»: de acordo coa Lei 19/1995, de modernización das explotacións agrarias, unha UTA é o traballo efectuado por unha persoa dedicada a tempo completo durante un ano á actividade agraria.
p) «Aves de curral para a produción de carne»: animais de especie Gallus domesticus criados ou mantidos en cativerio como aves de cría ou de explotación para a produción de carne.
q) «Explotación avícola de carne»: calquera instalación, construción ou, no caso das explotacións ao aire libre, calquera lugar utilizado para a cría ou tenza de aves de curral para produción de carne.
r) «Unidade mínima de cultivo agroambiental (UMCA)»: a referencia para determinar a superficie agroambiental a partir da cal os custos totais unitarios tenden a diminuír conforme medra o número de hectáreas cultivadas. A superficie agraria da UMCA será de 20 hectáreas para os efectos de calcular o importe da prima agás para a apicultura ecolóxica que será de 25 ha e para a apicultura para a mellora da biodiversidade en zonas fráxiles que será de 300 hectáreas.
3. Definicións relativas á condicionalidade.
a) «Solo saturado»: aquel solo en que todos os seus poros están cheos de auga.
b) «Socalco de retención»: muro de pedra seca, os ribazos provistos de vexetación herbácea, arbustiva ou arbórea, os socalcos ou gabias de contorno no caso de labra a nivel e as barreiras vivas vexetais perpendiculares á pendente que, mediante o control de escorremento, protexen o solo da erosión.
c) «Labrar a terra»: remover o terreo de cultivo mediante útiles mecánicos.
d) «Pendente»: a inclinación media do terreo calculada nun recinto Sixpac a partir dun modelo dixital de elevacións, composto por unha malla de puntos cunha equidistancia entre estes dun máximo de 20 metros e unha precisión similar á da cartografía 1:10.000.
e) «Carga gandeira efectiva»: o gando calculado en unidades de gando maior (UGM) que, por hectárea de superficie forraxeira, se mantén principalmente a base de recursos naturais propios.
f) «Vexetación espontánea non desexada»: aquelas especies vexetais que, aínda que non poñan en risco a capacidade produtiva dos solos agrícolas a medio e longo prazo, ameacen, coa súa proliferación, con romper o tradicional equilibrio agroecolóxico dun predio ou zona de cultivo determinada e con afectar por extensión os campos de cultivo circundantes.
g) «Refinación de terras»: aquelas operacións de acondicionamento da superficie do solo dos socalcos e terras de regadío, destinadas a mellorar a eficiencia do uso da auga e facilitar a práctica da rega, realizadas sobre parcelas de cultivo en que se utilizan métodos de rega por gravidade, por superficie ou por inundación.
h) «Zonas con elevado risco de erosión»: as zonas que, para tal efecto, sexan establecidas polo organismo competente da Comunidade Autónoma de Galicia ou, de ser o caso, as definidas no Inventario Nacional de Erosión de Solos (2002-2012) do Ministerio de Medio Ambiente, e Medio Rural e Mariño, ou no Mapa de Estados Erosivos (1986-1990) do Ministerio de Medio Ambiente nas zonas onde non se editase o dito inventario.
i) «Elemento estrutural»: aquelas características do terreo tales como as marxes das parcelas con características singulares, socalcos de retención, camallóns, illas e enclaves de vexetación natural ou rocha, sebes e soutos que se encontren no interior da parcela, pozas, lagoas, estanques e bebedoiros naturais e árbores de barreira en liña, en grupo ou illadas. Así mesmo, considéranse elementos estruturais pequenas construcións, como muretes de pedra seca, antigos pombais ou outros elementos de arquitectura tradicional que poidan servir de abeiro para a flora e a fauna.
CAPÍTULO II
Do sistema de información xeografica de parcelas
Artigo 11. Utilización do Sixpac
1. O sistema de identificación de parcelas agrarias previsto no artigo 17 do Regulamento (CE) nº 73/2009 do Consello, do 19 de xaneiro, polo que se establecen disposicións comúns aplicables aos réximes de axuda directa no marco da política agrícola común e se instauran determinados réximes de axuda aos/ás agricultores/as e polo que se modifican determinados regulamentos, é o Sistema de información xeográfica de parcelas agrícolas (Sixpac), de acordo co Real decreto 2128/2004, e tamén para os efectos da xestión e control dos réximes de axuda establecidos nesta orde cando sexa preciso identificar as parcelas.
Os recintos do Sixpac están definidos polos parámetros de provincia, concello catastral, agregado, zona, polígono, parcela e recinto, a superficie destes e o uso asignado a cada un, entre os indicados no anexo 5, de acordo coa metodoloxía de constitución do sistema.
2. Non obstante, de forma excepcional e para o ano natural 2014, nas áreas indicadas no anexo 10, por razóns da existencia de modificacións territoriais aínda non reflectidas no Sixpac, utilizaranse as referencias oficiais identificativas de concentración parcelaria indicadas no dito anexo.
Artigo 12. Alegacións e solicitudes de modificación do Sixpac
1. As persoas interesadas poderán acceder á información contida no Sixpac na forma establecida no artigo 10 da Orde da anteriormente denominada Consellería de Política Agroalimentaria e Desenvolvemento Rural, do 24 de xaneiro de 2005 (DOG nº 19, do 28 de xaneiro), pola que, entre outros, se establece o Sistema de información xeográfica de parcelas agrícolas en Galicia. Os/as interesados/as poderán, así, verificar os datos relativos aos recintos e poderán presentar ben alegacións á dita información, porque non se correspondese coa realidade debido a un erro, ou ben solicitudes de modificación porque cambiase con posterioridade respecto á utilizada na execución dos traballos de creación do Sixpac.
2. Tendo en conta a finalidade do Sixpac, as ditas alegacións ou solicitudes de modificación corresponderán, en xeral, ás seguintes causas:
a) Desconformidade do/a agricultor/a co uso asignado a un recinto completo.
b) Desconformidade do/a agricultor/a co coeficiente de regadío (secaño/regadío) nun recinto completo.
c) Desconformidade do/a agricultor/a co uso de parte dun recinto.
d) Desconformidade do/a agricultor/a co coeficiente de regadío (secaño/regadío) en parte dun recinto.
e) Existencia dunha parcela situada en zona urbana que ten un uso agrícola.
f) Desconformidade do/a agricultor/a co coeficiente de admisiblidade de pastos.
3. As persoas interesadas na presentación de alegacións e solicitudes de modificación ao Sixpac deberán presentar o modelo que figura no anexo 4 xunto coa documentación indicada neste dirixido á directora do Fondo Galego de Garantía Agraria.
Artigo 13. Lugar e prazo de presentación de alegacións e solicitudes de modificación do Sixpac
As alegacións e solicitudes de modificación ao Sixpac presentaranse na oficina agraria comarcal en que estea situado o recinto ou parcela ou a maior parte dos recintos/parcelas afectados ou mediante calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
O prazo de presentación será ata o 31 de maio de 2014, para que as resolucións teñan efecto sobre as superficies validadas das solicitudes de axuda tramitadas coa solicitude unificada no ano 2014. En calquera caso, as resolucións das alegacións e solicitudes de modificación referidas ao coeficiente de admisibilidade de pastos só terán efecto para as axudas solicitadas a partir da campaña seguinte, agás as relativas á modificación da porcentaxe de aproveitamento da vexetación, que se terán en conta nesta campaña.
As solicitudes de modificación do Sixpac presentadas despois do 31 de maio de 2014 non serán tidas en conta para efectos das axudas contidas na solicitude unificada para a campaña 2014, pero si a outros efectos, entre outros o relativo á actualización do uso e á súa coordinación co rexistro vitícola.
Artigo 14. Tramitación e resolución de alegacións e solicitudes de modificación
1. As oficinas agrarias comarcais revisarán a documentación e cando se presenten deficiencias comunicaranllo ao/á interesado/a para que as emende nun prazo de 10 días de acordo co establecido na Lei 30/1992, do 26 de novembro, de réxime xurídico das administracións públicas e do procedemento administrativo común.
2. A comprobación polos servizos territoriais do Fogga da información subministrada polo/a interesado/a coa información reflectida no Sixpac poderá dar lugar ás seguintes propostas:
a) Proposta de resolución favorable da alegación ou solicitude de modificación se se comproba a veracidade dos datos que o/a agricultor/a proporciona sen necesidade doutras actuacións.
b) Proposta de resolución desestimatoria, que significará que a alegación ou solicitude de modificación non se pode aceptar. Neste caso, cando a sobredeclaración de superficie fose intencionada, serían de aplicación as reducións establecidas no artigo 60 do Regulamento (CE) nº 1122/2009 da Comisión, do 30 de novembro.
c) Necesidade de información complementaria que se lle debe solicitar ao/á interesado/a ou de visita ao recinto/parcela da explotación.
3. Trasladadas as propostas de resolución das alegacións ou solicitudes de modificación do Sixpac á directora do Fogga, esta ditará a resolución correspondente, que será notificada aos/ás interesados/as.
4. O prazo para resolver as alegacións ou solicitudes de modificación é de seis meses desde a súa presentación.
Transcorrido o dito prazo sen se ditar resolución expresa, poderanse entender desestimadas.
5. Contra a resolución da directora do Fogga caberá a interposición do recurso de alzada perante o presidente do citado organismo no prazo dun mes, contado desde a notificación da resolución que se impugna.
Artigo 15. Integración dos cambios no sistema
1. Os cambios na base de datos do Sixpac derivados das modificacións ou das alegacións referidas aos usos, sistema de explotación, coeficiente de admisibilidade de pastos ou de unións ou divisións de recintos realizaraos o Fogga unha vez resoltas estas. Estes cambios quedarán así actualizados e integrados na base de datos Sixpac.
2. Os datos que se integren no Sixpac e resulten dun falseamento nas propostas de modificación non terán eficacia xurídica para os efectos da súa consideración como dato na xestión de axudas financiadas total ou parcialmente con cargo ao Feaga e ao Feader, polo que, en ningún caso, xerarán dereitos para as axudas afectadas polo Sixpac, sen prexuízo doutras responsabilidades en que se puidese incorrer.
CAPÍTULO III
Da condicionalidade
Artigo 16. Obxecto e ámbito de aplicación
Este capítulo ten por obxecto definir na Comunidade Autónoma de Galicia as boas condicións agrarias e ambientais e os requisitos legais de xestión que deberá cumprir o/a agricultor/a no ano 2014 de acordo coa condicionalidade, de conformidade co Regulamento (CE) nº 73/2009 do Consello, do 19 de xaneiro.
Tamén se define un sistema para a aplicación dos controis e as reducións, no relativo á condicionalidade, nos pagamentos, de conformidade co Regulamento (CE) nº 1122/2009 da Comisión, do 30 de novembro, polo que se establecen disposicións para a aplicación da condicionalidade, a modulación e o sistema integrado de xestión e control previstos no Regulamento (CE) nº 73/2009 do Consello; co Regulamento (UE) nº 65/2011 da Comisión, do 27 de xaneiro, polo que se establecen disposicións de aplicación do Regulamento (CE) nº 1698/2005 do Consello, do 20 de setembro, no que respecta á aplicación dos procedementos de control e da condicionalidade en relación coas medidas de desenvolvemento rural; co Real decreto 486/2009, do 3 de abril, polo que se establecen os requisitos legais e de xestión e as boas condicións agrarias e ambientais que deben cumprir os/as agricultores/as que reciban pagamentos directos no marco da política agrícola común, os/as beneficiarios/as de determinadas axudas ao desenvolvemento rural e os/as agricultores/as que reciban axudas en virtude dos programas de apoio á reestruturación e reconversión e á prima por arrinca do viñedo; co Real decreto 202/2012, do 23 de xaneiro, sobre a aplicación a partir de 2012 dos pagamentos directos á agricultura e á gandaría, e co Decreto 106/2007, da Xunta de Galicia, do 21 de maio, sobre a distribución de competencias na aplicación e control da condicionalidade en relación co desenvolvemento rural e coas axudas directas da política agrícola común.
Artigo 17. Obriga de cumprir os requisitos da condicionalidade
1. Todo/a agricultor/a que reciba pagamentos directos dos previstos nos títulos II e III desta orde deberá observar os requisitos legais de xestión a que se refire o anexo 19 desta orde, así como as boas condicións agrarias e ambientais indicadas no anexo 20.
2. Cando non se respecten os requisitos legais de xestión ou as boas condicións agrarias e ambientais en calquera momento dun ano natural determinado (denominado no sucesivo «o ano natural considerado») e o incumprimento en cuestión resulte dun acto ou omisión que se poidan atribuír directamente ao agricultor que presentou a solicitude de axuda no ano natural considerado, reducirase ou anularase o importe total dos pagamentos directos que se aboasen ou se deban aboar ao agricultor, de conformidade coas normas de desenvolvemento establecidas en virtude do artigo 20.
3. O parágrafo anterior tamén será aplicable cando o incumprimento en cuestión resulte dunha acción ou omisión directamente imputable á persoa a quen se transferiu ou que transferiu a terra de cultivo.
Para os efectos do disposto neste punto, entenderase por «transferencia» calquera tipo de transacción en virtude da cal a terra de cultivo deixe de estar á disposición de quen a transferiu.
4. Non obstante o disposto no parágrafo anterior, a partir de 2010, cando a persoa a quen poida atribuírse directamente o acto ou a omisión presentase unha solicitude de axuda no ano natural considerado, a redución ou a exclusión aplicarase á totalidade dos importes dos pagamentos directos concedidos ou que se vaian a conceder á dita persoa.
Artigo 18. Pastos permanentes.
O/a agricultor/a titular de superficies dedicadas a pastos permanentes aterase ás exixencias previstas na normativa comunitaria así como ás que estableza a Consellería do Medio Rural e do Mar, co obxecto de previr que a superficie total de pastos permanentes sufra unha redución significativa segundo o previsto no artigo 6 do Regulamento (CE) nº 73/2009 do Consello, e no artigo 3 do Regulamento (CE) nº 1122/2009, en que se recollen as marxes de redución anual admisibles respecto á proporción de referencia para 2003.
No suposto de superación nacional das citadas marxes e de acordo co establecido no artigo 4 do Regulamento (CE) nº 1122/2009, e no caso de que se produza tamén exceso na Comunidade Autónoma de Galicia, a directora do Fogga establecerá as obrigas de carácter individual que sexan necesarias, sen prexuízo das competencias de coordinación que lle correspondan ao Ministerio de Agricultura, Alimentación e Medio Ambiente.
Artigo 19. Órganos especializados de control de condicionalidade
1. O Fogga será o órgano de control especializado das boas condicións agrarias e ambientais establecidas no anexo 20 desta orde e dos requisitos legais de xestión que se indican no anexo II do Decreto 106/2007, do 21 de maio.
2. A Dirección Xeral de Produción Agropecuaria, a través dos servizos de Sanidade Animal, de Seguridade Alimentaria nas Producións Gandeiras e de Sanidade e Produción Vexetal, será o órgano de control especializado para os requisitos legais de xestión que se indican no anexo I do Decreto 106/2007, da Xunta de Galicia.
Artigo 20. Control da condicionalidade e redución ou exclusión dos pagamentos
1. O Fogga realizará as seguintes funcións, no marco do establecido no artigo 3 do Decreto 106/2007:
a) Elaboración do plan de controis de condicionalidade para a Comunidade Autónoma de Galicia no marco do plan de controis da condicionalidade elaborado polo Fondo Español de Garantía Agraria (Fega) para o ano 2014.
b) Remitirlles aos órganos especializados de control indicados no artigo 19.2 a relación de solicitantes de axudas establecidas nos títulos II e III desta orde.
c) Seleccionar as explotacións agrarias obxecto de control en ámbitos en que é órgano especializado, efectuar os controis e remitirlles os informes específicos de control resultantes das inspeccións de condicionalidade aos servizos xestores das axudas.
d) Aplicar as reducións e exclusións dos importes totais de pagamentos de axudas correspondentes aos títulos II e III a partir do indicado nos informes específicos de control da condicionalidade propios e dos remitidos por outros organismos de control especializados, consonte o disposto nos artigos 70, 71, 72, 73, 77 e 78 do Regulamento (CE) nº 1122/2009.
2. Os órganos especializados da Dirección Xeral de Produción Agropecuaria indicados no artigo 19.2 realizarán as seguintes funcións no marco do establecido no artigo 2 do Decreto 106/2007, do 21 de maio:
a) Recibir do Fogga a relación de solicitantes das axudas establecidas nos títulos II e III desta orde.
b) Seleccionar as explotacións agrarias obxecto de control nos ámbitos en que son órganos especializados de control, efectuar os controis e remitirlle os informes específicos de control resultantes das inspeccións de condicionalidade ao Fogga.
3. Para os efectos do artigo 24.2º, parágrafo segundo, do Regulamento (CE) nº 73/2009, do Consello, do 19 de xaneiro, non se aplicarán reducións a un/unha agricultor/a cando todos os incumprimentos que se detectasen sexan menores, entendendo como tales os avaliados con gravidade leve, que non teñan repercusión fóra da explotación e dos que non derivan efectos ou o tempo de permanencia deles sexa menor dun ano. Os casos que entrañen riscos directos para a saúde pública ou a sanidade animal non se considerarán incumprimentos menores. Unha vez informado/a o/a agricultor/a das medidas correctoras que debe adoptar, se non corrixe a situación dentro dun prazo que non poderá ser posterior ao 30 de xuño do ano seguinte a aquel en que se observou o incumprimento, este non se considerará menor e aplicarase, como mínimo, unha redución do 1 por cento. No caso de adoptar as medidas correctoras dentro do prazo previsto, non se considerará incumprimento.
TÍTULO II
Dos pagamentos directos á agricultura e á gandaría
CAPÍTULO I
Dos límites máximos orzamentarios
Artigo 21. Superación dos límites orzamentarios
Conforme o indicado no artigo 3 do Real decreto 202/2012, do 23 de xaneiro, os pagamentos directos non poderán superar os límites máximos orzamentarios establecidos para cada unha das líñas de axudas mencionadas no artigo 1, nin o límite global establecido no anexo IV do Regulamento (CE) nº 73/2009 do Consello, do 19 de xaneiro.
Artigo 22. Aplicación da nova regulamentación da Unión Europea
Tal e como se prevé no artigo 3 do Real decreto 1013/2013, do 20 de decembro, polo que se establecen disposicións específicas para a aplicación no ano 2014 do Real decreto 202/2012, do 23 de xaneiro, sobre a aplicación dos pagamentos directos á agricultura e á gandaría:
1. No caso de que do contido da nova regulamentación da Unión Europea relativa aos rexímenes de axuda a que se refire o artigo primeiro dese real decreto derivasen modificacións nas novas dispoñibilidades financeiras, estas serán rateadas para cada liña de axudas.
2. Unha vez que sexa publicada a regulamentación específica que aprobe para o efecto a Unión Europea para o exercicio 2014, darase publicidade ás dotacións financeiras para cada liña dos réxímes de axuda directa aos agricultores no marco da política agrícola común, podendo consultarse esta na páxina web do Fondo Español de Garantía Agraria (http://www.fega.es/).
CAPÍTULO II
Do réxime de pagamento único
Sección 1ª. Disposicións xerais
Artigo 23. Beneficiarios/as e requisitos
Terán dereito a percibir o pagamento único os/as agricultores/as que posúan, en propiedade ou en réxime de arrendamento, dereitos de pagamento único conforme o establecido no artigo 3 do Real decreto 1680/2009, do 13 de novembro.
Poderase conceder a axuda derivada do réxime do pagamento único prevista no capítulo I do título III do Regulamento (CE) nº 73/2009 do Consello, do 19 de xaneiro, aos/ás agricultores/as que o soliciten de acordo cos modelos DP1, DA, PU, DPU, RS, PA, PAF, de ser o caso, e RG do anexo 1, dispoñan dos correspondentes dereitos do réxime de pagamento único e xustifiquen a súa utilización.
Os dereitos de axuda do pagamento único xustificaranse de acordo co establecido na sección 3ª deste capítulo.
Sección 2ª. Reserva nacional
Artigo 24. Reserva nacional
Incorporaranse en diante á reserva nacional, constituída con base no artigo 41 do Regulamento (CE) nº 73/2009 do Consello, do 19 de xaneiro, os importes recollidos no devandito artigo e, ademais,
a) Os dereitos non utilizados segundo o artigo 36.
b) Todos os importes retidos pola aplicación das porcentaxes deducidas como consecuencia das vendas e cesións a que se refire o artigo 43.3º do Regulamento (CE) nº 73/2009 do Consello, do 19 de xaneiro, realizadas de acordo co establecido nesta orde.
Artigo 25. Acceso á reserva nacional
1. Os/as agricultores/as que desexen solicitar dereitos de pagamento único con cargo á reserva nacional no ano 2014, de acordo co establecido neste artigo, deberan presentar a súa solicitude á directora do Fogga de acordo cos modelos DP1, DA, PA, RS, PU, DPU, PAF, de ser o caso, e RN do anexo 1, xunto coa documentación establecida na letra b.7 do dito anexo, entre o 1 de febreiro e o último día do prazo de presentación da solicitude unificada 2014.
2. Obterán dereitos de pagamento único da reserva nacional, sempre que cumpran as condicións establecidas:
a) Os/as agricultores/as lexitimados/as para recibir dereitos de axuda ou para aumentar o valor dos dereitos existentes por sentenzas xudiciais firmes ou actos administrativos firmes de acordo co disposto no artigo 41.4º do Regulamento (CE) nº 73/2009 do Consello, do 19 de xaneiro.
b) Os/as novos/as agricultores/as segundo o disposto no artigo 41.2º do Regulamento (CE) nº 73/2009 do Consello, do 19 de xaneiro, que realizasen a súa primeira instalación no ámbito dun programa de desenvolvemento rural establecido con base no Regulamento (CE) nº 1698/2005 do Consello, do 20 de setembro, relativo ao desenvolvemento rural a través do Fondo Europeo Agrícola de Desenvolvemento Rural (Feader), iniciando a súa actividade nalgún dos sectores que xa estean incorporados no réxime do pagamento único.
Cando a incorporación se produza no sector vitivinícola, só poderán solicitar dereitos á reserva nacional aqueles novos/as agricultores/as que, cumprindo a condición anterior relativa á instalación no ámbito dun programa de desenvolvemento rural, realizaron entregas de uva, directa o indirectamente, a produtores/as que elaboraron mosto non destinado á vinificación ou ben a produtores/as con algún contrato autorizado para a destilación de alcohol de uso de boca.
c) Co obxecto de evitar o abandono de terras ou para compensar desvantaxes específicas para determinados/as agricultores/as, conforme o previsto no artigo 41.3º do Regulamento (CE) nº 73/2009 do Consello, do 19 de xaneiro, poderán solicitar dereitos á reserva nacional os/as agricultores/as cuxas explotacións se encontren situadas en zonas suxeitas a programas de reestruturación ou de desenvolvemento relativos a algún tipo de intervención pública tal como transformacións en regadío para cultivos herbáceos, concentracións parcelarias, e beneficiarios/as de dereitos da reserva nacional de programas gandeiros, que os recibisen de maneira previa ao final do prazo de presentación da solicitude á reserva nacional e, ademais, que non tivesen recibido xa dereitos de pagamento único da reserva nacional polas mesmas unidades de produción e que manteñan a actividade gandeira.
Artigo 26. Condicións xerais da Reserva nacional
1. Os/as solicitantes de dereitos da reserva nacional dos supostos recollidos nas letras b) e c) do número 2 do artigo anterior deberán, en todos os casos, ser agricultores que exercen a actividade agraria e dispoñer de hectáreas admisibles a efectos do pagamento único para que estes dereitos se lles poidan asignar con base nas devanditas hectáreas. En ningún caso, o número de dereitos normais de axuda concedidos, procedentes da reserva nacional, poderá exceder o número de hectáreas que o/a agricultor/a podería utilizar para xustificar os seus dereitos de pagamento único e respecto das cales non ten ningún dereito de axuda.
Entenderase que un agricultor exerce a actividade agraria cando presente na campaña 2014 ou, se é o caso, tivese presentado en campañas anteriores, a correspondente solicitude de axudas ou mediante a xustificación de estar dado de alta na Seguridade Social pola súa actividade agraria, ou ben a través da declaración da renda en que figuren ingresos da actividade agraria.
2. As unidades de produción polas que se solicitan dereitos á reserva nacional deben estar en poder do solicitante no momento de presentar a solicitude única da campaña que corresponda coa solicitude de dereitos da reserva nacional realizada e, polo tanto, deben figurar nela. No caso do sector ovino-cabrún, as unidades de produción polas que se solicita á reserva nacional poderán non figurar na solicitude única pero si deberán constar no Rexistro Xeral de Explotacións Gandeiras (REGA) na data de finalización do prazo da solicitude única.
3. Se un/unha agricultor/a cumpre á vez todas ou algunhas das condicións requiridas para recibir dereitos da reserva nacional por diferentes causas sobre as mesmas unidades de produción recibirá un número de dereitos igual ou menor que o número de hectáreas que declara e cuxo valor sexa o máis elevado que poida obter por cada unha das condicións que satisfaga.
4. No caso de que o/a agricultor/a estea lexitimado/a para recibir dereitos de axuda ou para aumentar o valor dos dereitos existentes en virtude dunha sentenza ou dun acto administrativo firme, recibirá dereitos no número e valor que corresponda con base na sentenza ou no acto administrativo firme.
5. Os dereitos da reserva nacional asignaranse en función das unidades de produción admisibles e determinadas respecto das cales o beneficiario non tivese xa dereitos de axuda e que, se é o caso, figuran na súa solicitude única.
Artigo 27. Condicións específicas da reserva nacional
Poderán acceder á reserva nacional os agricultores que se atopen nalgún dos supostos recollidos no artigo 25.2, que cumpran as condicións xerais establecidas no artigo 26, e sempre que cumpran, en cada caso, as seguintes condicións:
1. Novos agricultores, segundo o especificado no artigo 25.2.b).
a) Para ser considerado novo agricultor, o solicitante non poderá ter exercido a actividade agraria nas cinco campañas anteriores á da súa incorporación a ela.
b) A primeira instalación no ámbito dun programa de desenvolvemento rural, establecido de acordo co Regulamento (CE) nº 1698/2005 do Consello, do 20 de setembro, entenderase realizada cando exista un expediente favorable de concesión da axuda de primeira instalación, na data de finalización do prazo de presentación da solicitude única nos sectores que xa estean incorporados no réxime de pagamento único. As unidades de produción polas que se solicita á reserva nacional non poden superar as contidas na resolución aprobatoria do devandito expediente.
c) O agricultor non pode ter recibido dereitos da reserva nacional en anteriores asignacións de dereitos de pagamento único da reserva nacional.
d) O agricultor debe terse incorporado á actividade agraria e estar dado de alta na Seguridade Social na actividade agraria, tal e como estableza a lexislación vixente, a partir da súa primeira instalación e, en todo caso, na data de remate do prazo de presentación da solicitude de dereitos de pagamento único da reserva nacional.
e) O agricultor, na solicitude única do ano correspondente á solicitude á reserva nacional, deberá realizar a declaración da explotación onde exerce a actividade agraria e da cal posúe a titularidade ou cotitularidade en réxime de propiedade ou arrendamento.
f) No caso de sociedades todos os socios deberán cumprir as condicións anteriores.
2. Agricultores cuxas explotacións se atopen situadas en zonas suxeitas a programas de reestruturación ou de desenvolvemento, segundo o especificado no artigo 25.2.c).
a) Será necesaria a realización efectiva da intervención pública na explotación.
b) No caso de concentración parcelaria o agricultor deberá presentar polo menos o 50 por cento da superficie da explotación que posuía (en arrendamento ou en propiedade) durante o período de referencia.
c) As unidades de produción polas que se solicitan dereitos á reserva nacional con base no suposto relativo a programas de reestruturación públicos non terán xerado dereitos de pagamento en anteriores asignacións da reserva nacional, co fin de evitar duplicidades de dereitos de pagamento.
Artigo 28. Criterios para o cálculo e asignación de dereitos da reserva nacional
Para o cálculo e asignación de dereitos da reserva nacional aplicarase o disposto no artigo 25 do Real decreto 1680/2009, do 13 de novembro, sobre a aplicación do réxime de pagamento único na agricultura e a integración de determinadas axudas agrícolas nel a partir do ano 2010.
Sección 3ª. Utilización dos dereitos de axuda
Artigo 29. Utilización dos dereitos de axuda
Cada dereito de axuda polo que se solicite o pagamento único deberá xustificarse cunha hectárea admisible. Non obstante o anterior, os/as agricultores/as que soliciten o cobramento de dereitos especiais de pagamento único quedan exentos/as da obriga de xustificalos con hectáreas admisibles, a condición de que manteñan polo menos o 50 por cento da actividade exercida no período de referencia expresada en UGM.
Artigo 30. Hectáreas admisibles para os efectos da xustificación de dereitos de axuda normais
1. Consideraranse hectáreas admisibles para os efectos da xustificación dos dereitos de axuda normais as superficies agrarias da explotación, incluídas as superficies plantadas de plantas forestais de rotación curta, que se utilicen para unha actividade agraria ou, cando a superficie se utilice igualmente para actividades non agrarias, se utilice predominantemente para actividades agrarias. No anexo 6 especifícanse os tipos de plantas forestais de rotación curta, a súa densidade e ciclo máximo de colleita.
Tamén se considerarán hectáreas admisibles as superficies utilizadas para xustificar dereitos de pagamento único no ano 2008, e que:
a) Deixasen de cumprir a definición de admisible como consecuencia da aplicación das directivas 79/409/CEE do Consello, do 2 de abril, relativa á conservación das aves silvestres e 92/43/CEE do Consello, do 21 de maio, relativa á conservación dos hábitats naturais e da fauna e flora silvestres, e da Directiva 2000/60/CE do Parlamento Europeo e do Consello, do 23 de outubro, pola que se establece un marco comunitario de actuación no ámbito da política de augas ou que,
b) Durante o transcurso do correspondente compromiso de cada agricultor/a, sexan forestadas de conformidade co artigo 31 do Regulamento (CE) nº 1257/1999 do Consello, do 17 de maio, sobre a axuda ao desenvolvemento rural a cargo do Fondo Europeo de Orientación e de Garantía Agrícola (Feoga), ou o artigo 43 do Regulamento (CE) nº 1698/2005, ou conforme un réxime nacional cuxas condicións se axusten ao disposto no artigo 43, números 1º, 2º e 3º do dito regulamento ou que,
c) Durante o transcurso do correspondente compromiso de cada agricultor/a, sexa unha superficie que se retirase da produción conforme os artigos 22 a 24 do Regulamento (CE) nº 1257/1999 ou o artigo 39 do Regulamento (CE) nº 1698/2005.
2. Agás no caso de forza maior ou en circunstancias excepcionais, as hectáreas cumprirán os criterios de admisibilidade en todo momento ao longo do ano natural en que se presenta a solicitude.
3. Toda hectárea admisible deberá cumprir os requisitos legais de xestión e as boas condicións agrarias e ambientais en todo momento ao longo do ano natural en que se presenta a solicitude, agás no caso de forza maior ou en circunstancias excepcionais. Para estes efectos, no caso de pastos permanentes deberán manterse en condicións axeitadas evitando a súa degradación e invasión pola matogueira, de acordo co establecido na norma 4 do anexo II do Real decreto 486/2009, xa sexa mediante o mantemento dun nivel mínimo de carga gandeira efectiva ou mediante a realización dun labor de mantemento axeitado, que evite a degradación do pasto do que se trate e a súa invasión pola matogueira.
Artigo 31. Utilización agraria das terras
Os/as agricultores/as poderán utilizar as parcelas declaradas correspondentes ás hectáreas admisibles para xustificar o pagamento dos dereitos de pagamento único en calquera actividade agraria conforme a definición establecida no artigo 10.1.r).
Non obstante o anterior, tamén serán admisibles as parcelas utilizadas para actividades non agrícolas sempre que a utilización predominante sexa a agrícola, de modo que a actividade poida exercerse sen estar obstaculizada pola intensidade, natureza, duración e calendario da actividade non agrícola.
Artigo 32. Parcelas a disposición do agricultor/a
As parcelas de hectáreas admisibles utilizadas para xustificar dereitos de axuda deberán estar ao dispor do/a agricultor/a en 31 de maio do ano 2014.
Artigo 33. Xustificación de dereitos especiais con superficie. Cambio de tipoloxía
Os/as agricultores/as con dereitos especiais que decidan declarar un ou varios dereitos cun número de hectáreas admisibles correspondente, deberán indicalo expresamente na súa solicitude o que comporta un cambio de tipoloxía dos seus dereitos que pasarán desde ese momento a considerarse dereitos de axuda normais, non podéndose solicitar o restablecemento das condicións especiais para estes dereitos.
Artigo 34. Consideracións sobre a xustificación dos dereitos de axuda especiais
1. Para determinar a utilización dos dereitos especiais xustificados con actividade gandeira empregarase a información contida na base de datos informatizada creada de conformidade co Real decreto 728/2007, do 13 de xuño, polo que se establece e regula o Rexistro Xeral de Movementos de Gando e o Rexistro Xeral de Identificación Individual de Animais. No caso de gando ovino e cabrún, utilizarase a información contida na dita base de datos.
Para calcular a actividade exercida no período actual e comparala coa do período de referencia deben terse en conta o total de animais presentes na explotación excluíndo os años e os cabritos. O cálculo efectuarase cos seguintes coeficientes de conversión:
1º. Vacúns de máis de 24 meses: 1,0 UGM.
2º. Vacúns entre 6 a 24 meses: 0,6 UGM.
3º. Vacúns ata 6 meses: 0,2 UGM.
4º. Ovinos e cabrúns de máis de 4 meses: 0,15 UGM.
5º. Vaca de leite: 1,0 UGM.
Segundo esa información:
a) Considerarase que se respectou o requisito relativo á actividade agraria mínima se cumpre, polo menos, ese 50 por cento de actividade gandeira de media durante o período de retención da axuda ligada por vaca nutriz, ou da axuda para compensar as desvantaxes específicas que afectan os agricultores que manteñen vacas nutrices.
b) No caso de non solicitar a prima por vaca nutriz ou a axuda para compensar desvantaxes específicas aos agricultores que manteñen vacas nutrices, determinarase a media ponderada de animais presentes na explotación durante un período de 12 meses que vai do 1 de outubro de 2013 ao 30 de setembro de 2014.
c) Sen prexuízo do disposto nos puntos anteriores, o Fogga poderá determinar que se cumpriu o requisito, comparando a actividade gandeira do ano en curso coa exercida durante o período de referencia.
3. Para considerar utilizados os dereitos especiais deberá cumprirse o requisito de manter o 50 por cento da actividade do período de referencia; de non alcanzarse a dita porcentaxe, o dereito considerarase como non utilizado na súa totalidade, e non se admitirá a utilización de fraccións sen que sexa posible considerar as UGM que manteña o/a agricultor/a para calcular un número teórico de dereitos especiais utilizados. Para estes efectos, consideraranse dereitos de axuda especiais utilizados unicamente aqueles polos que se concedeu o pagamento.
Artigo 35. Dereitos de axuda utilizados
1. Consideraranse dereitos de axuda utilizados aqueles xustificados na solicitude única, cuxa superficie resulte determinada no sentido do sistema integrado de xestión e control previsto nos regulamentos (CE) nº 1782/2003 e (CE) nº 73/2009 do Consello e para a aplicación da condicionalidade prevista no Regulamento (CE) nº 479/2008 do Consello, do 29 de abril de 2008, polo que se establece a organización común do mercado vitivinícola, se modifican os regulamentos (CE) nº 1493/1999, (CE) nº 1782/2003, (CE) nº 1290/2005 e (CE) nº 3/2008 e se derrogan os regulamentos (CEE) nº 2392/86 e (CE) nº 1493/1999.
2. Para os efectos da utilización dos dereitos de axuda, considerarase que se utilizaron en primeiro lugar os dereitos de axuda normais de maior importe. Entre os dereitos de axuda de idéntico valor considerarase a súa utilización segundo a orde de numeración que posúan.
3. Cando un/unha agricultor/a, despois de utilizar todos os dereitos de axuda completos posibles, necesite utilizar un dereito de axuda unido a unha parcela que represente unha fracción de hectárea, estará lexitimado por este último dereito para recibir una axuda calculada proporcionalmente ao tamaño da parcela e considerarase completamente utilizado.
Artigo 36. Dereitos de axuda non utilizados
Todo dereito de axuda do que non se fixese uso durante un período de dous anos consecutivos incorporarase á Reserva nacional.
Sección 4ª. Cesión de dereitos de axuda
Artigo 37. Cesión de dereitos de axuda
1. Os dereitos de axuda poderán ser obxecto de cesión entre agricultores/as establecidos/as en todo o territorio nacional, exceptuando a Comunidade Autónoma de Canarias, ben en venda, arrendamento ou mediante outras formas admitidas en dereito.
2. A venda dos dereitos de axuda pode realizarse con ou sen terras. Nos casos de arrendamento de dereitos, irá acompañada da cesión dun número equivalente de hectáreas admisibles polo mesmo período de tempo.
3. Poderanse ceder voluntariamente á reserva nacional todos os dereitos de axuda que non se vaian utilizar.
4. No caso de cesións de fraccións de dereitos, con ou sen terras, realizarase o cálculo e asignación do valor do dereito de acordo con criterios proporcionais.
5. No caso de cesión dos dereitos especiais, a exención da obriga de declarar un número de hectáreas admisibles equivalente ao número de dereitos de axuda establecida no real decreto que regule a solicitude única en cada campaña só se manterá se se ceden todos os dereitos de axuda obxecto da exención e se trata dunha transferencia inter vivos ou mortis causa, considerándose neste caso unha cesión de dereitos de axuda con terras.
6. No caso de que a cesión de dereitos especiais sexa parcial, os dereitos cedidos pasarán a normais e non se poderá solicitar o restablecemento das condicións especiais para estes.
Artigo 38. Retencións
As retencións aplicables nas vendas ou outras cesións definitivas son as seguintes:
1. No caso de venda ou cesión definitiva de dereitos de axuda sen terras restituirase á reserva nacional o 30 por cento do valor de cada dereito de axuda. A porcentaxe anterior será do 3 por cento se o/a cesionario/a é un/unha profesional da agricultura segundo o artigo 10.1.t) ou titular dunha explotación agraria prioritaria segundo o artigo 10.2.g).
2. No caso de venda ou cesión definitiva de dereitos de axuda con terras, restituirase á reserva nacional o 3 por cento do valor de cada dereito de axuda.
3. No caso de venda ou cesión definitiva de dereitos asociada a unha finalización dun arrendamento de terras en que se devolven as terras ao/á propietario/a destas, ao/á cal se lle venden tamén os dereitos en cuestión, restituirase á reserva nacional o 3 por cento do valor de cada dereito de axuda. O número de dereitos vendidos ou cedidos deberá ser sempre menor ou igual ao número de hectáreas admisibles implicadas na operación de finalización do arrendamento.
4. No caso de venda ou cesión definitiva de dereitos de axuda con toda a explotación restituirase á reserva nacional o 3 por cento do valor de cada dereito de axuda.
5. Non se aplicará ningunha retención nos seguintes supostos:
a) No caso de venda ou cesión definitiva dos dereitos de axuda con ou sen terras a un/ha agricultor/a que inicia a actividade agraria.
b) Nos casos de substitución do/a titular con motivo de herdanzas, xubilacións nos cales o/a cesionario/a dos dereitos sexa un/unha familiar de primeiro grao do/a cedente, programas aprobados de cesamento anticipado, incapacidade laboral permanente, cambios de personalidade xurídica, agrupacións de varias persoas físicas ou xurídicas noutra persoa xurídica ou ente sen personalidade xurídica e escisións de persoas xurídicas ou de agrupacións de persoas físicas. Todas estas circunstancias deberán ser probadas mediante documento público fidedigno.
Artigo 39. Notificación á administración das cesións de dereitos
1. As cesións poderanse realizar en calquera momento do ano.
2. O/a cedente notificará a cesión dos dereitos de axuda á directora do Fogga ou autoridade competente ante a que presentase a súa última solicitude única, e preferentemente na oficina agraria comarcal a que pertenza a súa explotación, entregando xunto con esta comunicación os documentos necesarios, en función do tipo de cesión elixida, para acreditar esta. O período de comunicación iniciarase o mesmo día en que se inicie o prazo de presentación da solicitude únificada 2014 e finalizará seis semanas antes da data límite para a dita presentación.
Entenderase que a cesión foi aceptada se ás seis semanas desde a comunicación a autoridade competente non notificou motivadamente a súa oposición. Non obstante, para efectos de aplicación das distintas porcentaxes de retención establecidos no artigo 38, a directora do Fogga poderá aceptar a comunicación atendendo ao tipo de cesión que sexa acreditada mediante a documentación presentada polo cedente. Únicamente se poderá opoñer á cesión cando esta non se axuste ás disposicións do Regulamento (CE) nº 73/2009 do Consello, do 19 de xaneiro.
3. Todos os cambios de titularidade por motivo de herdanzas, xubilacións nos que o/a cesionario/a dos dereitos sexa un/unha familiar de primeiro grao do/a cedente, programas aprobados de cesamento anticipado, incapacidade laboral permanente, fusións ou escisións e cambios de personalidade xurídica, así como as modificacións dos arrendamentos debidos a cambios de titularidade, notificaranse á directora do Fogga, fornecendo, como mínimo, a información que figura no anexo 2 antes da data límite do prazo de presentación das solicitudes de axuda de pagamento único e, preferentemente, na oficina agraria comarcal a que pertenza a explotación.
CAPÍTULO III
Dos réximes de axuda por gando vacún
Sección 1ª. Primas por vaca nutriz
Artigo 40. Identificación e rexistro dos animais
Cada animal polo cal se solicite unha axuda descrita neste capítulo deberá estar identificado e rexistrado conforme as disposicións do Real decreto 1980/1998, do 18 de setembro, polo que se establece un sistema de identificación e rexistro de animais da especie bovina. A explotación a que pertencen os animais obxecto de axuda deberá cumprir as disposicións establecidas no Real decreto 479/2004, do 26 de marzo, polo que se establece o Rexistro Xeral de Explotacións Gandeiras.
Artigo 41. Uso ou tenza de substancias prohibidas
1. Cando, en aplicación do Real decreto 1749/1998, do 31 de xullo, polo que se establecen as medidas de control aplicables a determinadas substancias e os seus residuos nos animais vivos e os seus produtos, se detecten substancias prohibidas en virtude do Real decreto 2178/2004, do 12 de novembro, polo que se prohibe utilizar determinadas substancias de efecto hormonal e tireostático e substancias betaagonistas de uso na cría do gando, ou substancias utilizadas ilegalmente nun animal pertencente ao gando bovino dun/dunha produtor/a, ou cando se encontre unha substancia ou un produto autorizado pero posuído de forma ilegal na explotación deste/a agricultor/a, en calquera forma, este/a quedará excluído/a, durante o ano natural en que se efectúe a comprobación, do beneficio dos importes de axuda previstos nas disposicións deste capítulo, sen prexuízo das responsabilidades de toda índole que puideren derivarse, especialmente as previstas na Lei 8/2003, do 24 de abril, de sanidade animal.
En caso de reincidencia, o período de exclusión prorrogarase, en función da gravidade da infracción, ata cinco anos a partir do ano en que se detectase.
2. En caso de obstrución por parte do/a propietario/a ou do/a posuidor/a dos animais das inspeccións e das tomas de mostras necesarias para a aplicación dos plans nacionais de control de residuos, así como das investigacións e controis previstos no Real decreto 1749/1998, do 31 de xullo, aplicaranse as exclusións previstas no número 1 deste artigo.
3. Calquera autoridade que no exercicio das súas competencias detecte algunha das anomalías establecidas nos números 1 e 2 en explotacións da Comunidade Autónoma de Galicia deberá comunicarllo ao Fogga.
Artigo 42. Tipos de prima, contía e límites da prima por vaca nutriz
As axudas por vaca nutriz, establecidas no artigo 111 do Regulamento (CE) nº 73/2009 do Consello, do 19 de xaneiro, son de dous tipos, prima por vaca nutriz cun importe unitario base de 186,00 euros/cabeza e prima complementaria por vaca nutriz.
Os límites nacionais determinaranse atendendo ao establecido no artigo 53 e na sección 11 do título IV do Regulamento (CE) nº 73/2009 do Consello, do 19 de xaneiro.
Artigo 43. Prima por vaca nutriz
1. Poderán obter a prima prevista no artigo 111 do Regulamento (CE) nº 73/2009 do Consello, do 19 de xaneiro, os/as produtores/as que manteñan vacas nutrices que o soliciten de acordo cos modelos DP1, DA, RG e VN do anexo 1, xuntando a documentación indicada neste, cando reúnan as seguintes condicións:
a) Que teñan asignado un límite individual de dereitos de prima, de acordo co establecido no Real decreto 1839/1997, do 5 de decembro, polo que se establecen as normas para a realización de transferencias e cesións de dereitos de prima e para o acceso ás reservas nacionais respecto aos produtores de ovino e cabrún e dos que manteñen vacas nutrices.
b) Que non vendan leite ou produtos lácteos da súa explotación durante os doce meses seguintes á presentación da solicitude ou, se a venden, que teñan unha cantidade de referencia individual dispoñible o día 31 de marzo do ano de solicitude da prima igual ou inferior a 120.000 kg.
c) Que manteñan na súa explotación, durante un período de retención mínimo de seis meses consecutivos, a partir do día seguinte ao de presentación da solicitude, un número de vacas nutrices polo menos igual ao 60 por cento do número total de animais polo cal solicita a axuda e un número de xovencas que non supere o 40 por cento do citado número total.
No caso de que o cálculo do número máximo de xovencas, expresado en forma de porcentaxe, dea como resultado un número fraccionario de animais, o dito número arredondarase á unidade inferior se é inferior a 0,5 e ao número enteiro superior se é igual ou superior a 0,5.
d) Calquera variación do número de animais obxecto de solicitude, incluído o seu traslado a lugares non indicados na solicitude, deberá ser comunicado ao servizo territorial do Fogga. A notificación efectuada á base de datos de identificación e rexistro nos prazos previstos polo Real decreto 1980/1998, do 18 de setembro, considérase suficiente para estes efectos.
e) De acordo co establecido no artigo 16.3.b) do Regulamento (CE) nº 1122/2009 da Comisión, do 30 de novembro, os animais dos cales se comprobase que non están correctamente identificados ou rexistrados no sistema de identificación e rexistro de animais da especie bovina contarán como animais respecto aos que se detectasen irregularidades segundo se prevé no artigo 65 do mesmo regulamento.
2. Serán obxecto de axuda as vacas nutrices e as xovencas que pertenzan a unha raza cárnica ou procedan dun cruzamento cunha destas razas e que formen parte dun rabaño destinado á cría de xatos para a produción de carne. Para estes efectos, non se considerarán vacas ou xovencas de raza cárnica as das razas bovinas de aptitude eminentemente láctea, segundo se definen no artigo 10.1.u).
3. Cando na explotación se venda leite, para determinar o número de cabezas con dereito a prima, a pertenza dos animais ao censo de vacas leiteiras ou ao de nutrices establecerase mediante a relación entre a cantidade de referencia do/a beneficiario/a e 6.500 quilos, rendemento leiteiro medio para España establecido no anexo V do Regulamento (CE) nº 1121/2009 da Comisión, do 29 de outubro.
Non obstante, os/as produtores/as que acrediten oficialmente un rendemento leiteiro superior poderán utilizar este último para a realización do cálculo.
Para estes efectos, por pedimento do Servizo de Axudas Gandeiras da PAC, do Fogga, o Servizo de Producións Gandeiras da Consellería do Medio Rural e do Mar remitiralle información sobre o rendemento leiteiro oficial medio das vacas destas explotacións entre o 1 de xaneiro de 2013 e o 31 de decembro de 2013.
4. Os/as solicitantes de prima a produtores/as con vacas nutrices que entreguen leite a compradores/as deberán comprometerse a non incrementaren a súa cantidade de referencia individual de leite asignada por cima dos 120.000 kg durante o período de doce meses a partir do día de presentación da solicitude.
Artigo 44. Prima complementaria
Os/as beneficiarios/as da prima por vacas nutrices regulada no artigo anterior poderán obter unha prima complementaria por un importe unitario de 22,46 euros/cabeza para o mesmo número de cabezas.
CAPÍTULO IV
Axudas específicas por aplicación do artigo 68 do
Regulamento (CE) nº 73/2009 do Consello, do 19 de xaneiro
Sección 1ª. Axuda aos agricultores que exerzan a actividade agrícola
Programa nacional para o fomento da calidade dos legumes
Artigo 45. Obxecto e dotación
No marco do previsto no número 1, letra a) inciso ii) do artigo 68 do Regulamento (CE) nº 73/2009 do Consello, do 19 de xaneiro, poderá concederse unha axuda específica, en forma de pagamento por explotación aos/ás agricultores/as que produzan, conforme o establecido nesta sección, leguminosas de consumo humano das establecidas na parte I do anexo 7.
Esta axuda específica cumpre as disposicións establecidas no Regulamento (CE) nº 1120/2009, do 29 de outubro, que establece disposicións de aplicación do réxime de pagamento único previsto no título III do Regulamento (CE) nº 73/2009 do Consello, polo que se establecen disposicións comúns aplicables aos réximes de axuda directa aos agricultores no marco da política agrícola común e se instauran determinados réximes de axuda aos agricultores.
O programa ten por obxecto o fomento e defensa dunha produción de calidade no sector dos legumes.
Poderá acollerse a esta axuda a superficie dedicada á produción de leguminosas para debullar de consumo humano e rexistrada ou en trámite de rexistro en denominacións de orixe protexidas, en diante DOP, indicacións xeográficas protexidas, en diante IXP, que se producen no marco regulamentario da agricultura ecolóxica ou en denominacións de calidade diferenciada recoñecidas a nivel nacional ou privado e enumeradas, a data 1 de febreiro de 2014, na parte II do anexo 7.
Esta axuda dispón dunha dotación orzamentaria para España de un millón de euros ao ano.
Artigo 46. Beneficiarios/as
Esta axuda ou pagamento por explotación concederase aos/ás agricultores/as que o soliciten de acordo cos modelos DP1, DA, RS e PA do anexo 1, que achegarán a documentación indicada neste. Terase en conta a superficie da explotación sempre que cumpra o establecido no artigo 45 e os agricultores/as deberán estar inscritos ou en proceso de inscrición o 1 de febreiro de 2014, nalgunha denominación de calidade das relacionadas.
Para estes efectos, cada consello regulador ou entidade acreditativa da produción agrícola ecolóxica ou outras denominacións de calidade diferenciada das incluídas na parte II do anexo 7 deberán remitir ao Fogga, antes do 30 de xuño de 2014, os NIF dos agricultores inscritos ou en trámite de inscrición en denominacións de calidade diferenciada para os legumes, así como a superficie rexistrada por cada un deles.
Artigo 47. Requisitos
Os/as beneficiarios/as desta axuda ou pagamento por explotación deberán cumprir os seguintes requisitos obrigatorios:
a) Solicitar a axuda segundo se indica no artigo 46.
b) Cultivar con leguminosas para debullar pertencentes a algunha das denominacións de calidade recollidas na parte II do anexo 7 a totalidade da superficie para a cal solicita a axuda.
Permitiranse sistemas de produción asociados se o prego de condicións da denominación de calidade diferenciada así o exixe nos seus métodos de produción.
Ademais, para que os/as agricultores/as pertencentes a unha denominación de calidade diferenciada recoñecida a nivel nacional poidan acollerse a estas axudas, as ditas denominacións de calidade deberán cumprir o establecido nos dous derradeiros parágrafos do artigo 38 do Real decreto 202/2012, do 23 de xaneiro.
Artigo 48. Importe da axuda base por hectárea
1. A axuda base por hectárea será de 100 euros.
2. A superficie de base total será de 10.000 ha dividida en tres subsuperficies:
a) Subsuperficie de base 1: DOP, IXP: 4.000 ha.
b) Subsuperficie de base 2: agricultura ecolóxica: 5.500 ha.
c) Subsuperficie de base 3: outras denominacións de calidade diferenciada distintas das anteriores: 500 ha.
3. Sen prexuízo do establecido no artigo 21, no caso de que a superficie determinada para a axuda supere a superficie de base total, efectuarase unha redución lineal en cada un dos tramos de subsuperficie de base proporcional ao seu exceso unha vez compensados, se é o caso, con posible déficit de superficie determinada nalgún tramo de subsuperficie, os excesos de superficie determinada no outro. Compensaranse prioritariamente os excesos na superficie de base 1.
4. Se froito da aplicación do párrafo anterior, o factor de redución linear de superficie baixo DOP e IXP resultar superior ao obtido para as de agricultura ecolóxica, ambos os factores se igualarían. De igual maneira procederase se o factor de redución linear de superficie para as superficies de agricultura ecolóxica resultara superior ao obtido para as doutras denominacións de calidade diferenciada.
Artigo 49. Complemento para DOP e IXP
1. Se a superficie determinada para a axuda base é menor á superficie base total, concederase un complemento de axuda ás superficies determinadas, rexistradas ou en trámite de rexistro baixo DOP e IXP.
2. O dito complemento será o resultado de multiplicar a axuda base por hectárea polo cociente entre a superficie de base unha vez deducida a superficie determinada e o número de hectáreas determinadas correspondentes á subsuperficie de base 1.
3. O montante por hectárea do complemento non superará os 50 euros/ha e igualarase ao dito importe se o resultado dos cálculos establecidos no número anterior der como resultado un importe superior. Neste caso, concederase un complemento adicional ao resto de superficies determinadas baixo outras denominacións de calidade diferenciada de igual contía por hectárea para todas elas polo importe máximo de 50 euros/ha.
Artigo 50. Pagamento por explotación
O pagamento por explotación calcularase como o produto da axuda base por hectárea polo número de hectáreas determinadas para o cobramento da axuda máis, se é o caso, o importe por hectárea do complemento para DOP e IXP polo número de hectáreas determinadas, rexistradas ou en proceso de rexistro baixo as ditas denominacións e/ou, se é o caso, o importe por hectárea do complemento para o resto de denominacións de calidade polo número de hectáreas determinadas, rexistradas ou en proceso de rexistro baixo as ditas denominacións.
O importe máximo anual por explotación será de 3.000 euros.
Sección 2ª. Axudas aos/ás agricultores/as que exerzan a actividade gandeira
Artigo 51. Disposicións comúns
1. Para poder obter os pagamentos correspondentes a esta sección os/as solicitantes deberán cumprir:
a) O establecido no Real decreto 479/2004, do 26 de marzo, no momento da solicitude.
b) O establecido no artigo 41 sobre uso e tenza de substancias prohibidas.
Ademais, para poder percibir algunha das axudas descritas na presente sección, cada animal deberá estar identificado e rexistrado conforme as disposicións do Real decreto 1980/1998, do 18 de setembro, no caso dos animais da especie bovina ou conforme as disposicións do Real decreto 947/2005, do 29 de xullo, para as especies ovina e cabrúa.
2. No caso das axudas establecidas para o sector vacún de leite, deberanse cumprir os seguintes requisitos:
a) Non ter sido sancionado/a por incumprimento da normativa vixente en materia de calidade do leite cru nos anos 2011, 2012 e 2013.
b) Non ter sido sancionado/a, no ano 2013, con motivo dun control destinado a comprobar a coherencia entre a capacidade de produción da explotación e as entregas declaradas, no marco do establecido no Real decreto 754/2005, do 24 de xuño, e no capítulo IV do Regulamento (CE) nº 595/2004 da Comisión.
c) A explotación deberá dispor de cota láctea asignada e realizar entregas de leite ou venda directa conforme as definicións do Real decreto 347/2003, do 21 de marzo, polo que se regula o sistema de xestión de cota láctea, no período de taxa 2014-2015.
3. As accións obxecto das axudas establecidas no presente capítulo serán susceptibles de ser incluidas en contratos territoriais de explotación celebrados entre as administraciones públicas e os titulares das explotacións, a que se refire o Real decreto 1336/2011, do 3 de outubro, polo que se regula o contrato territorial como instrumento para promover o desenvolvemento sustentable do medio rural, e que derivan do establecido na Lei 45/2007, do 13 de decembro, para o desenvolvemento sustentable do medio rural.
Subsección 1ª. Axuda para a mellora da calidade da carne de vacún
Artigo 52. Obxecto e dotación
1. En virtude do inciso 1.a).ii) do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica aos agricultores de carne de vacún para incentivar a mellora da calidade e a comercialización da carne de vacún.
2. A dotación orzamentaria nacional para esta axuda para España é de 7 millóns de euros ao ano.
Artigo 53. Beneficiarios e requisitos
1. Este pagamento concederase aos/ás agricultores/as que o soliciten de acordo cos modelos DP1, DA, RG e VC do anexo 1 desta orde e cumpran as condicións establecidas nela e na normativa estatal e comunitaria aplicables.
2. A axuda concederase aos/ás agricultores/as de carne de vacún polas cabezas sacrificadas dentro dalgún dos seguintes sistemas de calidade recoñecidos oficialmente mediante a correspondente norma legal:
De ámbito comunitario:
a) Indicacións xeográficas protexidas
b) Denominacións de orixe protexidas
c) Gandaría ecolóxica
De ámbito nacional:
a) Gandaría integrada.
b) Etiquetaxe facultativa da carne que implique uns requisitos superiores aos exixidos na normativa xeral. Neste caso, soamente poderán aceptarse os que cumpran o establecido no artigo 62.1.e) do Real decreto 202/2012, do 23 de xaneiro.
3. Soamente se admitirán animais cebados e sacrificados en España dentro dalgún sistema de calidade de carne recoñecido oficialmente en España.
4. Para a realización do pagamento, os/as responsables dos consellos reguladores das indicacións xeográficas protexidas, das entidades que acrediten a produción gandeira ecolóxica, gandaría integrada e os/as responsables dos pregos de etiquetaxe facultativa comunicarán ao Fogga, antes do 1 de febreiro de 2015, a información necesaria sobre os animais sacrificados durante o período do 1 de xaneiro ao 31 de decembro de 2014 dentro destes programas de calidade, segundo os datos mínimos do anexo 13.
Artigo 54. Importe unitario da axuda
O Ministerio de Agricultura, Alimentación e Medio Ambiente establecerá anualmente a contía do pagamento adicional por cabeza dividindo o montante global dos fondos entre o número de cabezas que cumpran as condicións de concesión do artigo 53, cun máximo de 200 cabezas por explotación.
Subsección 2ª. Axuda para compensar as desvantaxes especificas que afectan
aos agricultores que manteñen vacas nutrices
Artigo 55. Obxecto e dotación
1. En virtude da letra b) do número 1 do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica aos agricultores que manteñan vacas nutrices, coa finalidade de compensar as desvantaxes específicas que afectan estas explotacións.
2. A dotación orzamentaria nacional para España para esta axuda é de 47.966.000 euros ao ano.
Artigo 56. Beneficiarios e requisitos
1. Este pagamento concederase aos/ás agricultores/as que o soliciten de acordo cos modelos DP1, DA, RS, PA, RG, PAF, de ser o caso, e VC do anexo 1 desta orde e cumpran as condicións establecidas nela e na normativa estatal e comunitaria aplicable. A axuda concederase polas vacas nutrices que manteñan, teñan ou non dereitos de prima, durante un período mínimo de seis meses consecutivos a partir do día seguinte ao de presentación da solicitude. Non se admitirá un número de xovencas superior ao 40 por cento do número total de animais obxecto de subvención. No caso de que o cálculo do número máximo de xovencas, expresado en forma de porcentaxe, dea como resultado un número fraccionario de animais, o dito número arredondarase á unidade inferior se é inferior a 0,5 e ao número enteiro superior se é igual ou superior a 0,5. Para estes efectos, non se considerarán vacas ou xovencas de raza cárnica as das razas bovinas de aptitude eminentemente láctea, segundo se definen no artigo 10.1.u).
2. A concesión deste pagamento estará supeditada a que a carga gandeira da explotación do/a solicitante non exceda 1,5 unidades de gando maior (UGM) por hectárea dedicada á alimentación dos animais nela mantidos, de acordo coa declaración de superficie forraxeira realizada polo/a solicitante e calculada segundo o establecido no punto 3 deste artigo.
Non obstante, os/as produtores/as quedarán exentos da aplicación da carga gandeira cando o número de animais que manteña na súa explotación e que deba tomarse en consideración para a determinación da dita carga non supere as 15 UGM.
3. A determinación da carga gandeira da explotación realizarase tendo en conta a media de seis días, considerando o primeiro día de cada mes do período de retención e:
a) O número de animais que se converterá en UGM de acordo coas seguintes equivalencias:
I. Bovinos machos e xovencas de máis de 24 meses, vacas nutrices e vacas leiteiras: 1,00 UGM.
II. Bovinos machos e xovencas de 6 a 24 meses de idade: 0,6 UGM.
III. Ovinos e cabrúns: 0,15 UGM.
b) A superficie forraxeira da explotación segundo a definición do artigo 10.1.l).
4. Para os efectos desta axuda, as comunicacións á base de datos de identificación e rexistro, nos prazos establecidos, de substitucións, baixas e renuncias de animais solicitados consideraranse válidas e producirán os mesmos efectos que a comunicación ao servizo territorial do Fogga.
Artigo 57. Importe unitario da axuda
1. O Ministerio de Agricultura, Alimentación e Medio Ambiente establecerá, en función da información facilitada polas comunidades autónomas, o importe unitario para cada tramo de modulación do pagamento adicional por estratos nas explotacións que manteñan vacas nutrices, segundo o indicado no punto seguinte.
2. O importe por cabeza modularase proporcionalmente aos efectivos do rabaño de forma que:
– Polas primeiras 40 cabezas cobrarase a axuda específica completa.
– De 41 a 70 cabezas percibiranse dous terzos da axuda específica.
– De 71 a 100 cabezas percibirase un terzo da axuda específica.
– En cada rabaño só se recibirá axuda polas 100 primeiras cabezas.
3. No caso de explotacións asociativas, esta modulación aplicarase por cada profesional da agricultura na data de finalización do prazo de solicitude.
En ningún caso computará para os efectos de modulación se algún/algunha dos/as socios/as da explotación, aínda que sexa profesional da agricultura, percibe xa unha axuda das previstas por esta mesma axuda específica.
4. No caso de explotacións agrarias de titularidade compartida, inscritas conforme se establece na Lei 35/2011, do 4 de outubro, sobre titularidade compartida nas explotacións agrarias, esta modulación aplicarase por cada persoa titular da explotación agraria en réxime de titularidade compartida.
5. Para os efectos de aplicar esta modulación, no caso de que o titular das explotacións sexa unha persoa física, poderase considerar aos familiares de primeiro grao tanto por consanguinidade como por afinidade do titular, sempre que estes sexan profesionais da agricultura. En explotacións familiares, en ningún caso computará para efectos de modulación se algún destes profesionais da agricultura percibe xa unha axuda das previstas por esta mesma axuda específica.
Subsección 3ª. Axuda para a mellora da calidade das producións de
ovino e cabrún
Artigo 58. Obxecto, ámbito de aplicación e dotación
1. En virtude do inciso 1.a).ii) do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica aos/ás agricultores/as de ovino e cabrún que comercialicen polo menos unha parte da súa produción de leite e/ou carne ao amparo dunha denominación de calidade.
Terán a consideración de denominación de calidade para estes efectos os seguintes sistemas de calidade recoñecidos oficialmente no sector ovino e cabrún mediante a correspondente normal legal:
De ámbito comunitario:
a) Indicacións xeográficas protexidas.
b) Denominacións de orixe protexidas.
c) Especialidades tradicionais garantidas.
d) Gandaría ecolóxica.
De ámbito nacional:
a) Gandaría integrada.
b) Etiquetaxe facultativa de acordo co establecido na alínea 7.1 f) do artigo único do Real decreto 2/2013, do 11 de xaneiro, polo que se modifica o Real decreto 202/2012, do 23 de xaneiro.
Para estes efectos, o Ministerio de Agricultura, Alimentación e Medio Ambiente elaborará e fará publica antes do 1 de febreiro do ano da solicitude unha relación nacional de pregos de etiquetaxe facultativa que cumpran coas condicións establecidas.
2. A dotación orzamentaria que se destinará en España a estes pagamentos é de 6.800.000 euros para o ano 2014.
Artigo 59. Beneficiarios e requisitos
1. Este pagamento concederase aos/ás agricultores/as que o soliciten de acordo cos modelos DP1, DA, RG e OC do anexo 1, xunten a documentación indicada neste e cumpran os requisitos e condicións establecidos.
2. A axuda aboarase por animal elixible, que será toda ovella ou cabra, tal e como foi definida no artigo 10.1.p) e 10.1.q), respectivamente, que ademais se atope correctamente identificada e rexistrada conforme se establece no Regulamento (CE) nº 21/2004 do Consello, do 17 de decembro de 2003, polo que se establece un sistema de identificación e rexistro dos animais das especies ovina e caprina, en 1 de xaneiro de 2014, nas explotacións que cumpran os requisitos establecidos na presente subsección.
3. Os/as agricultores/as que queiran optar a estas axudas deberán comercializar baixo os programas de produción de calidade de que se trate a produción de, polo menos, un 35 por cento das femias elixibles en 2014, distinguindo por especie, da explotación. No caso de explotacións con ambas as especies, ovella e cabra, comprobarase se se cumpre este requisito en cada unha das especies independentemente. No caso de explotacións con distintas orientacións produtivas para unha mesma especie, para considerar cumprido este requisito deberase acadar a dita porcentaxe nalgunha das orientacións produtivas. En todo caso, para unha mesma especie, a axuda percibirase por unha das orientacións produtivas. Para todas as denominacións de calidade, o cómputo das cantidades comercializadas para o cumprimento desta porcentaxe mínima exixida comezará a realizarse a partir da data de obtención do primeiro certificado de conformidade emitido pola entidade certificadora, logo de autorización da autoridade competente. Non obstante, cando proceda a renovación do dito certificado, para o cómputo das cantidades comercializadas considerarase o ano natural.
4. Para a determinación destas porcentaxes mínimas aplicaranse os coeficientes de conversión das cantidades de leite ou número de años e/ou cabritos comercializados, durante o ano 2014, ao número de reprodutoras, conforme se establece no anexo 15.
Artigo 60. Importe unitario da axuda
1. O importe unitario das axudas por animal elixible será:
a) No caso de denominacións de calidade de ámbito comunitario: o importe completo da axuda.
b) No caso de denominación de calidade de ámbito nacional: o 80 por cento do importe completo da axuda.
No caso de que nunha explotación se comercialicen simultaneamente producións de calidade baixo denominacións de ambos os ámbitos, comunitarias e nacionais, o cálculo do número de animais con dereito a pagamento para cada un dos ámbitos, comunitario e nacional, realizarase do modo seguinte:
– Se a produción comercializada baixo o ámbito comunitario é suficiente para alcanzar a porcentaxe mínima que dá dereito á axuda, con independencia da produción de calidade alcanzada no ámbito nacional, todos os animais da explotación con dereito a pagamento cobrarán o importe completo da axuda.
– Se non se alcanzar o dito mínimo coa produción de calidade de ámbito comunitario, pero entre as producións de calidade nacionais e comunitarias si se alcanzar, o número de animais con dereito a pagamento para cada un dos ámbitos, comunitario e nacional, calcularase proporcionalmente á produción comercializada en cada un deles.
Para a realización do pagamento, os/as responsables dos consellos reguladores das indicacións xeográficas protexidas, denominacións de orixe protexidas, das entidades que acrediten a produción gandeira ecolóxica, gandaría integrada e os/as responsables dos pregos de etiquetaxe facultativa comunicarán ao Fogga, antes do 1 de febreiro do ano seguinte ao da presentación da solicitude unificada, a información necesaria sobre as explotacións e titulares que comercializasen a súa produción durante o período do 1 de xaneiro ao 31 de decembro de 2014 ao amparo destes programas de calidade dos cales sexan responsables, segundo os datos mínimos do anexo 14.
2. O Ministerio de Agricultura, Alimentación e Medio Ambiente establecerá anualmente a contía da axuda específica por cabeza dividindo o montante global dos fondos entre o número de cabezas que cumpran as condicións de concesión desta subsección.
Subsección 4ª. Axuda para compensar as desvantaxes especificas
que afectan os/as agricultores/as do sector ovino
Artigo 61. Obxecto, ámbito de aplicación e dotación
1. En virtude da letra b) do número 1 do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica ás explotacións de ovino que se agrupen entre si en entidades asociativas co fin de que a través do fomento da mellora da súa competitividade ou da ordenación da oferta ou do incremento do valor da súa produción se poida garantir a súa permanencia na actividade.
2. A dotación orzamentaria para España para esta axuda específica no ano 2014 é de 26.500.000 euros.
Artigo 62. Beneficiarios e requisitos
1. Este pagamento concederase aos/ás agricultores/as que o soliciten de acordo cos modelos DP1, DA, RG e OC do anexo 1, xunten a documentación indicada neste e cumpran os requisitos e condicións establecidos nesta subsección.
2. A axuda aboarase polos animais elixibles presentes nas explotacións, que será toda ovella, tal e como foi definida no artigo 10.1.p), que ademais se atope correctamente identificada e rexistrada conforme se establece no Regulamento (CE) nº 21/2004 do Consello, do 17 de decembro de 2003, polo que se establece un sistema de identificación e rexistro dos animais das especies ovina e cabrúa, en 1 de xaneiro de 2014.
3. As axudas limitaranse a titulares de explotacións de ovino agrupados en entidades asociativas constituídas antes do último día de prazo de presentación da solicitude unificada 2014 nalgunha das entidades asociativas que define o artigo 6, letras a) e b) da Lei 19/1995, do 4 de xullo, de modernización das explotacións agrarias, cuns censos mínimos de reprodutoras elixibles, propiedade dos/as titulares de explotación asociados/as, de 5.000 reprodutoras e que levasen a cabo actuacións antes do último día do prazo de presentación da solicitude unificada 2014, recollidas nos seus estatutos, para a consecución dalgún dos seguintes obxectivos:
a) A dotación de infraestruturas para a ceba e tipificación de años e/ou a comercialización en común da súa carne, leite ou produtos lácteos e/ou la.
b) Emprender accións comúns para mellora da rastrexabilidade e/ou a etiquetaxe da produción.
c) Dotación de servizos comúns e de substitución (por exemplo, para o pastoreo, rapa...).
d) Levar a cabo accións comúns de formación, mellora tecnolóxica ou innovación, no ámbito da produción e/ou da comercialización.
Un titular de explotación de ovino só poderá presentar unha única solicitude de axuda ligada á entidade asociativa da súa elección que deberá indicar na solicitude.
Para ter dereito á axuda deberase comprobar que o solicitante, como membro da entidade asociativa, participou durante o ano de solicitude nalgunha das actividades relacionadas anteriormente, levadas a cabo pola dita entidade.
4. Pola súa vez as agrupacións comprometeranse a:
a) Manter a súa actividade e polo menos o 90 por cento do censo indicativo asociado durante os tres anos seguintes á data de solicitude da primeira axuda, é dicir, durante o ano da solicitude e os dous seguintes. Para os efectos dos compromisos derivados do mantemento do censo indicativo da entidade asociativa, só se considerarán os animais elixibles dos solicitantes.
b) Achegar o compromiso individual dos/as produtores/as integrantes, de permanecer polo menos 3 anos na agrupación e de comunicar a súa baixa cunha antelación mínima de 6 meses á súa data efectiva.
O feito de que un socio solicitante se dea de baixa inxustificadamente, será suficiente para consideralo como incumprimento do seu compromiso individual de permanencia, independentemente do que suceda co censo indicativo mínimo da entidade asociativa. Neste caso poderase exixir a devolución dos importes xa percibidos en anos anteriores aos ditos solicitantes, ademais de proceder á denegación da axuda específica do ano en curso no caso de que se presentase solicitude para pertenza a outra entidade asociativa.
Se, ademais, como consecuencia desta baixa dun socio solicitante, o censo indicativo da entidade asociativa diminuíse dun ano para outro por baixo do 90 por cento do censo indicativo inicial, ou o censo mínimo descendese por baixo de 5.000, consideraríase como incumprimento da entidade asociativa e afectaría todos os integrantes. Neste suposto, non se exixiría a devolución dos importes percibidos en anos anteriores polos socios que mantivesen individualmente o seu compromiso. En todo caso, teranse en conta os casos de xubilación dun solicitante, as situacións excepcionais e as causas de forza maior.
5. O censo indicativo correspondente ao conxunto de femias reprodutoras elixibles da entidade asociativa, referirase ao 1 de xaneiro de 2014.
Artigo 63. Importe unitario da axuda
1. O importe unitario da axuda modularase proporcionalmente, de forma que:
a) Nas explotacións en que os titulares non comercialicen leite ou produtos lácteos conforme o Real decreto 61/2011, do 21 de xaneiro, sobre declaracións que efectuarán os compradores de leite e produtos lácteos de ovella e cabra, o importe unitario por femia elixible na explotación será o importe completo da axuda.
b) Nas explotacións en que os titulares comercialicen leite ou produtos lácteos independentemente da especie produtora conforme o Real decreto 61/2011, do 21 de xaneiro, o importe unitario por femia elixible na explotación será do 70 por cento do importe completo da axuda.
2. O Ministerio de Agricultura, Alimentación e Medio Ambiente establecerá anualmente a contía da axuda específica por cabeza dividindo o montante global dos fondos entre o número de cabezas que cumpran as condicións de concesión da presente subsección.
3. As entidades asociativas elaborarán unha listaxe en que figure a relación de socios solicitantes, indicando o seu DNI/NIF, censo de femias elixibles e código REGA das explotacións. A dita listaxe será posta ao dispor do Fogga antes da data de finalización do prazo de presentación da solicitude única.
Subsección 5ª. Axuda para compensar as desvantaxes específicas
que afectan os/as agricultores/as do sector cabrún
Artigo 64. Obxecto, ámbito de aplicación e dotación
1. En virtude da letra b) do número 1 do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica aos titulares de explotacións de cabrún que se atopen en zonas desfavorecidas, segundo a relación que recolle o anexo 9.1.1 –Listaxe de zonas desfavorecidas de España– do programa de desenvolvemento rural das medidas de acompañamento do período de programación 2000-2006, aprobado por Decisión C(2000) 3549, do 24 de novembro, e modificado por Decisión C(2006) 607, do 22 de febreiro, así como as modificacións desta relación definidas polo procedemento establecido no artigo 90, número 2, do Regulamento (CE) nº 1698/2005, do 20 de setembro, e que para a Comunidade Autónoma de Galicia se corresponden coas indicadas no anexo 17 desta orde.
2. A dotación orzamentaria para España para esta axuda específica é de 4.400.000 euros no ano 2014.
Artigo 65. Beneficiarios e requisitos
1. Este pagamento concederase aos/ás agricultores/as que o soliciten de acordo cos modelos DP1, DA, RG e OC do anexo 1, xunten a documentación indicada nel e cumpran os requisitos e condicións establecidos.
2. Só recibirán esta axuda os titulares de explotacións cun censo de cabras elixibles igual ou superior a 10.
3. A axuda aboarase por animal elixible, que será toda cabra, tal como se define no artigo 10.1.q), que ademais se atope correctamente identificada e rexistrada conforme a normativa vixente, en 1 de xaneiro de 2014, nas explotacións que cumpran os requisitos desta subsección.
4. Poderán optar a estas axudas os/as titulares de explotacións de cabrún localizadas nas zonas desfavorecidas conforme se establece no artigo anterior.
Nos casos en que a explotación teña máis dunha unidade de produción situada en diferentes zonas, para determinar se a explotación do solicitante está en zona desfavorecida, atenderase ao censo de cabras conforme a definición do artigo 10.1.q) presentes en cada unha das unidades de produción. A explotación entenderase situada en zona desfavorecida se a unidade ou unidades de produción situadas nalgunha das zonas desfavorecidas conforme se establece no artigo anterior reúnen máis do 50 por cento do censo total de cabezas da explotación. Igualmente, nestes caso, so se considerarán elixibles os animais que, ademais de cumpriren o establecido, se atopen nas unidades de produción situadas en zonas desfavorecidas.
Artigo 66. Importe unitario da axuda
O Ministerio de Agricultura, Alimentación e Medio Ambiente, segundo a información facilitada polas comunidades autónomas, establecerá anualmente a contía da axuda específica por cabeza dividindo o montante global dos fondos entre o número de cabezas que cumpran as condicións de concesión establecidas nesta subsección.
Subsección 6ª. Axuda para compensar as desvantaxes específicas
que afectan os/as agricultores/as do sector de vacún de leite
Artigo 67. Obxecto, ámbito de aplicación e dotación
1. En virtude do número 1.b) do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica ás explotacións de vacún de leite para facilitar a súa adaptación á eliminación progresiva do réxime de cotas.
2. A dotación orzamentaria para España para esta axuda específica no ano 2014 é de 53.400.000 euros distribuídos da seguinte forma:
a) 48.900.000 euros para unha axuda ás explotacións ubicadas en zonas desfavorecidas, segundo se recolle no anexo 17, coa seguinte desagregación:
i. 17.100.000 euros para unha axuda ás explotacións situadas en zona de montaña e zonas con dificultades específicas.
ii. 18.400.000 euros para unha axuda ás explotacións situadas noutras zonas desfavorecidas distintas ás de montaña afectadas por desvantaxes naturais.
iii. 13.400.000 euros para unha axuda complementaria ás explotacións situadas nas zonas anteriores que, ademais, dispoñan da base territorial para a alimentación do gando produtor de leite segundo se establece no artigo 68.
b) 4.500.000 euros para unha axuda ás explotacións situadas no resto de zonas do territorio distintas das establecidas anteriormente.
Artigo 68. Beneficiarios e requisitos
1. As axudas concederanse por animal elixible e ano. Serán animais elixibles as femias das razas bovinas de aptitude eminentemente láctea, segundo se definen no artigo 10.1.u), e que teñan unha idade igual ou maior a 24 meses e que se atopen inscritas no Rexistro Xeral de Identificación Individual de Animais (RIIA), conforme se establece no Real decreto 728/2007, localizadas na explotación o último día do prazo de presentación da solicitude unificada.
2. O Fogga determinará o número de animais elixibles de cada explotación que cumpran os requisitos establecidos na presente subsección en cada tipo de zona e en cada tramo de modulación.
3. Poderán optar a estas axudas os titulares de explotacións de gando vacún de leite sempre que o soliciten de acordo cos modelos DP1, DA, PA, RS, RG e VL do anexo 1, xunten a documentación indicada nel e cumpran os requisitos e condicións comúns establecidos no artigo 51.
Nos casos en que a explotación se compoña de máis dunha unidade de produción, situadas en diferentes zonas, para determinar o tipo de zona en que está a explotación do solicitante atenderase ao número de animais elixibles presentes no último día de prazo de presentación da solicitude unificada 2014 en cada unha das unidades de produción. A explotación entenderase situada na zona onde radiquen as unidades de produción que sumen maior número de animais elixibles.
Para os efectos da modulación prevista no número 2 do artigo 69, o cómputo dos animais que recibirán axuda iniciarase polos presentes nas unidades de produción da zona na que se determinase que pertence a explotación. O cómputo continuará, se for o caso, coa seguinte ou as seguintes zonas, ordenadas en función do maior número de animais elixibles presentes nelas.
4. Os agricultores con explotación situada nas zonas incluídas no anexo 17 que posúan unha superficie forraxeira dispoñible na súa explotación para alimentación do gando produtor de leite, poderán percibir unha axuda complementaria sempre que a dita superficie sexa superior a 0,40 hectáreas por animal elixible conforme se define no número 1.
Para os efectos desta axuda entenderase por superficie forraxeira aquela que, ademais de responder á definición do artigo 10.1.l), teña uso de pasto ou terra arable no Sixpac e estea situada no termo municipal onde se atope a explotación ou en municipios limítrofes.
Artigo 69. Importe unitario da axuda
1. O Ministerio de Agricultura, Alimentación e Medio Ambiente, segundo a información ofrecida polas comunidades autónomas, establecerá anualmente as contías das axudas por cabeza, dividindo os montantes dos fondos correspondentes descritos no número 2 do artigo 67 entre o número de cabezas que cumpran as condicións de concesión do artigo 68, e tendo en conta a modulación prevista no número seguinte.
2. O importe das axudas por animal elixible será:
a) O importe completo da axuda para os 40 primeiros animais e o 80 por cento do importe completo para os seguintes, ata un máximo de 100 animais por explotación.
b) No caso de explotacións situadas nas zonas indicadas no anexo 17 con superficie forraxeira e destinada á alimentación do gando produtor de leite superior a 0,40 hectáreas por animal elixible, o importe completo da axuda complementaria para os 40 primeiros animais e o 70 por cento do importe completo para os seguintes, ata un máximo de 100 animais por explotación.
Subsección 7ª. Axuda para a mellora da calidade do leite e
os produtos lácteos de vaca
Artigo 70. Obxecto e dotación
1. En virtude da letra a) ii do número 1 do artigo 68 do Regulamento (CE) nº 73/2009 do Consello, do 19 de xaneiro, concederase unha axuda específica aos/ás titulares de explotacións de vacún de leite que comercialicen a súa produción ao amparo dalgunha das seguintes liñas:
a) Una denominación de calidade das establecidas no artigo 71.
b) O etiquetado facultativo co logotipo Letra Q, que deberá cumprir o establecido no Real decreto 405/2010, do 31 de marzo, polo que se regula o uso do logotipo Letra Q na etiquetaxe do leite e dos produtos lácteos.
Para isto, cando cumpran os requisitos e condicións establecidas, deberán presentar coa solicitude unificada unha solicitude de acordo cos modelos DP1, DA, RG e VL do anexo 1, e xuntar a documentación indicada nel.
2. A dotación orzamentaria anual que se destinará a estes pagamentos en España é de 3.952.600 euros.
Artigo 71. Sistemas de calidade recoñecidos
1. Terán a consideración de denominación de calidade para estes efectos os seguintes sistemas de calidade recoñecidos oficialmente no sector vacún leiteiro:
De ámbito comunitario:
a) Indicacións xeográficas protexidas.
b) Denominacións de orixe protexidas.
c) Especialidades tradicionais garantidas.
d) Gandaría ecolóxica.
De ámbito nacional:
e) Gandaría integrada.
f) Esquemas de certificación de calidade que impliquen uns requisitos superiores aos exixidos na normativa xeral. Neste caso, soamente poderán aceptarse os que inclúan como elementos que fornezan valor engadido algún dos que se relacionan a seguir:
I. Características de produción: produción en réxime extensivo.
II. Alimentación: sistemas de alimentación que inclúan porcentaxes ou cantidades mínimas no penso de cereais, vitaminas, ácidos graxos ou outros compoñentes que melloren a calidade organoléptica ou nutritiva do leite.
III. Ambiente: utilización de enerxías renovables na explotación, programas de aforro enerxético ou de recursos (auga), redución de emisións de gases de efecto invernadoiro.
IV. Calidade hixiénico sanitaria do leite alén dos requisitos legais obrigatorios:
a. Os esquemas de certificación de calidade que se baseen neste último elemento valorizante deberán incluír entre os seus requisitos unha exixencia de calidade hixiénica referida ao leite cru de vaca compatible cos seguintes criterios:
i. Colonias de xermes a 30 ºC (por ml) menor ou igual a 50.000.
ii. Contido de células somáticas (por ml), menor ou igual a 350.000.
b. O cumprimento deste requisito verificarase tendo en conta as medias xeométricas móbiles obtidas da análise das mostras tomadas nos tanques de almacenamento do leite e rexistradas na base de datos Letra Q en aplicación do Real decreto 1728/2007, do 21 de decembro, ou en calquera outro rexistro equivalente autorizado pola autoridade competente.
Para estes efectos, un produtor que comercialice o seu leite e produtos lácteos baixo estes sistemas de calidade, ademais de cumprir co resto de requisitos establecidos na presente sección, só poderá beneficiarse desta axuda se todos os resultados analíticos correspondentes ás mostras tomadas na súa explotación durante todo o ano 2014 cumpren os criterios anteriormente indicados.
Artigo 72. Recoñecemento oficial dos sistemas de calidade de ámbito nacional
A autorización provisional, recoñecemento e control dos sistemas de calidade realizarase de acordo co establecido no artigo 81 do Real decreto 202/2012, do 23 de xaneiro.
Artigo 73. Beneficiarios e requisitos
1. A axuda aboarase por animal elixible e ano. Serán animais elixibles as femias da especie bovina de idade igual ou maior a 24 meses e que se atopen inscritas no Rexistro Xeral de Identificación Individual de Animais (RIIA), conforme se establece no Real decreto 728/2007, localizadas na explotación o último día do prazo de presentación da solicitude unificada, cuxa produción sexa comercializada ao abeiro dunha denominación de calidade das establecidas no artigo 71.1.
2. Ademais do establecido nas disposicións comúns do artigo 51, os/as agricultores/as que queiran optar a estas axudas en calquera das dúas liñas establecidas no artigo 70.1 deberán comercializar baixo os requirimentos exixibles en cada caso, a produción de polo menos un 25 por cento das femias de aptitude láctea da explotación. O cómputo das cantidades comercializadas para o cumprimento desta porcentaxe mínima exixida comezará a realizarse a partir da data de obtención do primeiro certificado de conformidade emitido pola entidade certificadora, logo de autorización da autoridade competente. Non obstante, cando proceda a renovación do dito certificado, para o cómputo das cantidades comercializadas considerarase o ano natural.
3. Os/as responsables dos consellos reguladores das indicacións xeográficas protexidas, denominacións de orixe protexidas ou especialidades tradicionais garantidas, así como os/as da produción gandeira ecolóxica, integrada, esquemas de certificación de calidade e do logotipo Letra Q, comunicarán ao Fogga, para estes efectos, antes do 1 de febreiro de 2015, a información establecida no anexo 16.
No caso de esquemas de certificación mencionados na alínea f) do artigo 71.1, nos cales a certificación do cumprimento dos requisitos dos ditos esquemas por parte do organismo independente de control non se realice a nivel de explotación, se non nunha fase posterior, así como no caso da etiquetaxe co logotipo Letra Q da alínea 1.b) do artigo 70, a suma do total de quilogramos de leite comercializados polas explotacións expresados na letra B) do anexo 16 deberá coincidir co volume total de leite comercializado polo responsable do esquema ou polo usuario do logotipo Letra Q baixo este.
Co obxectivo de realizar a dita comprobación, o organismo independente de control deberá certificar o volume total de leite que os responsables dos ditos esquemas e etiquetaxe comercializasen baixo a marca ou logotipo en cuestión. A dita cantidade consignarase na leatra C) do anexo 16 de forma que a suma das cantidades consignadas na letra B) do dito anexo non poderá ser superior en máis dun 10 por cento a esta cantidade consignada na leatra C).
4. Para determinar o número de femias elixibles por cada explotación que cumpra os requisitos da alínea 2, dividirase a cantidade en quilogramos comercializados durante o ano 2014 baixo as distintas denominacións de calidade e logotipo Letra Q entre o rendemento lácteo medio recoñecido para España no anexo V do Regulamento (CE) nº 1121/2009 da Comisión, do 29 de outubro.
Cando o Fogga poida comprobar que a totalidade da produción dunha explotación é destinada a unha ou varias producións de calidade, poderase entender que todas as femias de idade igual ou maior a 24 meses que se atopen inscritas no RIIA, conforme se establece no Real decreto 728/2007, localizadas na explotación o último día do prazo de presentación da solicitude unificada, son elixibles para os efectos desta axuda, sen necesidade de realizar cálculos con base no rendemento lácteo.
Artigo 74. Importe das axudas
1. O Ministerio de Agricultura, Alimentación e Medio Ambiente, segundo a información fornecida polas comunidades autónomas establecerá anualmente a contía da axuda específica por animal elixible dividindo o montante global dos fondos entre o número de animais elixibles que cumpran as condicións para a concesión da axuda.
O importe das axudas por animal elixible será:
a) No caso de denominacións de calidade de ámbito comunitario, o importe completo da axuda.
b) No caso do resto de denominacións de calidade e etiquetaxe facultativa co logotipo Letra Q: o 80 por cento do importe completo da axuda.
No caso de que unha explotación comercialice a súa produción baixo as dúas alíneas a) e b) anteriores, o cálculo dos importes da axuda realizarase contabilizando os animais elixibles de cada alínea por separado.
CAPÍTULO V
Dos controis, reducións e exclusións
Artigo 75. Plan de control de admisibilidade
O Fogga, no marco dos plans nacionais de control establecidos polo Fega, establecerá os plans de control tanto administrativos como sobre o terreo, de conformidade cos criterios especificados no Regulamento (CE) nº 1120/2009 da Comisión, do 29 de outubro de 2009, que establece disposicións de aplicación do réxime de pagamento único previsto no título III do Regulamento (CE) nº 73/2009 do Consello, no Regulamento (CE) nº 1121/2009 da Comisión, do 29 de outubro de 2009, polo que se establecen disposicións de aplicación do Regulamento (CE) nº 73/2009 do Consello con respecto aos réximes de axuda aos/ás agricultores/as previstos nos seus títulos IV e V, e no Regulamento (CE) nº 1122/2009 da Comisión, do 30 de novembro de 2009, polo que se establecen normas de desenvolvemento do Regulamento (CE) nº 73/2009 do Consello no referente á condicionalidade, a modulación e ao sistema integrado de xestión e control nos réximes de axuda directa aos/ás agricultores/as establecidos por ese regulamento.
Artigo 76. Reducións e exclusións
1. Os pagamentos directos recollidos neste título estarán suxeitos ás reducións e exclusións previstas no título IV do Regulamento (CE) nº 1122/2009.
2. Para os efectos do cálculo das penalizacións previstas no artigo 55 do dito regulamento, por declaración incompleta das superficies de todas as parcelas da explotación na solicitude única, calcularase a diferenza entre, por unha parte, a superficie global declarada na solicitude única e, por outra, esta superficie global declarada mais a superficie global das parcelas non declaradas.
3. Se esta diferenza supón unha porcentaxe superior ao 3 por cento sobre a superficie global declarada, o importe global dos pagamentos directos ao agricultor reducirase segundo os niveis de redución seguintes:
a. Se a porcentaxe é superior ao 3 por cento pero inferior ou igual ao 25 por cento, aplicarase unha redución do 1 por cento do total dos pagamentos directos.
b. Se a porcentaxe é superior ao 25 por cento pero inferior ou igual ao 50 por cento, aplicarase unha redución do 2 por cento do total dos pagamentos directos.
c. Se a porcentaxe é superior ao 50 por cento aplicarase unha redución do 3 por cento do total dos pagamentos directos.
Artigo 77. Superficies e animais con dereito a pagamento
1. Para os efectos do establecemento das superficies e animais con dereito a pagamento teranse en conta as disposición aplicables a cada réxime de axuda incluído no artigo 1.1.2, así como o artigo 21 e as establecidas no Regulamento (CE) nº 1122/2009 da Comisión, do 30 de novembro, e normas de desenvolvemento do Regulamento (CE) nº 1234/2007 do Consello, no referido á condicionalidade no réxime de axuda establecido para o sector vitivinícola.
2. Os pagamentos correspondentes estarán sometidos, se é o caso, ás reducións como consecuencia dos límites orzamentarios e do axuste dos pagamentos directos en 2014 de acordo co establecido nos artigos 21 e 22.
Artigo 78. Circunstancias naturais do rabaño
As reducións e exclusións establecidas nos artigos 65 e 66 do Regulamento (CE) nº 1122/2009 da Comisión, do 30 de novembro, non se aplicarán cando, por motivos imputables a circunstancias naturais da vida do rabaño, o/a produtor/a non poida cumprir o seu compromiso de manter os animais obxecto de solicitude de axuda durante todo o período de retención, sempre e cando teña notificado ese extremo por escrito ao servizo territorial do Fogga nun prazo de dez días hábiles desde a comprobación da redución do número de animais.
Os servizos territoriais do Fogga poderán admitir, sen prexuízo das circunstancias concretas que poidan terse en conta en cada caso, como casos de circunstancias naturais da vida do rabaño os seguintes supostos:
a) A morte dun animal como consecuencia dunha enfermidade.
b) A morte dun animal como consecuencia dun accidente do cal non poida considerarse responsable o/a gandeiro/a.
Artigo 79. Forza maior e circunstancias excepcionais
1. Cando un/unha produtor/a non poida cumprir as súas obrigas por un caso de forza maior ou circunstancias excepcionais, conservará o dereito á axuda pola superficie ou os animais admisibles no momento en que se teña producido o caso de forza maior ou a circunstancia excepcional. Ademais, se o incumprimento derivado dos motivos da forza maior ou das circunstancias excepcionais está relacionado coa condicionalidade, non se aplicará a redución correspondente.
2. Os casos de forza maior e de circunstancias excepcionais, coa presentación das probas pertinentes a enteira satisfacción do Fogga, deberán notificarse por escrito nun prazo de 10 días hábiles a partir do momento en que o/a produtor/a se encontre en situación de facelo.
3. Para tal efecto, o Fogga poderá recoñecer como circunstancias excepcionais os supostos seguintes:
a) A morte do/a produtor/a.
b) Unha longa incapacidade profesional do/a produtor/a, de acordo co disposto no Real decreto lexislativo 1/1994, do 20 de xuño, polo que se aproba o texto refundido da Lei xeral da Seguridade Social.
c) Unha catástrofe natural grave que afecte considerablemente a superficie agrícola da explotación.
d) A destrución accidental dos edificios da explotación destinados ao gando.
e) Unha epizootia que afecte todo ou parte do gando do/a produtor/a.
TÍTULO III
Das axudas ao desenvolvemento rural para a utilización sustentable das terras
CAPÍTULO I
Das axudas integradas no contrato de explotación sustentable
Artigo 80. Obxecto e ámbito de aplicación do contrato de explotación sustentable
Co obxecto de reforzar o carácter multifuncional da actividade agraria, mellorar a sustentabilidade das explotacións e apoiar o desenvolvemento sustentable das áreas rurais, establécese o contrato de explotación sustentable (CES) previsto no Programa de desenvolvemento rural de 2007-2013 de Galicia.
A través do CES xestiónanse dúas medidas establecidas no dito programa e reguladas na presente orde:
a) Axudas agroambientais, previstas no artigo 36.a), iv) do Regulamento (CE) nº 1698/2005, para os/as produtores/as que establezan métodos de produción respectuosos co ambiente e de conservación da paisaxe e que correspondan ás seguintes submedidas ou liñas de axuda:
1. Variedades autóctonas vexetais en risco de erosión xenética.
2. Control integrado e produción integrada.
3. Agricultura e gandaría ecolóxicas.
4. Loita contra a erosión en medios fráxiles.
5. Mantemento de razas autóctonas en perigo de extinción.
6. Utilización racional de recursos forraxeiros.
7. Apicultura para a mellora da diversidade en zonas fráxiles.
8. Mellora e conservación do medio físico en zonas de prados e pastos incluídos na Rede Natura 2000.
b) Axudas relativas ao benestar dos animais, previstas no art. 36.a) v) do Regulamento (CE) nº 1698/2005, para os/as produtores/as que adopten sistemas de cría de animais en avicultura e produción porcina que, superando as normas obrigatorias de aplicación, garantan o seu benestar e sanidade e permitan, ademais, o mantemento dunha explotación viable. Establécense as seguintes submedidas ou liñas de axuda:
1. Avicultura de curral para produción de carne.
2. Porcino ao aire libre para a cría e ceba.
Artigo 81. Beneficiarios/as, requisitos e compromisos
1. Poderán solicitar o pagamento no ano 2014 das axudas establecidas no artigo anterior os agricultores/as que as solicitasen e as teñan aprobadas no marco da Orde da Consellería do Medio Rural, do 22 de febreiro de 2010 pola que se regula a aplicación dos pagamentos directos á agricultura e á gandaría e das axudas ao desenvolvemento rural para a utilización sustentable das terras agrícolas no ano 2010.
2. Para a solicitude do pagamento correspondente ao ano 2014 deberán presentar os modelos DP1, DA e DP2 e os demais impresos indicados no cadro 1 do anexo 1, para cada unha das liñas integradas no contrato de explotación sustentable e na solicitude unificada 2014, achegando a documentación indicada no punto b.7 do anexo.
3. Cumprir, salvo causa de forza maior, durante un período mínimo de 5 anos desde a data da concesión da axuda ou do inicio do cumprimento das obrigas que deron lugar á subvención, os seguintes requisitos xerais, ademais dos específicos de cada axuda:
a) Manter a actividade agraria.
b) Manter e actualizar o caderno de explotación, que deberá incluír un resumo da contabilidade e a elaboración dunha conta de explotación.
c) Recibir o servizo dunha entidade inscrita no Rexistro de Entidades de Servizos de Aconsellamento ou Xestión de Galicia.
d) Cumprir coa normativa correspondente á condicionalidade que inclúe os requisitos legais de xestión relativos aos ámbitos de Ambiente, Saúde pública, zoosanidade e fitosanidade e Benestar dos animais e as cuestións relativas ás Boas condicións agrarias e ambientais indicados nos anexos 19 e 20 respectivamente desta orde.
e) No caso de produtores/as agrarios/as beneficiarios/as de axudas para o establecemento de métodos de produción respectuosos co ambiente e a conservación da paisaxe, deberán cumprir, ademais, as normas mínimas sobre a utilización de fertilizantes e fitosanitarios do anexo 21 en toda a explotación.
f) Durante a vixencia do CES, no caso de pagamentos por superficie, non se poderán intercambiar as parcelas polas cales se concedeu a axuda, agás nos casos seguintes:
• Concentración parcelaria, expropiación ou calquera outro tipo de intervención pública.
• Relacións contractuais que deveñan imposibles.
• Variación na superficie comunal adxudicada.
4. Se un/unha beneficiario/a cede ou traspasa parcial ou totalmente a súa explotación, outro/a agricultor/a ou cesionario/a poderá continuar cos compromisos do contrato de explotación durante o período restante do contrato inicial, mediante a formalización da transferencia de compromiso segundo o modelo dos impresos TC do anexo 1, subscrito polo/a antigo/a e polo/a novo/a titular, agás no caso de falecemento do/a primeiro/a. Neste caso será subscrito unicamente polo/a novo/a titular xustificando debidamente a dita circunstancia. O documento acreditativo da transferencia de compromisos presentarase, xunto coa solicitude unificada PAC do/a cesionario/a da explotación, ata o último día do prazo de presentación da solicitude unificada, agás no caso de traspaso de compromisos por causa de forza maior. Neste último caso poderase presentar en calquera momento.
Artigo 82. Xustificación do cumprimento dos compromisos
1. Os/as solicitantes con axudas aprobadas incluídas no marco do CES comunicarán ao Fogga o cumprimento dos compromisos asumidos para o ano natural antes do 28 de febreiro do ano seguinte. Esta comunicación consistirá na presentación do caderno de explotación actualizado, como mínimo, na data do 31 de decembro, no servizo territorial do Fogga correspondente á provincia da explotación.
2. Os/as solicitantes deberán conservar, á disposición dos/as inspectores/as do Fogga, as facturas, boletíns de análises e demais documentación xustificativa das anotacións feitas no caderno de explotación.
3. O Fogga solicitará calquera outra documentación que considere necesaria para xustificar o cumprimento dos compromisos asumidos.
Artigo 83. Contía das axudas
A contía unitaria máxima das axudas para cada unha das submedidas integradas no CES será a recollida no anexo 22, tendo en conta, ademais, as limitacións establecidas na orde das convocatorias das axudas do ano en que foran solicitadas e aprobadas.
Artigo 84. Comité técnico
1. O comité técnico é o órgano encargado de coordinar, verificar e fixar os criterios que se van considerar para o mellor cumprimento dos compromisos de cada unha das submedidas do CES. Está integrado polos seguintes membros:
a) Presidente: directora do Fogga, que poderá delegar no subdirector xeral de Xestión da PAC.
b) Vogais: os/as xefes/as dos seguintes servizos:
1º. Servizo de Axudas Complementarias.
2º. Servizo de Sanidade e Produción Vexetal.
3º. Servizo de Producións Gandeiras.
4º. Servizo de Axudas Agrícolas da PAC.
5º. Servizo de Axudas Gandeiras da PAC.
2. Son funcións do comité:
a) Definir, en xeral, as características técnicas dos compromisos que afectan cada unha das submedidas que integran o CES e en particular:
– Coordinar os criterios técnicos determinantes da UMCA para cada submedida.
– Determinar o tipo de análises adicionais que se realizarán en relación coa utilización de fertilizantes.
– Definir os labores autorizados no caso de loita contra a erosión en medios fráxiles.
– Determinar a largura mínima de bandas de cuberta vexetal e as densidades de plantacións en cultivos leñosos en pendente ou socalcos.
– Autorización de produtos de baixa toxicidade en tratamentos químicos localizados para desbravamento en terreos en pendente.
– Autorización de produtos químicos de síntese na loita contra a varroase e enfermidades asociadas.
– Autorización de zonas específicas con biodiversidade fráxil e vexetación autóctona.
b) Harmonizar as actuacións que levan consigo un mellor cumprimento dos compromisos.
3. Ás reunións do comité técnico poderán asistir como convidados/as, con voz pero sen voto, cantos/as expertos/as sexan convocados polo presidente.
CAPÍTULO II
Da indemnización compensatoria
Artigo 85. Ámbito de aplicación
Poderase conceder unha indemnización compensatoria anual aos/ás agricultores/as que reúnan os requisitos que se establecen no seguinte artigo polas superficies das explotacións que radiquen nos municipios incluídos na lista comunitaria de zonas agrícolas desfavorecidas, cualificadas como zonas de montaña ou distintas das de montaña, conforme os artigos 18 e 19, respectivamente, do Regulamento (CE) nº 1257/1999 do Consello, do 17 de maio, e que se indican no anexo 17 desta orde.
Artigo 86. Beneficiarios/as
Poderán ser beneficiarios/as das axudas indicadas na presente sección as persoas físicas que o soliciten de acordo cos modelos DP1, DA, DP2, RS, PA, IC e, de ser o caso, PAF, RG e ICC do anexo 1 desta orde que reúnan as seguintes condicións:
a) Ser agricultor/a a título principal, a título individual ou como socio/a dunha entidade asociativa. Cada socio/a poderá percibir a indemnización correspondente á súa cota de participación que, se é o caso, deberá acumularse á da súa explotación individual para os efectos de cálculo dunha indemnización compensatoria única. No caso de ser membro dunha entidade asociativa, esta deberá ter realizado, previamente á solicitude dos socios, a solicitude unificada de axudas PAC/DR-2014 en que se inclúa, segundo o modelo do impreso ICC do anexo 1 unha relación dos socios da entidade coa súa cota de participación.
b) Comprometerse formalmente a exercer a agricultura sustentable empregando métodos de prácticas agrícolas que permitan manter boas condicións agrarias e agroambientais, de acordo co establecido no anexo 20, adecuadas ás características agrarias da localidade e compatibles co ambiente e o mantemento do campo e da paisaxe.
Artigo 87. Requisitos das explotacións
As explotacións obxecto da axuda deberán cumprir as seguintes condicións:
1. Ter a súa superficie declarada, en parte ou totalmente, sobre as zonas desfavorecidas indicadas no anexo 17 desta orde.
2. De tratarse de explotacións gandeiras de vacún, ovino-cabrún ou equino, a carga gandeira máxima será de 2,00 UGM/ha de superficie forraxeira e a mínima de 0,40 UGM/ha en zonas desfavorecidas de montaña e 0,70 UGM/ha en zonas desfavorecidas distintas ás anteriores, en calquera día do ano. Para o resto de explotacións gandeiras e para as estritamente agrícolas non se determina nin se establece límite de carga gandeira.
3. Ter unha superficie agrícola superior a 2 ha en zonas desfavorecidas.
4. Cumprir os requisitos da condicionalidade definidos no Regulamento (CE) nº 73/2009 do Consello, do 19 de xaneiro, que aparecen recollidos nos anexos 19 e 20 desta orde.
Artigo 88. Carga gandeira
O cálculo de carga gandeira indicada no artigo 87.2 anterior realizarase tendo en conta:
1. Para a determinación das UGM, en cada día do período comprendido entre o 1 de outubro de 2013 e o 30 de setembro de 2014, os censos de machos e femias de bovino de seis ou máis meses de idade, máis o número de machos e femias de ovino e cabrún, agás os años e cabritos, e os équidos presentes na explotación , que se converterán en UGM de acordo coas equivalencias establecidas no artigo 10.2.n).
2. Para a determinación da superficie forraxeira teranse en conta as superficies indicadas no artigo 10.1. l) desta orde.
As explotacións para as cales se solicite indemnización compensatoria quedarán inscritas no Rexistro de Explotacións Agrarias, da Consellería do Medio Rural e do Mar, como perceptoras deste tipo de axuda.
Artigo 89. Importe da axuda
1. A modulación da axuda establécese no marco do previsto no artigo 93 do Regulamento (CE) nº 1698/2005, e en función do seu artigo 37 e do Programa de desenvolvemento rural de Galicia 2007-2013.
2. A contía mínima de indemnización compensatoria que pode recibir un/unha titular é de 300 euros e a máxima de 2.500 euros por explotación.
3. Establécense dous módulos base como límite das axudas:
a) En zonas desfavorecidas de montaña (artigo 36 a, inciso i) do Regulamento (CE) nº 1698/2005): 94 euros/ha de superficie indemnizable.
b) En zonas desfavorecidas distintas das de montaña (artigo 36.a inciso ii) do Regulamento (CE) nº 1698/2005): 57 euros/ha de superficie indemnizable.
4. Os módulos incrementaranse nun 20 por cento no caso de que o/a solicitante teña, como titular exclusivo ou como cotitular da explotación, en 30 de abril de 2014 aprobada unha axuda no marco do contrato de explotación sustentable.
5. De acordo co establecido no Regulamento (CE) nº 1698/2005, o pagamento non será superior a 250 euros/ha de SAU nas zonas desfavorecidas de montaña nin superior a 150 euros/ha de SAU nas zonas desfavorecidas distintas das de montaña. Ademais, o pagamento mínimo non será inferior a 25 euros/ha de SAU. A superficie indemnizable máxima será de 100 ha.
6. Ao módulo base aplicaránselle coeficientes correctores en función da superficie indemnizable da explotación, da base impoñible xeral declarada polo/a titular da explotación na declaración da renda exixible de acordo co punto b.7.b) do anexo 1, relacionada coa renda de referencia determinada para o ano 2014 e das condicións socioeconómicas do concello en que está situada a explotación, segundo se establece no anexo 18.
Artigo 90. Incompatibilidades
A indemnización compensatoria será incompatible coa percepción polo/a beneficiario/a dunha pensión de xubilación, de subsidio de desemprego ou calquera outra prestación pública análoga.
CAPÍTULO III
Dos controis, reducións e exclusións
Artigo 91. Plans de control de admisibilidade
O Fogga, no marco do Regulamento (CE) nº 1122/2009 da Comisión, do 30 de novembro, polo que se establecen normas de desenvolvemento do Regulamento (CE) nº 73/2009 do Consello no referido á condicionalidade, modulación e ao sistema integrado de xestión e control nos réximes de axuda directa aos/ás agricultores/as establecidos por ese regulamento e do Regulamento (UE) nº 65/2011 da Comisión, do 27 de xaneiro, polo que se establecen disposicións de aplicación do Regulamento (CE) nº 1698/2005 do Consello no que respecta á aplicación dos procedementos de control e a condicionalidade en relación coas medidas de desenvolvemento rural, elaborará os plans de control de admisibilidade das solicitudes, tanto administrativos como sobre o terreo, para as axudas ao desenvolvemento rural para a utilización sustentable das terras, en coordinación cos correspondentes aos pagamentos á agricultura e á gandaría establecidos no título II, e no marco do plan nacional de controis das medidas de desenvolvemento rural do período 2007/2013 establecido polo Fega.
Artigo 92. Controis administrativos
Recibidas as solicitudes, os servizos territoriais do Fogga revisarán a documentación e, no suposto de que non cumpra algún dos requisitos exixidos pola normativa reguladora, requirirase o/a solicitante para que nun prazo de dez días hábiles emende a falta ou achegue os documentos necesarios. Se non o fixer, considerarase que desiste da súa solicitude, logo de resolución en tal sentido.
Efectuaranse controis administrativos de todas as solicitudes de axuda e de pagamento, con respecto a todos os seus elementos.
Os controis administrativos incluirán controis cruzados cos datos do sistema integrado de xestión e control para as parcelas e animais obxecto das medidas de axuda para evitar pagamentos indebidos das axudas.
Os controis administrativos sobre admisibilidade terán en conta os resultados das comprobacións efectuadas por outros servizos, organismos ou organizacións.
As irregularidades detectadas nos controis cruzados darán lugar a un procedemento administrativo apropiado e, en caso necesario, a un control sobre o terreo.
Sen prexuízo do disposto anteriormente, poderase requirir ao/á solicitante que achegue cantos datos, documentos complementarios e aclaracións resulten necesarios para a tramitación e resolución do procedemento.
Artigo 93. Controis sobre o terreo
1. Realizarase un número de controis sobre o terreo relacionados coas solicitudes de pagamento presentadas durante 2014 que inclúa, ao menos, o 5 por cento de todos/as os/as beneficiarios/as que teñan subscrito un compromiso en virtude dunha ou varias das medidas no ámbito de aplicación deste título III.
Non obstante, con respecto á medida de Axudas agroambientais este requisito mínimo do 5 por cento lograrase a nivel de medida.
2. O artigo 30, números 3 e 4, do Regulamento (CE) nº 1122/09 aplicarase aos controis sobre o terreo deste artigo e a mostra de control do punto 1 seleccionarase de acordo cos criterios establecidos no artigo 31 deste.
3. Cando sexa posible, o Fogga realizará os controis sobre o terreo establecidos neste título ao mesmo tempo que os relativos ao título II.
4. No que respecta aos controis das medidas relacionadas coa superficie, os controis sobre o terreo realizaranse de acordo cos artigos 33 e 34 do Regulamento (CE) nº 1122/2009. No que respecta aos controis das medidas relacionadas con animais, os controis sobre o terreo realizaranse de acordo co artigo 42 do mesmo regulamento.
Artigo 94. Reducións e exclusións en medidas relacionadas coa superficie
1. A base de cálculo da axuda correspondente ás medidas relacionadas coa superficie establecerase de acordo co artigo 57, números 1 e 3, e artigo 75, número 1, do Regulamento (CE) nº 1122/2009. Para os efectos do presente artigo, considerarase que as superficies declaradas polo/a beneficiario/a ás cales se aplique a mesma axuda constitúen un grupo de cultivo.
2. Para a aplicación de reducións e exclusións relacionadas coa superficie, terase en conta o establecido no artigo 16 do Regulamento (UE) nº 65/2011 e na circular de coordinación do Fega relativa aos criterios para a aplicación das reducións e exclusións ás axudas ao desenvolvemento rural do período 2007/2013.
Artigo 95. Reducións e exclusións en medidas relacionadas cos animais
1. A base de cálculo da axuda correspondente ás medidas relacionadas cos animais establecerase de acordo co artigo 63, alíneas 2, 3, e 4 do Regulamento (CE) nº 1122/2009.
2. Para os efectos de reducións e exclusións relacionadas con animais, terase en conta o establecido no artigo 17 do Regulamento (UE) nº 65/2011 e na circular de coordinación do Fega relativa a criterios para a aplicación das reducións e exclusións dass axudas ao desenvolvemento rural 2007/2013.
Artigo 96. Reducións e exclusións en caso de incumprimento dos criterios de admisibilidade
Cando non se cumpran todos os compromisos ligados á concesión de axuda, agás os relativos ao tamaño da superficie e o número de animais declarados, reducirase ou denegarase a axuda solicitada.
Para os efectos das reducións ou exclusións indicadas no artigo 18 do Regulamento (UE) nº 65/2011, diferéncianse os seguintes tipos:
– Requisitos de acceso á axuda e de incorporación ao réxime que son intrínsecos á admisibilidade da axuda.
– Compromisos excluíntes (CE), nos cales o incumprimento implica a non concesión da axuda para o ano en que se solicita e no caso de reiteración, a exclusión da actuación en cuestión e, se é o caso, procederase ao reembolso das cantidades percibidas.
– Compromisos valorables (CV) en función da gravidade, alcance e persistencia do incumprimento observado:
• A gravidade dun incumprimento dependerá da importancia das súas consecuencias, tendo en conta os obxectivos perseguidos polos criterios que non se cumprisen.
• O alcance dun incumprimento dependerá da súa repercusión no conxunto da operación.
• A persistencia dun incumprimento dependerá do tempo que duren as repercusións ou da posibilidade de poñer fin a estas con medios aceptables.
Os compromisos valorables (CV) clasificaranse como:
– Compromiso básico (CB): aquel compromiso cuxo incumprimento produce graves consecuencias para os obxectivos perseguidos pola medida en cuestión, repercuten en toda a operación e estas repercusións duran máis dun ano ou é difícil pórlles fin con medios aceptables.
– Compromiso principal (CP): aquel compromiso cuxo incumprimento produce consecuencias importantes para os obxectivos perseguidos pola medida en cuestión, repercuten en toda a operación e estas repercusións duran menos dun ano ou é posible pórlles fin con medios aceptables.
– Compromiso secundario (CS): aquel que non se axusta ás definicións anteriores.
O plan de controis das medidas ao desenvolvemento rural que establecerá o Fogga para o ano 2014 recollerá a tipificación dos compromisos para as medidas e submedidas incluídas no contrato de explotación sustentable.
Artigo 97. Casos de forza maior
No suposto de que un/unha beneficiario/a non poida seguir asumindo os compromisos subscritos por causas de forza maior, de acordo cos supostos que establece o artigo 47 do Regulamento (CE) nº 1974/2006, adoptaranse as medidas necesarias para adaptarse aos compromisos. O compromiso darase por finalizado sen que se estableza ningún reembolso polo período de compromiso efectivo. Os supostos de forza maior son os seguintes:
a) Falecemento do/a produtor/a.
b) Longa incapacidade profesional do/a produtor/a.
c) Expropiación dunha parte importante da explotación se a expropiación non for previsible o día que asinou o compromiso.
d) Unha catástrofe natural grave que afecte considerablemente a superficie agraria da explotación.
e) Destrución accidental dos edificios para o gando da explotación.
f) Epizootia que afecte todo o gando do/a produtor/a ou a unha parte deste.
TÍTULO IV
Da resolución e pagamento
Artigo 98. Resolución de solicitudes de pagamentos directos á agricultura e gandaría
1. Para as solicitudes de pagamentos directos á agricultura e gandaría establecidos no título II, unha vez realizados os controis administrativos e sobre e terreo e as reducións e exclusións establecidos nos artigos 75 a 77 e comunicados polo Ministerio de Agricultura, Alimentación e Medio Ambiente os coeficientes previstos, se é caso, o Fogga establecerá, para cada unha das solicitudes presentadas no seu ámbito, as superficies, o número de animais con dereito a recibir as axudas e os importes que lles corresponden. Ao mesmo tempo, o dito organismo establecerá a relación das solicitudes de axuda que, polas causas previstas nos regulamentos de aplicación, especialmente os que se refiran ao sistema integrado de xestión e control, perdan o dereito á obtención das axudas e primas.
Os servizos territoriais do Fogga, calculados os importes de axuda que correspondan, elevarán a oportuna proposta de aprobación, a través do subdirector xeral de Xestión da PAC, á directora do organismo sobre as solicitudes presentadas.
A directora do Fogga será competente para resolver as solicitudes de axudas recollidas no título II.
2. Todas as resolucións serán notificadas de acordo co establecido na Lei 30/1992. De conformidade co establecido no artigo 59.6.b) da indicada lei, a notificación poderá realizarse mediante a publicación no Diario Oficial de Galicia, no taboleiro de anuncios e na páxina web da Consellería do Medio Rural e do Mar. Nesta notificación especificarase a convocatoria, o/a beneficiario/a, a cantidade concedida e a finalidade da subvención outorgada, así como, se for o caso, as causas da desestimación, e expresará, ademais, os recursos que procedan contra a resolución, o órgano administrativo e xudicial perante o cal deben presentarse e o prazo para interpoñelos.
3. As axudas reguladas no título II desta orde financiaranse con cargo ao Fondo Europeo Agrícola de Garantía (Feaga).
Artigo 99. Resolución de solicitudes de indemnización compensatoria
1. A concesión das axudas de indemnización compensatoria, contempladas no capítulo II do título III, axustarase aos principios de publicidade, transparencia, concorrencia e obxectividade, segundo o artigo 5.2º.a) da Lei 9/2007, do 13 de xullo, de subvencións de Galicia. O procedemento de concesión das axudas tramitarase en réxime de concorrencia competitiva.
2. O Fogga, unha vez realizados os controis administrativos e sobre o terreo, establecerá as superficies con dereito a percibir axuda en cada solicitude e o importe que lle corresponde.
3. Unha vez determinado o importe da axuda correspondente a todas as solicitudes recibidas e que cumpran todos os requisitos, se este supera o orzamento dispoñible previsto na alínea b) da disposición adicional primeira, incluídos os incrementos previstos, aplicaranse os seguintes criterios de prioridade:
a) Solicitantes que reúnan os requisitos de agricultor/a mozo/a. Intervalo de asignación: de 0,00 a 35,25 puntos. Asignarase ao expediente 0,75 puntos por cada ano de diferenza entre 65 e a idade que lle corresponda cumprir ao/á solicitante no ano de campaña.
b) Solicitantes mulleres. Asignación de 5 puntos se o solicitante é muller.
c) Para os beneficiarios/as que iniciaron os compromisos no marco da Orde da Consellería do Medio Rural e do Mar do 22 de febreiro de 2010:
• Solicitantes que, como titulares exclusivos/as ou como cotitulares teñan subscrito un contrato de explotación sustentable ante a Administración: 5 puntos.
• Solicitantes que, como titulares exclusivos/as ou como cotitulares da explotación, teñan aprobada a 30 de abril de 2014 algunha das liñas de axuda a produtores agrarios que establezan métodos de produción respectuosos co ambiente e de conservación da paisaxe establecidas no artigo 80.a) segundo o seguinte baremo:
Submedida agroambiental |
Puntos |
1. Variedades autóctonas en risco de erosión xenética: |
5 |
2. Control integrado e produción integrada: |
5 |
3. Agricultura e gandaría ecolóxica: |
10 |
4. Loita contra a erosión en medios fráxiles: |
5 |
5. Mantemento de razas autóctonas en perigo de extinción: |
10 |
6. Utilización de recursos forraxeiros da explotación: |
5 |
7. Apicultura para a mellora da diversidade en medios fráxiles: |
5 |
8. Mellora e conservación do medio físico en zona de prado e pasteiro da Rede Natural 2000: |
10 |
d) Solicitantes cuxas explotacións estean total ou parcialmente localizadas en concellos onde haxa algunha zona pertencente á Rede Natura 2000, segundo o seguinte baremo:
• Se a superficie en concellos da Rede Natura é igual ou maior do 50 por cento da superficie total da explotación: 6 puntos.
• Se a superficie en concellos da Rede Natura é menor do 50 por cento da superficie total da explotación: 3 puntos.
e) Solicitantes que sexan titulares exclusivos/as ou cotitulares dunha explotación prioritaria: 8 puntos se a explotación do/a solicitante ten a cualificación de prioritaria.
De acordo coa puntuación obtida ordenaranse as solicitudes de maior a menor puntuación ata completar, cos importes das solicitudes de máis puntos, o orzamento dispoñible.
No caso de igualdade de puntos terá preferencia o/a solicitante de menor idade.
4. Establecida a priorización das solicitudes, os servizos territoriais do Fogga elevarán a correspondente proposta, a través do subdirector xeral de Xestión da PAC, á directora do organismo, que é a autoridade competente para resolver.
5. O prazo máximo para ditar a correspondente resolución será de nove meses contados a partir do día seguinte ao da publicación desta orde no DOG. Transcorrido o prazo sen que se ditase e notificase a correspondente resolución, o/a interesado/a poderá entender desestimada a súa solicitude por silencio administrativo.
6. Na notificación de concesión destas axudas informarase os/as beneficiarios/as dos seguintes aspectos:
– Que a medida se enmarca dentro do Programa de desenvolvemento rural de Galicia.
– Que a axuda corresponde á medida Utilización sustentable de terras agrícolas incluida no eixe 2 de Mellora do ambiente e o medio rural.
– A participación do fondo Feader no financiamento da axuda.
Todas as resolucións serán notificadas de acordo co establecido na Lei 30/1992. De conformidade co establecido no artigo 59.6.b) da indicada lei, a notificación poderá realizarse mediante a publicación no Diario Oficial de Galicia, no taboleiro de anuncios e na páxina web da Consellería do Medio Rural e do Mar. Nesta notificación especificarase a convocatoria, o/a beneficiario/a, a cantidade concedida e a finalidade da subvención outorgada, así como, se for o caso, as causas da desestimación, e expresará ademais os recursos que procedan contra a resolución, o órgano administrativo e xudicial perante o que deben presentarse e o prazo para interpoñelos.
Artigo 100. Modificación da resolución
1. A renuncia a un CES será obxecto de comunicación expresa por parte do/a interesado/a no prazo de 30 días hábiles contados desde a comunicación da resolución da concesión da axuda. Se esta se producir antes de finalizar o período obrigatorio de cumprimento do compromiso, a persoa beneficiaria verase obrigada a devolver todas as axudas percibidas, incrementadas cos xuros correspondentes ao tempo transcorrido, agás que obedeza a causas de forza maior ou circunstancias excepcionais.
2. Se durante a vixencia do CES a normativa comunitaria de aplicación relativa aos compromisos asumidos polo solicitante der lugar a maiores exixencias, estas deberanse reflectir revisando os compromisos asumidos que serán exixibles para a percepción das axudas das anualidades posteriores á entrada en vigor da modificación da normativa.
Artigo 101. Recursos administrativos
Contra as resolucións da directora do Fogga caberá a interposición do recurso de alzada ante o presidente do citado organismo no prazo dun mes contado desde a notificación da resolución obxecto de recurso.
Artigo 102. Pagamento das axudas directas á agricultura e gandaría
1. Ao remate de todos os controis establecidos nos artigos 28 a 46 do Regulamento (CE) nº 1122/2009 da Comisión, do 23 de novembro, o Fogga realizará os trámites pertinentes para efectuar, con carácter xeral, entre o 1 de decembro de 2014 e o 30 de xuño de 2015, o pagamento das axudas recollidas no punto 1.2 do artigo 1.
2. Non obstante o disposto no punto 1 anterior, o anticipo do 60 por cento previsto para o réxime de prima por vaca nutriz aboarase nos prazos e condicións establecidos no Regulamento (CE) nº 1121/2009, do 29 de outubro.
Artigo 103. Pagamento das axudas ao desenvolvemento rural
O Fogga realizará os trámites pertinentes para efectuar, cando finalicen todos os controis establecidos, o pagamento das axudas ao desenvolvemento rural para a utilización sustentable das terras agrícolas.
De acordo co artigo 75.1.c) i) do Regulamento (CE) nº 1698/2005, os beneficiarios destas axudas deben levar un sistema de contabilidade separado ou ben un código contable axeitado para todas as transaccións relativas á operación.
Artigo 104. Recuperación dos pagamentos indebidos
1. No caso de pagamento indebido, o/a produtor/a quedará obrigado a reembolsar ese importe máis os xuros calculados de acordo co número 2, logo do procedemento establecido no capítulo II do título II da Lei 9/2007, do 13 de xuño, de subvencións de Galicia.
2. Os xuros calcularanse en función do tempo transcorrido entre a finalización do prazo de pagamento para o agricultor indicado na orde de recuperación, que non poderá fixarse en máis de 60 días, e a data de reembolso ou dedución.
O tipo de xuro aplicable será o previsto no artigo 34.2 da Lei 9/2007, do 13 de xuño, de subvencións de Galicia.
3. A obriga de reembolso establecida no punto 1 non se aplicará se o pagamento é froito dun erro da administración xestora ou doutra autoridade e non podía ser razoablemente detectado polo/a produtor/a.
Porén, cando o erro estea relacionado con elementos factuais pertinentes para o cálculo do pagamento correspondente, o parágrafo primeiro deste punto 3 só se aplicará se a decisión de recuperación non se comunicar nun prazo de 12 meses a partir do pagamento.
4. O previsto no número 3 anterior non se aplicará aos anticipos.
5. O Fogga poderá renunciar á recuperación dos importes iguais ou inferiores a 100 euros, xuros non incluídos, por produtor/a e por período de axuda. En todo caso, na recuperación de débedas teranse en conta as regras previstas no capítulo 1 bis do Regulamento (CE) nº 885/2006 da Comisión, do 21 de xuño.
Artigo 105. Cesión da explotación
1. Cando, despois de terse presentado unha solicitude de axuda e antes de que se cumprisen todas as condicións para a súa concesión, unha explotación sexa transferida dun/unha produtor/a a outro/a na totalidade por venda, arrendamento ou calquera outro tipo de transacción similar, non se concederá axuda ningunha ao/á cedente en relación coa explotación cedida.
2. As axudas directas solicitadas polo/a cedente concederanse ao/á cesionario/a sempre que:
a) O/a cesionario/a informe o Fogga nun prazo non superior a 30 días a partir da data de cesión e antes do 31 de outubro de 2014 e solicite o pagamento da axuda.
b) O/a cesionario/a presente, no mesmo prazo, o documento de cambio de titularidade da explotación.
c) Se cumpran todas as condicións para a concesión da axuda respecto da explotación cedida.
3. Unha vez que o/a cesionario/a informase o Fogga e solicitase o pagamento das axudas:
a) Todos os dereitos e obrigas do/a cedente relativas á solicitude de axuda recaerán sobre o/a cesionario/a.
b) Todas as actuacións da autoridade competente para a concesión das axudas e todas as declaracións realizadas polo/a cedente antes da transferencia asignaranse ao/á cesionario/a.
4. Sen prexuízo do cumprimento da obriga de informar na forma e prazo indicadas no punto 2 deste mesmo artigo, para as indemnizacións compensatorias a concesión da axuda ao/á cesionario/a estará supeditada á comprobación do cumprimento por este/a dos requisitos subxectivos unha vez que teña achegado a documentación pertinente.
5. En ningún caso serán de aplicación as disposicións sinaladas neste artigo cando a transferencia só afecte unha parte da explotación.
Artigo 106. Obriga de facilitar información
Ademais da documentación complementaria que, durante a tramitación do procedemento, lle poidan exixir os órganos competentes para a xestión de cada axuda ou prima, os/as solicitantes das axudas previstas nesta orde teñen a obriga de facilitar toda a información que lles sexa requirida polo Servizo de Auditoría Interna dos fondos agrarios europeos do organismo pagador, pola Intervención xeral da Comunidade Autónoma, polo Tribunal de Contas e polo Consello de Contas, no exercicio das funcións de fiscalización e control do destino das axudas públicas, así como a que lles sexa solicitada por calquera órgano comunitario de inspección ou control.
Disposición adicional primeira
1. A concesión destas axudas realizarase con cargo aos orzamentos de gastos do Fogga conforme os orzamentos xerais desta comunidade autónoma para 2014, nas seguintes aplicacións orzamentarias:
a) Para as axudas especificadas no título II desta orde:
– Aplicación 12.80.713F.779.0, superficies e intervención de mercado polo importe de cen mil (100.000) euros.
– Aplicación 12.80.713F.779.1, primas gandeiras, por importe de trinta e nove millóns oitocentos vinte e tres mil catrocentos cincuenta e dous (39.823.452) euros.
b) Para as axudas especificadas no título III desta orde:
– Aplicación 12.80.712B.772.1, indemnización compensatoria, polo importe de once millóns cen mil (11.100.000) euros.
– En relación cos compromisos para o exercicio 2014, nas axudas relativas ao contrato de explotación sustentable, agroambientais e benestar dos animais, cuxo pagamento se establece no artigo 1.2 desta orde, os pagamentos realizaranse con cargo á aplicación orzamentaria 12.80.712B.772.1, dotada inicialmente con quince millóns catrocentos corenta e seis mil cincocentos setenta e dous (15.446.572) euros.
2. A concesión e pagamento das axudas previstas nesta orde que se teñan que efectuar no exercicio seguinte realizaranse con cargo ao proxecto de orzamentos de gastos do Fogga dese exercicio, nas aplicacións orzamentarias sinaladas no punto 1 anterior.
3. As dotacións orzamentarias indicadas nas alíneas a) e b) do número 1 poderán incrementarse, se for procedente, con outros fondos do Feaga e do Feader, dos orzamentos xerais do Estado e da comunidade autónoma. Nese suposto tramitarase o oportuno expediente de xeración, ampliación ou transferencia de crédito.
En todo caso, a concesión das axudas estará limitada ás dispoñibilidades orzamentarias.
Disposición adicional segunda
As oficinas agrarias comarcais responsabilizaranse da tramitación das axudas referidas ás explotacións agrarias sitas no seu ámbito de actuación.
Disposición adicional terceira
En todo o non previsto nesta orde deberá respectarse a normativa comunitaria de aplicación e a normativa estatal de transposición.
Disposición adicional cuarta. Sen prexuízo do previsto no capítulo V do título II e no capítulo III do título III será de aplicación aos/ás beneficiarios/as das axudas reguladas nesta orde, o réxime de reintegro, así como o réxime de infraccións e sancións previsto na Lei 9/2007, do 13 de xuño, de subvencións de Galicia.
Disposición adicional quinta
Nos termos establecidos no artigo 15 da Lei 9/2007, do 13 de xuño, de subvencións de Galicia, o Fogga publicará no DOG as axudas concedidas agás no suposto previsto no artigo 15.2.c) en que poderán utilizarse outros procedementos para darlles publicidade. En calquera caso, todas as axudas concedidas publicaranse na páxina web da Consellería do Medio Rural e do Mar, nos termos previstos no artigo 13.4º da Lei 4/2006, do 30 de xuño, de transparencia e boas prácticas na Administración pública galega.
Disposición adicional sexta
De acordo co establecido na disposición adicional primeira do Decreto 132/2006, do 27 de xullo, de creación dos rexistros de axudas, subvencións e convenios e de sancións
ANEXO 1
Documentación que debe acompañar a solicitude unificada de
axudas PAC/DR–2014
a) Documentos constitutivos da solicitude:
Modelos indicados no cadro seguinte segundo o tipo de axuda solicitado.
En caso de presentarse co rexistro telemático, levará unha indicación de que a solicitude foi autenticada polo rexistro telemático baixo o identificador que figura na páxina do modelo DP1, certificando, para todos os efectos, a data de presentación que reflicte a antesinatura a salvo de invalidacións por documento posterior debidamente notificado. Baixo o devandito identificador custódiase un ficheiro informático non modificable que, en calquera momento, permite imprimir unha copia íntegra dos modelos indicados cos datos declarados polo solicitante na data de rexistro.
DP1: |
Solicitude unificada de axudas PAC/DR–2014. Declaración de participación. |
DA: |
Declaracións e autorizacións na solicitude unificada de axudas PAC/D–2014. |
PA: |
Relación de todas as parcelas agrícolas da explotación. |
PAF: |
Cálculo da superficie sementada neta nos pastos. |
RS: |
Resumo da solicitude única de superficies. |
RG: |
Resumo da explotación gandeira. |
UTA: |
Relación de unidades de traballo agrario ou de profesionais da agricultura da explotación. |
PU: |
Solicitude da incorporación e da axuda do réxime do pagamento único. |
DPU: |
Relación de dereitos do réxime de pagamento único. |
RN: |
Solicitude á Reserva nacional de dereitos de pagamento único. Campaña 2014. |
VN: |
Solicitude de primas en beneficio dos produtores que manteñan vacas nutrices. |
VC: |
Solicitude de axudas específicas aos agricultores do sector de vacún de carne (artigo 68 do Regulamento (CE) nº 73/2009). |
OC: |
Solicitude de axudas específicas aos agricultores dos sectores de ovino-cabrún (artigo 68 do Regulamento (CE) nº 73/2009). |
VL: |
Solicitude de axudas específicas aos agricultores no sector lácteo (artigo 68 do Regulamento (CE) nº 73/2009). |
DP2: |
Solicitude unificada de axudas PAC/DR–2014. Desenvolvemento rural. |
IC: |
Solicitude de indemnización compensatoria de zonas desfavorecidas. |
ICC: |
Declaración de participación de socios en entidade asociativa para a solicitude de indemnización compensatoria |
RSA: |
Resumo de superficies agroambientais. |
PAG: |
Relación de parcelas agroambientais. |
RGA: |
Resumo de gando agroambiental-benestar animal. |
TC: |
Transferencia de compromisos do contrato de explotación sustentable (CES) |
b) Documentación complementaria:
b.1. En todas as axudas:
1. No caso de rexistro telemático, os exemplares para a Administración dos impresos DP1 e DA «Declaracións e autorizacións», asinados.
2. Impreso resumo de documentación DC «Documentación da solicitude unificada 2013».
3. Fotocopia do NIF cando o solicitante non sexa persoa física.
4. Documentación de autorización de sinatura se o solicitante é persoa xurídica ou, sendo persoa física, non é quen presenta e asina a solicitude.
5. No caso de explotacións que teñan unidades de produción noutra comunidade autónoma, a copia da portada e folla do censo de animais do libro de explotación.
6. No caso de cesións ou transferencia de axudas dun cedente a un cesionario, a copia do impreso de cambio de titularidade da explotación e a solicitude do cesionario para o cambio de perceptor da axuda.
b.2. Nas solicitudes con declaración de parcelas:
1. Certificado da autoridade competente, segundo o modelo do anexo 11, no caso de superficies de uso en común onde existan superficies forraxeiras utilizadas conxuntamente por varios produtores. No caso de superficies que xa dispoñan de código, a relación de recintos Sixpac e os tipos de pasto que compoñen este deberá ser remitida polo representante da entidade ao servizo territorial do Fogga.
2. Bosquexos acoutados que permitan situar as parcelas agrícolas, no caso de recintos Sixpac declarados parcialmente.
3. Documentación que xustifique a inscrición no sistema de calidade recoñecido oficialmente, no caso de solicitar a axuda específica á calidade dos legumes e non figurar nas bases de datos do Fogga como inscrito en ningún sistema de calidade.
b.3. Axudas específicas destinadas aos agricultores de ovino e cabrún. Artigo 68 do Regulamento (CE) nº 73/2009.
1. Fotocopias do libro de explotación, se existen unidades de produción noutra comunidade autónoma:
– Folla na que figuren os datos identificativos da explotación e do propietario.
– Folla na que figure o balance de reprodutoras da explotación en 1 de xaneiro de 2014.
2. Documentación que xustifique a inscrición no sistema de calidade recoñecido oficialmente, no caso de solicitar a axuda para a mellora da calidade das producións de ovino e cabrún e non figurar nas bases de datos do Fogga como inscrito nalgún sistema de calidade.
3. No caso da axuda para compensar as desvantaxes específicas que afectan os agricultores do sector ovino, o xefe do servizo territorial do Fogga, unha vez finalizado o prazo de presentación de solicitudes e antes do 30 de xuño de 2014, requirirá ás sociedades ou agrupacións relacionadas polo agricultor na súa solicitude:
a) Estatutos da asociación.
b) Relación de socios pertencentes, na data de finalización do prazo da solicitude unificada, á sociedade ou agrupación co censo de animais elexibles de ovino en 1 de xaneiro de 2014.
c) Compromiso por parte da agrupación de manter a súa actividade e o 90 % do censo indicativo asociado durante os tres anos seguintes á data de solicitude da axuda, é dicir, durante o ano de solicitude e os dous seguintes.
d) Compromiso individual dos produtores integrantes de permanecer polo menos 3 anos na agrupación e de comunicar a súa baixa cunha antelación mínima de 6 meses á súa data efectiva.
e) Xustificación de que antes do último día de presentación da solicitude se levaron a cabo actuacións, recollidas nos seus estatutos, para a consecución dos seus obxectivos.
f) Relación de socios que participaron durante o ano de solicitude nalgunha das actuacións relacionadas anteriormente levadas a cabo pola dita entidade.
b.4. Nas solicitudes de axudas específicas á produción de carne de vacún de calidade, e de non figurar nas bases de datos do Fogga como inscrito nalgún sistema de calidade, a documentación de inscrición en:
1. Denominación de orixe protexida ou indicación xeográfica protexida, ou
2. Gandería ecolóxica ou integrada,
3. Etiquetaxe facultativa recoñecida oficialmente.
b.5. Para acreditar a condición de profesional da agricultura na axuda para compensar as desvantaxes específicas que afectan os agricultores que manteñen vacas nutrices e logo da solicitude do xefe do servizo territorial do Fogga:
1. Documentación xustificativa da condición de profesional da agricultura das persoas declaradas como tales: informe de vida laboral para xustificar a alta no Sistema Especial para Traballadores por Conta Propia Agrarios do Réxime Especial dos Traballadores por Conta Propia ou Autónomos ou no dito Réxime pola actividade agraria, desde o 30 de abril de 2014. Non será exixible esta documentación xustificativa se cada un dos profesionais da agricultura declarados como tales autorizan o Fogga para solicitar directamente á Tesouraría Xeral da Seguridade Social a certificación ou información suficiente que xustifique tal circunstancia.
Os profesionais da agricultura que non cumpran o anterior poden xustificar a súa condición de profesional achegando a seguinte documentación:
– A declaración do IRPF 2012 de cada un dos que se declaran como tales así como o certificado de rendementos do traballo, de ser o caso, e
– O/s informe/s de vida laboral que acrediten as UTA o 30/04/2014; se as UTA corresponden a traballadores asalariados presentaranse as fotocopias dos NIF/NIE e os contratos de cada un deles, e o informe de vida laboral da empresa.
2. No caso de que non se trate dunha explotación asociativa, a documentación que xustifique a relación de cónxuxe ou familiar de primeiro grao co titular da explotación (libro de familia).
3. No caso de cooperativas agrarias de produción, SAT, sociedades civís, comunidades de bens e outras persoas xurídicas, a documentación que relacione e xustifique o número de membros e fotocopia do NIF/NIE (anverso e reverso) de todos eles.
b.6. Nas solicitudes á reserva nacional do RPU
1. No caso de sentenzas xudiciais ou actos administrativos firmes:
– Copia da sentenza ou acto administrativo.
2. No caso de agricultores mozos que realizaran a primeira instalación no ámbito dun programa de desenvolvemento rural no marco do Regulamento (CE) 1698/2005:
a) Copia do alta ou cambio de titularidade da explotación.
b) Relación de NIF/NIE dos familiares de primeiro grao incorporados á actividade agraria.
3. No caso de agricultores con explotación en zonas suxeitas a programas de reestruturación:
– Xustificación da circunstancia relativa á inclusión da explotación dentro dun programa obxecto de reestruturación ou desenvolvemento (asignación de cota láctea, dereitos de ovino/cabrún ou dereitos de prima por vacas nutrices).
b.7. Axudas ao desenvolvemento rural
b.7.a) En todos os casos.
1. No caso de rexistro telemático, impreso DP2, exemplar para a Administración.
2. Impreso DC, resumo de documentación.
b.7.b) Nas solicitudes de indemnización compensatoria:
1. Copia da declaración do IRPF do ano 2012, ou compromiso de presentar a do ano 2013, se é novo solicitante.
2. Certificación que acredite a procedencia dos rendementos do traballo do declarante, cónxuxe ou de ambos os dous, no caso de que na declaración do IRPF presentada figuren estes.
b.7.c) Contrato de explotación sustentable:
Para acreditar a condición de profesional da agricultura e logo da petición do xefe do servizo territorial do Fogga:
1. Cando o solicitante é unha persoa física:
i. Se o solicitante figura de alta no Sistema Especial para Traballadores por Conta Propia Agrarios do Réxime Especial dos Traballadores por Conta Propia ou Autónomos:
– Informe de vida laboral do solicitante. Non será exixible esta documentación xustificativa se o solicitante autoriza o Fogga para solicitar directamente á Tesouraría Xeral da Seguridade Social a certificación ou información suficiente que xustifique tal circunstancia.
ii. Se o solicitante non figura de alta no Sistema Especial para Traballadores por Conta Propia Agrarios do Réxime Especial dos Traballadores por Conta Propia ou Autónomos, para acreditar que a explotación require un volume de emprego de, cando menos, media Unidade de Traballo Agrario e que obteña, cando menos, o 25 por cento da súa renda de actividades agrarias ou complementarias:
1. Copia da declaración do IRPF do ano 2012 do solicitante, ou compromiso de presentar a do ano 2013, se é novo solicitante.
2. Certificación que acredite a procedencia dos rendementos do traballo do declarante, cónxuxe ou de ambos os dous, no caso de que na declaración do IRPF presentada figuren estes.
3. Vida laboral dos familiares (só válidos familiares ata o segundo grao) que traballan na explotación do solicitante.
4. Vida laboral e copia do DNI dun familiar que, sen estar obrigado a afiliarse ao correspondente réxime da Seguridade Social, traballa na explotación (só válidos familiares ata o segundo grao) e está ao seu cargo como beneficiario na Seguridade Social e na declaración do IRPF.
5. Declaración xurada da persoa titular da explotación relacionando os familiares que traballan na explotación e non cotizan á Seguridade Social.
6. No caso de que existan traballadores asalariados: copia do NIF/NIE, contrato de traballo e informe de vida laboral da empresa.
2. Cando o solicitante sexa unha entidade asociativa agraria e para acreditar que require un volume de traballo de, cando menos, unha unidade de traballo anual:
i. No caso de que existan socios traballadores:
1. Documentación que relacione e xustifique o número de membros e fotocopia do NIF/NIE.
2. Vida laboral dos socios traballadores da empresa.
3. Declaración do IRPF dos socios traballadores.
4. Certificados dos rendementos do traballo.
ii. No caso de existir traballadores non socios:
1. Fotocopia do NIF/NIE de cada traballador.
2. Contrato de traballo de cada un deles.
3. Vida laboral da empresa.
3. Cando o solicitante sexa unha comunidade de bens, utilizaranse os mesmos criterios que no caso de que o solicitante sexa unha persoa física e deberase acreditar que a explotación require un volume de emprego de, cando menos, media unidade de traballo agrario (UTA) e as persoas físicas que conforman a comunidade de bens obteñan, cando menos, o 25 por cento da su renda de actividades agrarias ou complementarias. Ou ben, polo menos unha delas figura de alta no Sistema Especial para Traballadores por Conta Propia Agrarios do Réxime Especial dos Traballadores por Conta Propia ou Autónomos.
4. No caso de entidades asociativas agrarias distintas de SAT e cooperativas agrarias:
– Estatutos da entidade asociativa que xustifiquen a actividade agraria.
ANEXO 5
Usos definidos no Sixpac
Código |
Descrición |
AG |
Correntes e superficies de auga |
CA |
Vías |
CI |
Cítricos |
ED |
Edificacións |
FL |
Asociación froitos secos-oliveiral |
FO |
Forestal |
FS |
Froitos secos |
FV |
Asociación froitos secos-viña |
FY |
Froiteiras |
IM |
Improdutivos |
IS |
Illas |
IV |
Invernadoiros e cultivos baixo plástico |
OF |
Asociación oliveiral-froiteira |
OV |
Oliveiral |
PA |
Pasto con arboredo |
PR |
Pasto arbustivo |
PS |
Pasteiro |
TA |
Terra arable |
TH |
Horta |
VF |
Asociación viña-froiteira |
VI |
Viña |
VO |
Asociación viña-oliveiral |
ZC |
Zona concentrada non incluida na ortofoto (*) |
ZU |
Zona urbana (**) |
ZV |
Zona censurada |
(*) Este uso poderase utilizar cando nunha zona dun concello exista unha concentración parcelaria e non se poida contar con unha ortofoto actualizada que reflicta a dita concentración. Nestas zonas poden existir diferentes usos da terra, é dicir, existe a posibilidade de ser ou non consideradas como terra arable, ou ter ou non aproveitamento mediante pastoreo.
(**) Se unha zona urbana inclúe parcelas con declaración de cultivo das cales se presente bosquexo suficientemente claro, grabaranse as citadas parcelas co seu correspondente uso Sixpac.
ANEXO 6
Plantas forestais de ciclo curto admisibles para o RPU, densidade mínima de plantación e ciclo máximo de colleita
Árbores forestais de ciclo curto |
Densidade mínima de plantación (plantas/hectárea) |
Ciclo máximo de colleita |
Eucalyptus (Eucalipto) |
5.000 |
18 anos |
Paulownia |
1.500 |
5 anos |
Populus sp (Chopo) |
1.100 |
15 anos |
Salix sp (Salgueiros e vimbios) |
5.000 |
4 anos |
Robinia pseudoacacia L |
5.000 |
14 anos |
ANEXO 7
Leguminosas e denominacións de calidade do Programa nacional para a
calidade dos legumes recollido na sección 1ª do capítulo IV do título II
Parte I. Leguminosas elixibles:
A. Garavanzo: Cicer arietinum
B. Lentella: Lens sculenta
Lens culinaris
C. Feixón: Phaseolus vulgaris
Phaseolus lunatus
Phaseolus coccineus
Parte II. Denominacións de calidade:
– Agricultura ecolóxica
– Denominacións de orixe protexidas e indicacións xeográficas protexidas
IXP Alubia de La Bañeza-León
IXP Faba Asturiana
IXP Faba de Lourenzá
IXP Garbanzo de Fuentesaúco
IXP Judías de El Barco de Ávila
IXP Lenteja de La Armuña
IXP Lenteja Pardina de Tierra de Campos
IXP Garbanzo de Escacena
DOP Fesol del Ganxet Vallès-Maresme
– Outras denominacións de calidade
Alubia de Guernika
Alubia de Tolosa
Alubia Pinta Alavesa
Garbanzo de Pedrosillo
ANEXO 8
Codificación de produtos e grupos de cultivo
Código |
Descrición |
Grupos de cultivo |
Admisibilidade RPU |
01 |
Trigo (***) |
R10 cereais gran/ R40 dec. sup. forraxeiras |
Si |
04 |
Millo (**) |
R10 cereais gran/R40 dec. sup. forraxeiras |
Si |
04 |
Millo regadío (**) |
R32 millo regadío/R40 dec. sup. forraxeiras |
Si |
05 |
Orxo |
R10 cereais gran/ R40 dec. sup. forraxeiras |
Si |
06 |
Centeo |
R10 cereais gran/R40 dec. sup. forraxeiras |
Si |
08 |
Avea |
R10 cereais gran/R40 dec. sup. forraxeiras |
Si |
13 |
Triticale |
R10 cereais gran/ R40 dec. sup. forraxeiras |
Si |
19 |
Outros cereais |
R10 cereais gran/R40 dec. sup. forraxeiras |
Si |
20 |
Barbeito tradicional (*) |
R61 barbeito-abandono forestación |
Si |
26 |
Abandono para forestación |
R61 barbeito-abandono forestación |
Non |
33 |
Xirasol |
R34 oleaxinosas gran/ R40 dec. sup. forraxeiras |
Si |
34 |
Soia |
R34 oleaxinosas gran/ R40 dec. sup. forraxeiras |
Si |
35 |
Colza |
R34 oleaxinosas gran/ R40 dec. sup. forraxeiras |
Si |
40 |
Chícharos |
R35 proteaxinosas gran/ R40 dec. sup. Forraxeiras/R65 sen ax. Ligada |
Si |
41 |
Fabas |
R35 proteaxinosas gran/ R40 dec. sup. Forraxeiras/R65 sen ax. Ligada |
Si |
42 |
Faballóns (variedade minor) |
R35 proteaxinosas gran/ R40 dec. sup. forraxeiras/R65 sen ax. Ligada |
Si |
43 |
Tremoceiros doces |
R35 proteaxinosas gran/ R40 dec. sup. forraxeiras/R65 sen ax. Ligada |
Si |
50 |
Garavanzos (*) |
R36 ax. calidade legumes/ R40 dec. sup. forraxeiras/R65 sen ax. Ligada |
Si |
51 |
Lentellas (*) |
R36 ax. calidade legumes/ R40 dec. sup. forraxeiras/R65 sen ax. Ligada |
Si |
52 |
Veza |
R60 outras utilizacións |
Si |
53 |
Ervella forraxeira |
R40 dec. sup. forraxeiras/R60 outras utilizacións |
Si |
54 |
Outras leguminosas |
R40 dec. sup. forraxeiras/R60 outras utilizacións |
Si |
60 |
Alfalfa |
R40 dec. sup. forraxeiras |
Si |
61 |
Veza forraxeira |
R40 dec. sup. forraxeiras |
Si |
62 |
Pastos permanentes de 5 ou máis anos (*) |
R40 dec. sup. forraxeiras |
Si |
63 |
Prados de menos de 5 anos |
R40 dec. sup. forraxeiras |
Si |
65 |
Tomate aire libre |
R60 outras utilizacións |
Si |
66 |
Tomate baixo plástico |
R60 outras utilizacións |
Si |
68 |
Festuca |
R40 dec. sup. forraxeiras |
Si |
69 |
Raigrás |
R40 dec. sup. forraxeiras |
Si |
77 |
Casulo seco (*) (***) |
R36 ax. calidade legumes/ R40 dec. sup. forraxeiras/R65 sen ax. Ligada |
Si |
78 |
Pemento (***) |
R60 outras utilizacións |
Si |
79 |
Grelos (***) |
R60 outras utilizacións |
Si |
82 |
Remolacha |
R60 outras utilizacións |
Si |
90 |
Outras hortalizas |
R60 outras utilizacións |
Si |
91 |
Flores |
R60 outras utilizacións |
Sí |
92 |
Outros cultivos herbáceos |
R60 outras utilizacións |
Sí |
93 |
Pataca (***) |
R60 outras utilizacións |
Sí |
94 |
Outros tubérculos |
R60 outras utilizacións |
Sí |
97 |
Cogomelos |
R60 outras utilizacións |
Sí |
101 |
Oliveira |
R60 outras utilizacións |
Sí |
102 |
Viña vinificación (***) |
R60 outras utilizacións |
Sí |
103 |
Uva de mesa |
R60 outras utilizacións |
Sí |
104 |
Amendoeira |
R60 outras utilizacións |
Sí |
105 |
Pexegueiro |
R60 outras utilizacións |
Sí |
106 |
Nectarineira |
R60 outras utilizacións |
Sí |
107 |
Albaricoqueiro |
R60 outras utilizacións |
Sí |
108 |
Pereira |
R60 outras utilizacións |
Sí |
109 |
Maceira |
R60 outras utilizacións |
Sí |
110 |
Cerdeira |
R60 outras utilizacións |
Sí |
111 |
Ameixeira |
R60 outras utilizacións |
Sí |
112 |
Nogueira |
R60 outras utilizacións |
Sí |
113 |
Outras froiteiras |
R60 outras utilizacións |
Sí |
114 |
Superficies forestais madeireiras |
R60 outras utilizacións |
Non |
115 |
Outras superficies forestais |
R60 outras utilizacións |
Non |
116 |
Chopo |
R60 outras utilizacións |
Non |
117 |
Castiñeiro |
R60 outras utilizacións |
Sí |
118 |
Especies aromáticas leñosas |
R60 outras utilizacións |
Non |
119 |
Viveiro |
R60 outras utilizacións |
Sí |
125 |
Outras hortalizas baixo plástico |
R60 outras utilizacións |
Sí |
126 |
Outros cítricos |
R60 outras utilizacións |
Sí |
127 |
Kiwi |
R60 outras utilizacións |
Sí |
128 |
Framboeseira |
R60 outras utilizacións |
Sí |
206 |
Laranxeira |
R60 outras utilizacións |
Sí |
207 |
Limoeiro |
R60 outras utilizacións |
Sí |
211 |
Marmeleiro |
R60 outras utilizacións |
Sí |
214 |
Nespereira |
R60 outras utilizacións |
Sí |
215 |
Amorodo aire libre |
R60 outras utilizacións |
Sí |
216 |
Amorodo baixo plástico |
R60 outras utilizacións |
Sí |
217 |
Amorodo grande |
R60 outras utilizacións |
Sí |
218 |
Sebe arbustiva |
R60 outras utilizacións |
Sí |
237 |
Superficies forestais de rotación curta (*) |
R60 outras utilizacións |
Sí |
(*)Consultar variedades no anexo 9.
(**)No caso de ser modificado xenéticamente, poñer variedade 1.
(***)Consultar no anexo 23 as variedades específicas para o caso de solicitar axuda agroambiental para variedades autóctonas en risco de erosión xenética.
ANEXO 9
Variedades a indicar no impreso PA
1. Variedades de barbeito tradicional.
Código |
Variedade |
901 |
Sen cuberta vexetal |
902 |
Con cuberta vexetal |
2. Variedades de pastos permanentes ( ≥ 5 anos) (produto 62).
Código |
Variedade |
902 |
Pasto arbustivo |
903 |
Pasto con arboredo |
905 |
Pasteiros |
906 |
Prado ≥ 5 anos |
3. Variedades para a axuda a legumes de calidade (feixón, garavanzos e lentellas).
Código |
Variedade |
801 |
Axuda a legumes de calidade por IXP “Faba de Lourenzá” |
802 |
Axuda a legumes de calidade por agricultura ecolóxica |
4. Variedades para superficies forestais de rotación curta.
Código |
Variedade |
100 |
Eucalyptus (eucalipto) |
101 |
Paulownia |
102 |
Populus sp (chopo) |
103 |
Salix sp (salgueiros e vimbios) |
104 |
Robinia pseudoacacia L |
ANEXO 10
Zonas de concentración parcelaria en que se admiten referencias identificativas
correspondentes a planos de concentración
Código |
Provincia |
Concello |
Código zona |
Nome da zona |
|
15 |
A Coruña |
026 |
Cesuras |
03 |
Filgueira de Traba |
15 |
A Coruña |
029 |
Coristanco |
01 |
Couso |
15 |
A Coruña |
046 |
Mazaricos |
01 |
Arcos |
15 |
A Coruña |
047 |
Melide |
01 |
Maceda-Orois |
15 |
A Coruña |
048 |
Mesía |
06 |
Xanceda |
15 |
A Coruña |
071 |
As Pontes |
01 |
Concentración privada de Pumar |
15 |
A Coruña |
072 |
Porto do Son |
01 |
Nebra |
15 |
A Coruña |
080 |
Santiso |
01 |
Arcediago-Mourazos-Rairiz-Santiso |
15 |
A Coruña |
080 |
Santiso |
05 |
Pezobre |
15 |
A Coruña |
080 |
Santiso |
07 |
Visantoña |
15 |
A Coruña |
080 |
Santiso |
08 |
Novela-Liñares-Pezobrés |
15 |
A Coruña |
080 |
Santiso |
09 |
Niñodaguia-Serantes (2º sector) |
27 |
Lugo |
001 |
Abadín |
04 |
Baroncelle |
27 |
Lugo |
001 |
Abadín |
05 |
Fanoi |
27 |
Lugo |
002 |
Alfoz |
01 |
Pereiro-As Oiras |
27 |
Lugo |
004 |
Baleira |
01 |
Esperela |
27 |
Lugo |
004 |
Baleira |
02 |
Librán |
27 |
Lugo |
004 |
Baleira |
03 |
Fonteo |
27 |
Lugo |
004 |
Baleira |
04 |
Pousada |
27 |
Lugo |
004 |
Baleira |
05 |
A Braña |
27 |
Lugo |
010 |
Castro de Rei |
01 |
Ramil |
27 |
Lugo |
010 |
Castro de Rei |
02 |
San Xiao de Mos |
27 |
Lugo |
015 |
Cospeito |
01 |
Goá |
27 |
Lugo |
021 |
Xermade |
02 |
Candamil |
27 |
Lugo |
030 |
Mondoñedo |
01 |
Zona Norte |
27 |
Lugo |
054 |
Riotorto |
01 |
Orrea-Galegos |
27 |
Lugo |
061 |
Trabada |
05 |
Monte de Trabada |
32 |
Ourense |
002 |
Allariz |
01 |
San Vitoiro-Urrós |
32 |
Ourense |
006 |
Baltar |
03 |
Niñodaguia |
32 |
Ourense |
070 |
Ribadavia |
01 |
Santo André de Camporredondo |
32 |
Ourense |
083 |
Trasmiras |
08 |
Vilar de Lebres |
32 |
Ourense |
086 |
Verín |
02 |
Mourazos-Tamagos-Tamaguelos |
36 |
Pontevedra |
006 |
Cambados |
01 |
Vilariño (sector 1) |
36 |
Pontevedra |
013 |
O Covelo |
01 |
Prado-Godóns |
36 |
Pontevedra |
013 |
O Covelo |
02 |
A Graña-Campo |
36 |
Pontevedra |
013 |
O Covelo |
03 |
Barciademera |
36 |
Pontevedra |
024 |
Lalín |
05 |
Vilatuxe |
36 |
Pontevedra |
052 |
Silleda |
04 |
Parada |
ANEXO 11-A
Certificación de aproveitamento de pastos permanentes de uso en común.
Solicitude unificada de axudas PAC/DR. Campaña 2014
Don/Dona ................................................................................................................. con DNI .......................... e Teléfono ...................................................., actuando en calidade de Secretario/Presidente da entidade ……………………...………………….
(Rísquese o que non proceda)
................................................................................................., co NIF ........................ e código de comunal .................................., do lugar .................................................., parroquia de ................................................................, concello de ................................
CERTIFICO:
Primeiro:
Que a superficie neta total de pastos permanentes de uso en común no dito comunal é de .......................... ha.
Segundo:
Que Don/Dona. ................................................................., co NIF ............................., aproveita nesta superficie de uso en común as superficies netas de:
Utilización |
Superficie neta (ha) (*) |
A- Pasteiros ou prados ≥ 5 anos (R40/62/905, 906) |
|
B- Pasto arbustivo ou pasto con arboredo (R40/62/902, 903) |
E para que así conste, e unicamente para os efectos de declaración de pastos permanentes na solicitude unificada de axudas PAC/DR-2014, expido esta certificación.
..., ... de ... de 2014
Sinatura
(*) Superficies de pasto permanente totais individuais, dependendo da porcentaxe que lle corresponda da superficie neta total de pastos en cada utilización.
ANEXO 11/B
Relación de parcelas o recintos con pastos permanentes de uso en común.
Ayudas PAC/DR. Campaña 2014
Don/Dona .............................................................................. con DNI .......................... e teléfono ..................................., actuando en calidade de secretario/presidente da entidade ……………………………….
(Rísquese o que non proceda)
.........................................................................................., con NIF .............................. e código de comunal .........................., del lugar ............................................., parroquia de .................................................................., parroqua de .............................................
CERTIFICO:
Primeiro.
Que a superficie neta total de pastos permanentes de uso en común no dicho comunal é de ....................... ha.
Segundo.
Que a relación de recintos Sixpac e o tipo de pastos permanentes en que se descompone esa superficie é:
ANEXO 12
Razas de vacún non cárnicas segundo o anexo IV R (CE) 1121/2009
Angler Rotvieh (Ageln)-Rød dansk mælkerace (RMD). –German Red– Lithuanian Red
Ayreshire.
Armoricaine.
Bretonne Pie- noire.
Fries-Hollands (FH), Francaise frisonne pie noire (FFPN), Friesian-Holstein, Holstein, Black and White Friesian, Red and White Friesian, Frisona española, Frisona Italiana, Zwartbonten van België/pie noire de Belgique, Sortbroget dansk mælkerace (SDM), Deutsche Shwarzbunte, Shwarzbunte Milchrasse (SMR), Czarno-biala, Magyar Holstein-Friz, Dutch Black and White, Estonian Holstein, Estonian Native, Estonian Red, British Friesian, črno-bela, German Red and White, Holstein Black and White, Red Holstein.
Groninger Blaarkop.
Guernsey.
Jersey.
Malkeborthorn.
Reggiana.
Valdostana nera.
Itäsuomenkarja.
Länsisuomenkarja.
Pohjoissuomenkaja.
ANEXO 13
Datos mínimos que conterá o ficheiro informático cos animais bovinos
sacrificados baixo sistemas de vacún de calidade
O ficheiro informático terá formato Access, en calquera das súas versións, e incluirá os seguintes campos:
A. Identificación do sistema de calidade diferenciada:
– Denominación do sistema de calidade.
– NIF/NIE do titular do sistema de calidade.
– Teléfono, fax e enderezo de correo e electrónico do sistema de calidade.
B. Identificación dos animais bovinos sacrificados durante o ano da presentación da solicitude única por parte do produtor:
– Código do brinco de bovino sacrificado, conforme o establecido polo Real decreto 1980/1998, do 18 de setembro.
– Código REGA da explotación, conforme o establecido no artigo 5 do Real decreto 479/2004, do 26 de marzo.
– NIF/NIE do titular da explotación.
ANEXO 14
Datos mínimos que conterá o ficheiro informático que deberán remitir os responsables dos Consellos Reguladores, pregos facultativos e produción gandeira ecolóxica e integrada, coas explotacións e titulares dos agricultores de ovino e cabrún que comercialicen parte da súa produción baixo os sistemas de calidade considerados no artigo 58
O ficheiro informático terá formato Access, en calquera das súas versións, e incluirá os seguintes campos:
A. Identificación do sistema de calidade diferenciada:
– Denominación do sistema de calidade.
– NIF/NIE do titular do sistema de calidade.
– Teléfono, fax e enderezo de correo e electrónico do sistema de calidade.
B. Identificación das explotacións que comercializaron a súa produción ao abeiro das denominacións de calidade indicadas no artigo 58.1 durante o ano da presentación da solicitude única por parte do agricultor:
– Cantidade expresada en litros de leite ou en número de años e/ou cabritos comercializados pola explotación durante o ano anterior completo ao abeiro destes programas de calidade dos cales sexan responsables.
– Código REGA da explotación, conforme o establecido no artigo 5 do Real decreto 479/2004, do 26 de marzo.
– NIF/NIE do titular da explotación.
ANEXO 15
Coeficientes de conversión para determinar o número de reprodutoras
en ovino-cabrún
1. Para a produción de leite, a cantidade expresada en litros comercializada pola explotación ao abeiro dos programas de calidade correspondentes durante todo o ano da solicitude dividirase entre a cifra que corresponda a cada raza considerada:
a) Razas ovinas.
Raza |
Índice de conversión |
Churra |
135 |
Manchega |
175 |
Latxa |
120 |
Castellana |
130 |
Assaf |
190 |
Carranzana |
130 |
Outras |
80 |
b) Razas cabrúas.
Raza |
Índice de conversión |
Murciano-granadina |
730 |
Majorera |
550 |
Malagueña |
700 |
Tinerfeña |
600 |
Verata |
600 |
Pirenaica |
550 |
Palmera |
550 |
Payoya |
650 |
Guadarrama |
650 |
Florida |
655 |
Blanca andaluza |
650 |
Blanca celtibérica |
600 |
Outras |
550 |
2. Non obstante, o Fogga poderá utilizar calquera documento recoñecido por el para certificar un rendemento medio do gando leiteiro diferente para cada agricultor.
Para a produción de carne, o número de años e/ou cabritos comercializados, ao abeiro dos programas de calidade correspondentes, pola explotación durante todo o ano da solicitude dividirase entre 0,9.
ANEXO 16
Datos mínimos que conterá o ficheiro informático que deberán remitir os responsables das denominacións de calidade e da etiquetaxe facultativa co logotipo Letra Q, coas explotacións e titulares dos produtores de vacún de leite que comercializasen toda ou parte da súa produción baixo os sistemas considerados no artigo 70
O ficheiro informático terá preferentemente formato Access en calquera das súas versións, e incluirá os seguintes campos:
A. Identificación do sistema (marca/prego de condicións/logotipo):
– Denominación do sistema.
– NIF/NIE do titular do sistema.
– Teléfono, fax e enderezo de correo e electrónica do sistema de calidade.
B. Identificación das explotacións que comercializaran a súa produción ao abeiro dos sistemas establecidos no artigo 71 durante o ano da presentación da solicitude única por parte do produtor:
– Cantidade expresada en quilogramos de leite comercializados pola explotación ao abeiro do sistema correspondente durante o ano da solicitude.
– Código REGA da explotación, conforme o establecido no artigo 5 do Real decreto 479/2004, do 26 de marzo.
– NIF/NIE do titular da explotación.
C. Cantidade total expresada en quilogramos de leite comercializado polo responsable do sistema correspondente durante o ano da solicitude, en cumprimento do terceiro parágrafo do número 3 do artigo 73.I
ANEXO 20
Condicionalidade: boas condicións agrarias e ambientais
1. Normas exixibles para evitar a erosión.
a) Cobertura mínima do solo.
i. Cultivos herbáceos.
Nas parcelas agrícolas de secaño que se sementen con cultivos herbáceos de inverno, non se deberá labrar co avesadoiro entre a data de recolección da colleita anterior e o 1 de setembro, data que se establece como referencia do inicio da presementeira, excepto para realizar cultivos secundarios, tal como se recolle no Real decreto 1612/2008, do 3 de outubro, sobre aplicación dos pagamentos directos á agricultura e á gandaría.
Para favorecer a implantación da cuberta vexetal con cultivos herbáceos, e por razóns agronómicas, como as dobres colleitas, climáticas e de tipoloxía dos solos, na C.A. de Galicia establécese o 1 de agosto como data de referencia do inicio da presementeira.
ii. Cultivos leñosos.
No caso de oliveira sen pendente igual ou superior ao 10 %, no que se manteña o solo nu nas mouteiras das oliveiras mediante a aplicación de herbicidas, será necesario manter unha cuberta vexetal de largo mínimo de 1 metro nas rúas transversais á liña de máxima pendente ou unhas rúas paralelas á dita liña, cando o deseño da parcela ou o sistema de rega impidan o seu establecemento noutra dirección. No entanto, no momento en que poida competir co cultivo, a dita cuberta poderá eliminarse mediante métodos químicos ou mecánicos, e poderá ser incorporada mediante un labor superficial, respectando, en todo caso, o establecido na epígrafe de cultivos leñosos deste anexo.
Non se arrincará ningún pé de cultivos leñosos situado en recintos con pendente igual ou superior ao 15 %, salvo que sexa obxecto de reposición autorizada pola autoridade competente e naquelas zonas en que así se estableza, e nestes casos, respectar as normas destinadas á súa reconversión cultural e varietal e aos cambios de cultivo ou aproveitamento.
O disposto nos dous parágrafos anteriores non será de aplicación cando a pendente real do recinto estea compensada mediante terrazas ou socalcos.
iii. Terras de barbeito e de retirada.
Nas terras de retirada ou barbeito realízanse opcionalmente algunha das seguintes prácticas: as tradicionais de cultivo, as de mínima labra ou mantemento dunha cuberta vexetal axeitada, ben sexa espontánea, ben mediante a sementeira de especies mellorantes.
De xeito alternativo ao mantemento dunha cuberta vexetal, ou para complementar a labra tradicional ou a mínima labra e con fins de fertilización, poderase incorporar unha cantidade máxima total de 20 toneladas por hectárea (t/ha) de esterco ou 40 m3/ha de xurro cada tres anos, cando estea prevista a inmediata sementeira ou implantación dun cultivo, e de conformidade co disposto no Real decreto 261/1996, do 16 de febreiro, sobre a protección de augas contra a contaminación producida polos nitratos procedentes de fontes agrarias.
b) Ordenación mínima da terra que respecte as condicións específicas do lugar.
Labra adaptada ás condicións da pendente.
i. Cultivos herbáceos.
Nas superficies que se destinen a cultivos herbáceos, non se labrará co avesadoiro a terra na dirección da máxima pendente cando, nos recintos cultivados, a pendente media do recinto exceda o 10 %, salvo que a pendente real do recinto estea compensada mediante socalcos ou bancais.
ii. Cultivos leñosos.
En cultivos de viñedo, oliveiras e froitos secos non se labrará co avesadoiro a favor da pendente a terra en recintos con pendentes superiores ao 15 %, salvo que se adopten formas de cultivo especiais como terrazas ou socalcos, cultivo en faixas, se practique unha labra de conservación ou se manteña unha cobertura de vexetación total do solo. No caso de existencia de socalvos, será obrigatorio evitar calquera tipo de labores que afecten a estrutura dos noiros existentes.
O disposto nos parágrafos i e ii non será de aplicación no caso de parcelas de cultivo de superficie igual ou inferior a unha hectárea, no caso de parcelas de cultivo irregulares ou alongadas cuxa dimensión mínima no sentido transversal a pendente sexa inferior a 100 metros e cando, por razóns de mantemento da actividade produtiva tradicional, sexan determinadas e autorizadas pola Administración competente aquelas técnicas de agricultura de conservación que se consideren axeitadas. En todos os supostos, a implantación do cultivo farase o máis rapidamente posible, para evitar que o solo poida verse afectado pola erosión.
iii. Zonas de elevado risco de erosión.
Deberanse adoptar as medidas necesarias para evitar a degradación e perda de solo nas áreas da Comunidade Autónoma de Galicia definidas como zonas de elevado risco de erosión no Inventario nacional de erosión de solo (2002-2012) do Ministerio de Medio Ambiente, e Medio Rural e Mariño, ou no Mapa de estados erosivos (1986-1990) do Ministerio de Medio Ambiente.
c) Terrazas de retención.
As terrazas de retención deberán manterse en bo estado de conservación, coa súa capacidade de drenaxe, evitando os enterramentos e derrubamentos e, en calquera caso, a aparición de cárcavas.
2. Normas exixibles para conservar a materia orgánica.
Xestión de restrollos.
a) Non se queimarán restrollos en todo o ámbito da Comunidade Autónoma de Galicia, salvo que, por razóns fitosanitarias, a queima estea autorizada pola autoridade competente; neste caso estará condicionada ao cumprimento das normas establecidas en materia de prevención de incendios e, en particular, as relativas ao largo mínimo dunha franxa perimetral cando os terreos estremen con terreos forestais.
b) Cando se eliminen restos de colleita de cultivos herbáceos e dos de poda de cultivos leñosos, realizarase sempre consonte a normativa establecida.
3. Norma para evitar a compactación e manter a estrutura dos solos: utilización da maquinaria axeitada.
En solos saturados, así como en terreos enchoupados, salvo os de arroz, ou con neve, non deberá realizarse a labra sen pasar ou permitir o paso de vehículos sobre o terreo, salvo naqueles casos considerados de necesidade pola autoridade competente.
Para estes efectos, considéranse casos de necesidade os relacionados coas operacións de recolección de colleitas, fertilización de coberteira, de tratamentos fitosanitarios, de manexo e subministración de alimentación ao gando, que coincidan accidentalmente con épocas de choivas.
4. Normas para garantir un nivel mínimo de mantemento e previr a deterioración dos hábitats.
a) Mantemento dos pastos permanentes.
As superficies de pastos permanentes, deberán manterse en condicións axeitadas, evitando a súa degradación e invasión pola matogueira. Para iso, poderase optar por un nivel mínimo de carga gandeira efectiva, que será sempre igual ou superior a 0,4 UGM/ha nas zonas de montaña, 0, 7 UGM/ha nas zonas desfavorecidas e 0,9 UGM/ha no resto das zonas de Galicia.
De xeito alternativo, no caso de non acadar os oportunos niveis de carga gandeira efectiva, será requisito obrigatorio realizar un labor de mantemento axeitado que evite a degradación do pasto permanente de que se trate e a súa invasión por matogueira.
b) Protección dos pastos permanentes.
Non se queimarán nin decruarán os pastos permanentes, salvo para labores de rexeneración da vexetación e, no caso de rexeneración mediante queima, será necesaria a previa autorización e o control da Administración competente. En todo caso, será obrigatoria a adopción de medidas destinadas á protección do arboredo na zona da queima e o seu contorno.
c) Mantemento dos elementos estruturais.
Non se efectuará unha alteración dos elementos estruturais, definidos no artigo 2 do R.D. 486/2009, sen a autorización da autoridade competente. Exceptúanse desta obriga a construción de paradas para corrección de corgos, regueiros e socalvos, así como as operacións de refinación de terras que se realicen naquelas parcelas que se vaian dedicar ao cultivo de arroz e outros de regadío.
d) Prohibición de arrincar oliveiras.
Cando o órgano competente considere que existe un elevado risco de abandono da produción agraria, de despoboamento ou outras razóns que así o aconsellen, poderán establecerse zonas en que non se poidan arrincar oliveiras sen que sexan substituídas.
e) Prevención da invasión das terras agrícolas por vexetación espontánea non desexada.
Será obrigatorio o mantemento das parcelas en condicións axeitadas para o seu cultivo, mediante o control da vexetación espontánea non desexada, evitando a invasión das parcelas de cultivo por ela.
Tal obriga quedará sen efecto unicamente naquelas campañas excepcionais en que, como consecuencia de condicións metereolóxicas adversas, resultase imposible proceder no momento axeitado á súa eliminación.
f) Mantemento das oliveiras e viñedos en bo estado vexetativo.
i. Realizar as podas coa frecuencia tradicional de cada zona para o mantemento das oliveiras en bo estado vexetativo.
ii. Realizar as podas coa frecuencia tradicional de cada zona para o mantemento dos viñedos en bo estado vexetativo.
g) Mantemento dos hábitats.
i. Non se abandonarán ou verterán materiais residuais procedentes de actividades agrícolas ou gandeiras, sobre terreos enchoupados ou con neve nin sobre augas correntes ou estancadas.
ii. Non se aplicarán produtos fitosanitarios, fertilizantes, lodos de depuradora, composta, xurros ou estercos nin se limpará a maquinaria empregada para estas aplicacións sobre terreos enchoupados ou con neve nin sobre augas correntes ou estancadas. Exceptúase desta prohibición a aplicación de fertilizantes e tratamentos fitosanitarios en parcelas de cultivo de arroz.
iii. Para evitar o risco de filtración e contaminación das augas superficiais e subterráneas, as explotacións gandeiras en estabulación permanente ou semipermanente deberán dispor e utilizar tanques de almacenamento ou fosas, esterqueiras e balsas impermeabilizadas natural ou artificialmente, estancas e con capacidade axeitada ou, de ser o caso, dispor da xustificación dun sistema de retirada de estercos e xurros da explotación.
5. Normas para garantir a protección e xestión da auga: protección da auga contra a contaminación e as escorrentas e xestión do seu uso.
a) Creación de franxas de protección nas marxes dos cursos de auga:
Tanto dentro como fóra das zonas vulnerables designadas conforme o punto 2 do artigo 3 da Directiva 91/676/CEE, nas marxes das augas correntes ou estancadas, consideradas a partir da ribeira, non se poderán aplicar fertilizantes nin produtos fitosanitarios nunha franxa ocupada por vexetación espontánea, evitando calquera goteo nelas. O ancho da franxa será de entre dous e 10 metros de largo en función da altura da cuberta vexetal, a menos altura máis largo.
Para efectos do parágrafo anterior, considerarase a definición de fertilizantes da letra e) do artigo 2 da Directiva 91/676/CEE, e entenderase por augas correntes, os mananciais, barrancos, regatos e ríos e por augas estancadas os lagos, lagoas, charcas e pantanos, excluíndose as balsas ou canles de rega e as canles.
b) Cumprimento dos procedementos de autorización, cando o uso da auga para a rega o precise.
1º. Para as superficies de rega, o agricultor deberá acreditar o seu dereito de uso da auga de rega concedido pola Administración hidráulica competente.
2º. Os titulares das concesións administrativas de augas e todos aqueles que, por calquera outro título, teñan dereito ao seu uso privativo estarán obrigados a dispoñer dos sistemas de control da auga de rega establecidos polas respectivas administracións hidráulicas competentes, de xeito que garantan unha información precisa sobre os caudais de auga efectivamente utilizados.
c) Proteción das augas subterráneas contra a contaminación: prohibición de verteduras directas nas augas subterráneas e medidas para previr a contaminación indirecta das augas subterráneas mediante a vertedura sobre o terreo e a filtración a través do solo de substancias perigosas, tal como se enumeran no anexo da Directiva 80/68/CEE na súa versión en vigor no seu último día de vixencia, na medida en que teña relación coa actividade agrícola.
ANEXO 21
Condicionalidade: normas mínimas sobre utilización de fertilizantes e
fitosanitarios para beneficiarios de axudas agroambientais
1. Fertilizantes:
1.1. Normativa xeral sobre utilización de fertilizantes.
Real decreto 506/2013, de 28 de xuño, sobre produtos fertilizantes.
1.2. Protección das augas contra a contaminación producida por nitratos procedentes de fontes agrarias.
En aplicación da Directiva do Consello 91/676/CEE, do 12 de decembro, relativa á protección de augas contra a contaminación producida por nitratos utilizados na agricultura, trasposta ao ordenamento xurídico español a través do Real decreto 261/1996, do 16 de febreiro, sobre protección das augas contra a contaminación producida por nitratos procedentes de fontes agrarias, aprobouse por Orde do 7 de setembro de 1999, o Código galego de boas prácticas agrarias (DOG nº 181, do 17 de setembro de 1999), que aconsella unha serie de actuacións nas prácticas agrícolas e gandeiras máis comúns, tendentes á diminución da incidencia ambiental dos fertilizantes nitroxenados, propoñendo unha serie de medidas e prácticas dirixidas a reducir a contaminación por nitróxeno. Entre estas prácticas recomendadas propóñense actuacións relacionadas cos seguintes aspectos:
– Períodos en que é recomendable a aplicación de fertilizantes ás terras: os fertilizantes deberanse distribuír cando se prevexa a súa posible utilización polas plantas, é dicir, coa antelación suficiente para que a planta en desenvolvemento sexa capaz de aproveitalos. Para isto terase en conta o tempo da transformación das distintas formas de nitróxeno en formas nítricas e amoniacais que son as máis asimilables.
– Detalla as épocas máis aconsellables para a fertilización en diferentes cultivos, atendendo ao seu estado fenolóxico e ao tipo de fertilizante.
– Aplicación de fertilizantes aos terreos pendentes:
• En función do grao de pendente que teñan, da cuberta vexetal existente, se é pradaría permanente ou cultivos anuais, ou tipo de terreo, areoso ou compacto, da forma de parcela e sentido de traballo, utilizaranse fertilizantes ou non.
• A aplicación de xurros deberá facerse, tendo en conta os períodos do punto anterior, cando non haxa perigo de choivas fortes, sen ventos secos e/ou fortes e, se é posible, cunha choiva lixeira que fixe os gases.
• Procurar non utilizar nin xurros nin tampouco fertilizantes minerais, cando se vaian dar regas fortes.
• Non utilizar para a distribución de xurros canóns de aspersión de alta presión (máis de 3 bares no aspersor).
• Logo dun incendio forestal, sementar especies sen realizar fertilización.
• Aplicación de fertilizantes a terras en terreos hidromorfos, alagados, xeados ou cubertos de neve.
• Condicións de aplicación de fertilizantes en terras próximas a cursos de auga: como normas xerais, e respectando tanto as doses fertilizantes como as épocas de aplicación indicadas, aconséllase:
– Non aplicar efluentes orgánicos nun raio de 35-50 m. ao redor dunha fonte, pozo ou perforación que subministre auga para consumo humano. Se o terreo é moi permeable, aumentar o raio.
– Non establecer patios de exercicio, sen pavimento, nin parcelas de castigo (zonas ao aire libre onde pasa longos períodos o gando concentrado) nas proximidades das mesmas fontes de auga.
• Capacidade e deseño dos tanques de almacenamento de esterco e medidas para evitar a contaminación da auga por escorremento e filtración, en augas superficiais ou subterráneas, de líquidos que conteñan esterco e residuos procedentes de produtos vexetais almacenados.
• Xestión do uso das terras con referencia aos sistemas de rotación de cultivos e á proporción da superficie de terras dedicadas a cultivos permanentes en relación con cultivos anuais. Mantemento durante períodos chuviosos dun manto mínimo de vexetación que absorba o N do solo que, pola contra, podería causar fenómenos de contaminación de auga por nitratos.
• Establecemento de plans de fertilización acordes coa situación particular de cada explotación e a consignación en rexistros do uso de fertilizantes.
• Prevención da contaminación das augas debido á escorremento e á lixiviación nos sistemas de rega.
1.3. Outras normas relativas á utilización de fertilizantes.
Ademais dos anteriores, outros requisitos en relación coa utilización de fertilizantes e fitosanitarios establécense nas seguintes normas:
– Real decreto 1310/1990, do 29 de outubro, sobre utilización de lodos de depuración no sector agrario.
– Orde do 26 de outubro de 1993, que desenvolve o Real decreto 1310/1990, do 29 de outubro, sobre utilización de lodos de depuración no sector agrario.
1.4. Outras condicións que cómpre ter en conta para a utilización de fertilizantes.
A nutrición vexetal, factor básico para un óptimo desenvolvemento dos cultivos, depende da capacidade do solo para subministrar todos e cada un dos elementos nutritivos en forma, cantidade e momento adecuado ás súas esixencias. A situación do solo en relación con esta capacidade de abastecer as necesidades das plantas nos diferentes elementos nutritivos é o que se denomina fertilidade do solo, e é un dato fundamental para o establecemento da dose de fertilización. Será pois obrigatoria a realización de analíticas de solos para establecer a programación anual de fertilización,e os seus resultados incorporaranse ao caderno de explotación. Así mesmo, utilizaranse preferentemente fertilizantes orgánicos en substitución de fertilizantes nitroxenados de síntese, non se permitirá o uso de estercos frescos. Para rematar, fíxase un valor numérico de 150 unidades fertilizantes de N como límite superior, que está por baixo do límite de 170 unidades existente.
2. Fitosanitarios:
2.1. Disposicións xerais sobre utilización de fitosanitarios:
A Lei 43/2002, do 20 de novembro, de sanidade vexetal, establece expresamente entre os seus obxectivos o de previr os riscos para a saúde das persoas e animais e contra o ambiente que poidan derivar do uso dos produtos fitosanitarios. Para tal fin, exixe unha serie de condicións xerais para o uso de medios de defensa fitosanitaria. Cabe destacar as seguintes disposicións relacionadas coa utilización de produtos fitosanitarios:
Define os medios de defensa fitosanitaria como os produtos, organismos, equipamento, maquinaria de aplicación, dispositivos e elementos destinados a controlar os organismos nocivos, evitar os seus efectos ou incidir sobre o proceso vital dos vexetais de forma diferente aos nutrientes. Sinala que os medios de defensa fitosanitaria deberán ser utilizados adecuadamente, tendo en conta as boas prácticas fitosanitarias e demais condicións determinadas na súa autorización e, de ser o caso, de acordo cos principios da loita integrada (definida como a aplicación racional dunha combinación de medidas biolóxicas, biotecnolóxicas, químicas, de cultivo ou de selección de vexetais, de modo que a utilización de produtos fitosanitarios se limite ao mínimo necesario para o control das pragas).
No artigo 23 indica as condicións xerais de comercialización e uso dos medios para a defensa fitosanitaria:
– Estar autorizados conforme as disposicións da lei, salvo as excepcións previstas nos artigos 44 e 45, en que será suficiente a comunicación previa á autoridade competente.
– Estar, de ser o caso, etiquetados, incluíndo, polo menos, a información necesaria sobre a súa identidade, riscos, precaucións que se deben adoptar e para a súa correcta utilización.
– Cando, pola súa natureza, non corresponda a súa etiquetaxe, deberán ir acompañados da información necesaria para a súa correcta utilización e mantemento.
No artigo 24 regúlase o rexistro e información sobre medios de defensa fitosanitaria nos seguintes termos:
– As autorizacións, comunicacións e decisións de recoñecemento de autorizacións inscribiranse de oficio no Rexistro Oficial de Produtos e Material Fitosanitario adscrito ao Ministerio de Agricultura, Pesca e Alimentación.
– No rexistro manterase actualizada a información relativa aos medios de defensa fitosanitaria legalmente utilizables en España, dos seus posibles usos, das características e condicións que limitan a súa utilización e dos requisitos que determinan as boas prácticas fitosanitarias.
En canto á utilización de produtos fitosanitarios, o seu artigo 41 establece que os usuarios e os que manipulen produtos fitosanitarios deberán:
– Estar informados das indicacións ou advertencias que figuren nas etiquetas e instrucións de uso ou, de ser o caso, mediante o asesoramento adecuado, sobre todos os aspectos relativos á custodia, adecuada manipulación e correcta utilización destes produtos.
– Aplicar as boas prácticas fitosanitarias, atendendo ás indicacións ou advertencias sinaladas, entendendo por boas prácticas a utilización dos produtos fitosanitarios e demais medios de defensa fitosanitaria baixo as condicións de uso autorizadas.
– Cumprir os requisitos de capacitación establecidos pola normativa vixente, en función das categorías ou clases de perigo dos produtos fitosanitarios.
– Observar, de ser o caso, os principios da loita integrada que resulten aplicables.
– Cumprir as disposicións relativas á eliminación dos envases baleiros de acordo coas condicións establecidas e, en todo caso, con aquelas que figuren nas súas etiquetas.
Ademais, os que presten servizos de aplicación de produtos fitosanitarios, ademais de cumprir os requisitos xerais anteriores, deberán:
– Dispor de persoal cos niveis de capacitación exixibles.
– Dispor dos medios de aplicación adecuados e manter un réxime de revisións periódicas do funcionamento deles.
– Realizar, en cada caso, un contrato no que deberán constar, polo menos, os datos da aplicación que se vaia realizar e as condicións posteriores que, de ser o caso, que corresponda cumprir ao usuario do servizo.
2.2. Normas específicas sobre a autorización e uso de produtos fitosanitarios.
Real decreto 2163/1994, do 4 de novembro, polo que se implanta o sistema harmonizado comunitario de autorización para comercializar, utilizar produtos fitosanitarios: entre outros aspectos, recolle disposicións relativas á utilización de produtos fitosanitarios, dispoñendo que só se poderán utilizar os produtos autorizados. Ademais, os produtos fitosanitarios deben utilizarse adecuadamente, o que supón o cumprimento das condicións da súa autorización e indicadas na súa etiqueta, a aplicación dos principios das boas prácticas fitosanitarias e, sempre que sexa posible, dos relativos á loita integrada. Para garantir a correcta utilización dos produtos fitosanitarios, cada comunidade autónoma establecerá un programa de vixilancia da súa correcta utilización no cal, polo menos, se determinará a natureza e frecuencia dos controis que se deban levar a cabo, os cales deberán ser conformes cos requisitos de información requiridos pola Comisión Europea. Os resultados dos controis efectuados deberán ser remitidos ao MAPA para elaborar a información que se fornecerá á Comisión Europea.
2.3. Obrigas dos titulares de explotacións agrarias en materia de rexistro do uso de información sobre o uso de produtos fitosanitarios.
O Real decreto 1311/2012, do 14 de setembro, polo que se establece o marco de actuación para conseguir un uso sostible dos produtos fitosanitarios, no seu capítulo II e a Orde APA/326/2007, do 9 de febreiro, pola que se establecen as obrigas dos titulares de explotacións agrarias e forestais en materia de rexistro do uso da información sobre o uso de produtos fitosanitarios: establece os datos que se deben rexistrar como consecuencia da utilización de produtos fitosanitarios e outros praguicidas para a protección das colleitas destinadas a ser consumidas como pensos ou alimentos, incluídas as fases de cultivo, almacenamento e transporte,. Estas normas obrigan os agricultores a levaren un rexistro de datos da explotación no cal deben facer constar unha serie de datos en relación a cada tratamento praguicida realizado (cultivo, praga, motivo do tratamento, produto utilizado e nº de rexistro), para cada control de praguicida realizado (cultivo mostreado, substancias activas detectadas, nº do boletín de análise e laboratorio que o realiza) e para cada colleita comercializada (produto vexetal, cantidade expedida, nome do cliente).
2.4. Outra normativa relacionada cos produtos fitosanitarios:
– Real decreto 1416/2001, do 14 de decembro, sobre envases de produtos fitosanitarios.
– Real decreto 280/1994, do 18 de febreiro, polo que se establecen os límites máximos de residuos de praguicidas e o seu control en determinados produtos de orixe vexetal.
– Orde do 1 de febreiro de 1991 pola que se modifica o anexo da do 7 de setembro de 1989, sobre a prohibición da comercialización e utilización de certos produtos fitosanitarios en aplicación das directivas 90/335/CEE e 90/533/CEE.
– Orde do 7 de setembro de 1989 sobre prohibición de comercialización e utilización de produtos fitosanitarios que conteñen certos ingredientes activos, en aplicación da Directiva 79/117/CEE do Consello das Comunidades Europeas e as súas posteriores modificacións.
– Orde do 28 de febreiro de 1986 relativa á prohibición da comercialización e utilización de produtos fitosanitarios que conteñen certas substancias activas, en aplicación das directivas 79/117/CEE do Consello e 83/131/CEE e 85/298/CEE da Comisión das Comunidades Europeas.
– Lei 22/2011, do 28 de xullo, de resíduos e solos contaminados.
– Lei 16/2002, do 1 de xullo, de prevención e control integrados da contaminación.
– En canto a produtos de protección de plantas, só estarán permitidos aqueles que posúan a clasificación toxicolóxica «Xn» ou «T», pero admitiranse produtos que inclúan entre as súas frases de risco o termo de “moi tóxico”. Utilizaranse preferentemente produtos biolóxicos ou biorracionais. Así mesmo, empregaranse técnicas de loita oportuna para o establecemento do momento óptimo de tratamento.
2.5. Normas sobre capacitación e formación para a utilización de fitosanitarios.
A regulamentación técnico-sanitaria para a fabricación, comercialización e utilización de praguicidas, aprobada polo Real decreto 3349/1983, do 30 de novembro, e modificada polos reais decretos 162/1991, do 8 de febreiro, e 443/1994, do 11 de marzo, establece que o persoal de empresas que preste servizos de tratamentos con praguicidas debe superar os correspondentes cursos de capacitación homologados, e que cando se deban de utilizar praguicidas clasificados, conforme a devandita regulamentación como moi tóxicos, así como os tóxicos autorizados para uso ambiental, os aplicadores deberán superar os correspondentes cursos de capacitación, no caso de que o mesmo tratamento se realice para fins propios.
A nivel estatal, a Orde do 8 de marzo de 1994, modificada pola Orde PRE2922/2005, que establece a normativa reguladora da homologación de cursos de capacitación para realizar tratamentos con praguicidas, define, no número un do punto segundo, os niveis de capacitación, especificando os programas no seu anexo.
A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, establece a normativa reguladora para a homologación de cursos de capacitación para realizar tratamentos con praguicidas así como para a obtención do carné de manipulador destes produtos. No seu artigo 9 establece a obrigatoriedade de que o organismo oficial responsable publique no Diario Oficial de Galicia a información correspondente a cada curso que vaia realizar. Os cursos están dirixidos ás persoas que queiran adquirir un dos seguintes niveis de capacitación:
– Nivel básico: dirixido a agricultores que realizan na súa explotación os tratamentos fitosanitarios sen persoal auxiliar, persoal de establecementos fitosanitarios e persoal auxiliar de empresas de tratamentos fitosanitarios.
– Nivel cualificado: dirixido a agricultores que realizan na súa explotación os tratamentos fitosanitarios con persoal auxiliar, responsables de empresas de tratamentos fitosanitarios e responsables de empresas de distribución de fitosanitarios.
ANEXO 22
Contía máxima das primas unitarias no contrato de explotación sustentable
Primas unitarias máximas nas distintas submedidas agroambientais
Código |
Submedida/prima |
Ud. |
Prima € |
1 |
Variedades autóctonas vexetais en risco de erosión xenética |
||
1.1 |
Cultivos herbáceos |
ha |
302,5 |
1.2 |
Cultivos leñosos |
ha |
522,5 |
2 |
Control integrado de tratamentos fitopatolóxicos e produción integrada |
||
2.1 |
Control integrado |
||
2.1.1 |
Herbáceos de secaño |
ha |
59 |
2..12 |
Herbáceos de regadío |
ha |
84 |
2..13 |
Froiteiras de secaño |
ha |
70 |
2.1.4 |
Froiteiras de pebida |
ha |
141 |
2.1.5 |
Froiteiras de carabuña |
ha |
177 |
2.1.6 |
Oliveiral |
ha |
125 |
2.1.7 |
Hortícolas ao aire libre |
ha |
198 |
2.1.8 |
Hortícolas baixo plástico |
ha |
420 |
2.1.9 |
Viñedo para vinificación |
ha |
369 |
2.1.10 |
Cítricos |
ha |
273 |
2.2 |
Produción integrada |
||
2.2.1 |
Herbáceos de secaño |
ha |
77 |
2.2.2 |
Herbáceos de regadío |
ha |
109 |
2.2.3 |
Froiteiras de secaño |
ha |
91 |
2.2.4 |
Froiteiras de pebida |
ha |
183 |
2.2.5 |
Froiteiras de carabuña |
ha |
230 |
2.2.6 |
Oliveiral |
ha |
163 |
2.2.7 |
Hortícolas ao aire libre |
ha |
257 |
2.2.8 |
Hortícolas baixo plástico |
ha |
545 |
2.2.9 |
Viñedo para vinificación |
ha |
480 |
2.2.11 |
Cítricos |
ha |
355 |
3 |
Agricultura e gandaría ecolóxica |
||
3.1 |
Agricultura ecolóxica |
||
3.1.1 |
Herbáceos de secaño |
ha |
182 |
3.1.2 |
Herbáceos de regadío |
ha |
259 |
3.1.3 |
Froiteiras de secaño |
ha |
120 |
3.1.4 |
Froiteiras de pebida |
ha |
328 |
3.1.5 |
Froiteiras de carabuña |
ha |
364 |
3.1.6 |
Oliveira |
ha |
264 |
3.1.7 |
Hortícolas ao aire libre |
ha |
310 |
3.1.8 |
Hortícolas baixo plástico |
ha |
504 |
3.1.9 |
Viñedo para vinificación |
ha |
765 |
3.1.10 |
Cítricos |
ha |
450 |
3.2 |
Gandaría ecolóxica |
||
3.2.1 |
Pastos e restrebas |
ha |
126 |
3.2.2 |
Prados e pasteiros |
ha |
180 |
3.3 |
Apicultura ecolóxica |
ha |
28,5 |
3.4 |
Transición agricultura ecolóxica |
||
3.4.1 |
Herbáceos de secaño |
ha |
209 |
3.4.2 |
Herbáceos de regadío |
ha |
298 |
3.4.3 |
Froiteiras de secaño |
ha |
138 |
3.4.4 |
Froiteiras de pebida |
ha |
377 |
3.4.5 |
Froiteiras de carabuña |
ha |
419 |
3.4.6 |
Oliveira |
ha |
304 |
3.4.7 |
Hortícolas ao aire libre |
ha |
357 |
3.4.8 |
Hortícolas baixo plástico |
ha |
580 |
3.4.9 |
Viñedo para vinificación |
ha |
880 |
3.4.10 |
Cítricos |
ha |
518 |
3.2 |
Transición gandaría ecolóxica |
||
3.2.1 |
Pastos e restrebas |
ha |
145 |
3.2.2 |
Prados e pasteiros |
ha |
207 |
3.3 |
Transición apicultura ecolóxica |
ha |
33 |
4 |
Loita contra a erosión |
||
4.1 |
Cultivos herbáceos |
ha |
60 |
4.2 |
Cultivos leñosos |
ha |
140 |
5 |
Mantemento de razas autóctonas puras en perigo de extinción |
UGM |
150 |
6 |
Utilización racional de recursos forraxeiros na explotación |
||
6.0.1 |
Prima base xeral |
ha |
100 |
6.0.2 |
Prima base de bovino |
ha |
155 |
6.1.1 |
Prima complementaria de roza con menos do 50 % de matogueira (adicional á prima base) |
ha |
120 |
6.1.2 |
Prima complementaria de roza con máis do 50 % de matogueira (adicional á prima base) |
ha |
180 |
6.1.3 |
Prima complementaria de sementeira posterior á roza (adicional á prima base) |
ha |
44 |
6.2 |
Prima complementaria de pastoreo con razas autóctonas (adicional á prima base) |
ha |
14 |
6.3.1 |
Prima complementaria por redución de carga bovina (adicional á prima base de bovino) |
ha |
180 |
6.3.2 |
Prima complementaria por redución de carga ovina e cabrúa (adicional á prima base xeral) |
ha |
63 |
6.4 |
Prima base de sistemas extensivos en vacún de leite e ceba |
ha |
112 |
6.5 |
Prima base de utilización de sistemas de pastoreo en vacún de leite e ceba |
ha |
218 |
7 |
Apicultura para a mellora da biodiversidade en medios fráxiles |
ha |
10,5 |
8 |
Mellora e conservación do medio físico en zonas de prados e pastos incluídas en rede natura 2000 |
||
8.0.1 |
Prima base bovino |
ha |
270 |
8.0.2 |
Prima base ovino |
ha |
148 |
8.1.1 |
Prima complementaria de roza con menos do 50 % de matogueira (adicional á prima base) |
ha |
140 |
8.1.2 |
Prima complementaria de roza con máis do 50 % de matogueira (adicional á prima base) |
ha |
200 |
8.1.3 |
Prima complementaria de sementeira posterior á roza (adicional á prima base) |
ha |
64 |
8.2 |
Prima complementaria de pastoreo con razas autóctonas (adicional á prima base) |
ha |
24 |
Primas unitarias máximas nas submedidas de benestar animal
1 |
Aves de curral (carne) |
UGM |
53,00 |
Axuda máxima por explotación |
2.500 |
||
2 |
Explotacións de porcino ao aire libre |
||
2.1 |
Porcas nai |
UGM |
70,00 |
2.2 |
Porcos de ceba |
UGM |
135,14 |
Axuda máxima por explotación |
2.500 |
ANEXO 23
Variedades autóctonas vexetais en risco de erosión xenética
(Variedades que se deberán indicar no impreso PAG)
Produto |
Cód_produto |
Variedades vexetais |
Cód_variedade |
Trigo |
1 |
Trigo callobre |
901 |
Feixón seco |
77 |
Faba galaica (clase comercial Fabada) |
901 |
Faba do marisco ou verdiña |
902 |
||
Faba de ril (clase comercial White Kidney) |
903 |
||
Pemento |
78 |
Pemento de Arnoia |
901 |
Pemento de Herbón |
902 |
||
Pemento do Couto |
903 |
||
Pemento de Oímbra |
904 |
||
Grelos |
79 |
Grelo de Santiago |
901 |
Grelo branco de Lugo |
902 |
||
Pataca |
93 |
Fina de Carballo |
901 |
Viñedo vinificación |
102 |
Merenzao, María Ordoña, T. |
901 |
Brancellao, T. |
902 |
||
Sousón, T. |
903 |
||
Ferrón, T. |
904 |
||
Espadeiro, Torneiro, T. |
905 |
||
Caíño tinto, T. |
906 |
||
Loureira, Loureiro branco, Marqués, B. |
908 |
||
Caíño branco, B. |
909 |
||
Branca de Monterrei, B. |
910 |
ANEXO 24
Especies e razas autóctonas en perigo de extinción
Raza |
Especie animal |
Cachena |
Vacún |
Caldelá |
|
Limiá |
|
Vianesa |
|
Frieiresa |
|
Ovella galega |
Ovino |
Cabalo de pura raza galega |
Equino |
Porco celta |
Porcino |
Galiña de Mos |
Galináceas |
ANEXO 25
1. Densidades de plantación para cultivos leñosos en pendentes e socalcos
Viñedo.
Denominación |
Densidade de plantación (cepas/ha) |
|
Mínimo |
Máximo |
|
Rías Baixas |
600 |
4.500 |
Ribeiro |
--- |
7.000 |
Valdeorras |
1.500 |
4.500 |
Ribeira Sacra |
1.500 |
5.500 |
Monterrei |
3.000 |
5.000 |
Barbanza e Iria |
--- |
--- |
Betanzos |
1.000 |
4.000 |
Val do Miño-Ourense |
--- |
--- |
2. Densidades mínimas de plantación en froiteiras
– Pereira e maceira: 150 árbores/ha.
– Castiñeiro e nogueira: 70 árbores/ha.
ANEXO 26
Criterios para a aplicación de produtos químicos de síntese
na loita contra a varroase
Permitirase aplicar os produtos químicos de síntese se a carga de varroa na alvariza supera certos límites, con calquera dos tres procedementos seguintes:
a) Reconto de ácaros sobre as celas de cría operculada.
Se o % infestación > 15 % (% infestación = nº varroas/nº ninfas x 100)
b) Reconto de ácaros sobre as abellas adultas.
Se o % infestación > 3 % (% infestación = nº de ácaros/nº de abellas x 100)
c) Reconto de ácaros adultos caídos sobre o fondo da colmea, caída por morte natural de varroa. Se > de 5 varroa/día.
Aínda que os dous últimos métodos resultan máis doados de empregar, por fiabilidade e anticipación no tempo recoméndase empregar o primeiro método.
a) Reconto de ácaros sobre as celas de cría operculada:
Para determinar o grao de parasitación desopercularanse aproximadamente 100 celas de cría, un cadrado de 10 cm x 10 cm. Coller un panal que teña a maioría de cría operculada, para evitar que coas manipulacións posteriores se perdan as larvas desoperculadas. Pódense desopercular celas en diagonal, pero nas nosas colmeas é mellor desopercular a zona superior dianteira da cría operculada, posto que é a zona máis quente e activa do panal, onde as posibilidades de que se localice varroa en primeiro lugar son máis altas, detectando así de xeito máis precoz a infestación.
% infestación = nº varroas/nº ninfas x 100
– Indicacións para o tratamento:
– ≤5 % : non é necesario o tratamento inmediato.
– 5-15 % : moderada; valorar en función da época do ano.
– 15-30 % : alta ou perigosa para a supervivencia da colmea, débese tratar.
– ≥30 % : risco de colapso e perda da colmea. Débese dar un tratamento inmediato. A colmea entra en estado terminal de non retorno; aínda que conseguísemos controlar a varroa os danos colaterais provocados non se reverterían.
– Outras recomendacións:
– Repetir este procedemento cada dous ou tres meses e, se é posible, sobre as mesmas colmeas.
– Facer a mostraxe como mínimo sobre o 10 % da alvariza, elixindo sempre as dúas colmeas dos extremos da primeira fila (xa que é por onde entra primeiro a varroa por pillaxe ou deriva) e nas que se vexa maior actividade na piqueira (son as máis activas e as de maior posibilidade de contraer varroa) (A.G. Pajuelo).
– Observar a poboación de varroa extraída, posto que proporciona información complementaria interesante como a seguinte:
– Se só se recollen varroas adultas é síntoma de que se está ao principio da infestación, polo que o ritmo de crecemento de varroa vai ser máis lento.
– Se hai moita varroa, indica pillaxe masiva a colmeas e colmeas moi infestadas.
– Se se observa moita cantidade de varroas inmaduras ou as súas fases larvarias (brancas), a situación é moito máis perigosa, xa que a infestación xa leva tempo e vai haber unha explosión demográfica de varroa (A.G.Pajuelo).
b) Reconto de ácaros sobre as abellas adultas:
procedemento consiste en tomar unha mostra de entre 100 a 300 abellas adultas, se pode ser que estivesen sobre tres cadros de cría distintos, introducilas nun envase con azucre en po, axitar e despois verter sobre unha malla que deixe pasar os ácaros pero non as abellas. Posteriormente faise o reconto.
% infestación = nº de ácaros/nº de abellas x 100
– Indicacións para o tratamento:
– Se a porcentaxe de infestación > 3 %, a colonia require tratamento.
– A partir dun 5 % requírese tratamento urxente das colmeas para evitar posibles colapsos.
– É necesario repetir o procedemento cada dous ou tres meses e, se é posible, sobre as mesmas colmeas.
c) Reconto de ácaros adultos caídos sobre o fondo da colmea, caída por morte natural de varroa:
Utilízanse fondos sanitarios ou cartolinas impregnadas con vaselina ou sebo, que se deixan na colmea entre catro e sete días. Unha vez recollidas, faise o reconto de ácaros dividindo entre o número de días.
– Indicacións para o tratamento:
– A partir de 5 varroas/día, a colonia require tratamento.
– A partir de 10-15 varroas/día, a taxa de infestación xa é moi alta, polo que se debería facer tratamento inmediato para evitar a perda das colmeas.
– Outras recomendacións:
– Deberíase facer o reconto, como mínimo, unha vez por mes.
– Todos estes métodos se deben realizar sobre polo menos un 15-20 % das colonias dunha alvariza, para que sexa representativo.
– Para obter unha mellor referencia sobre o grao de infestación, cómpre facer tanto o reconto sobre as celas de cría como sobre as abellas adultas para cada colmea elixida.