Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Central Eléctrica Sestelo y Cía, S.A.
Domicilio social: r/ Virgen de la Luz, nº 3, baixo, 36860 Ponteareas.
Denominación: LMTS Covelo CT agrupación escolar.
Situación: Covelo.
Características técnicas: LMT subterránea a 20 kV con condutor Hersatene RHZ1 en 3 tramos: 522 metros; orixe: apoio 4ESO1093 da LMT principal nº 4; final: CT proxectado agrupación escolar. 177 metros: orixe: CT agrupación escolar; final: CT existente A Xaneira. 358 metros; orixe: CT existente San Rosendo; final: CT existente Marbar. 204 metros; orixe: CT existente Marbar; final: apoio 4ESO1103 da LMT principal nº 4. Centro de transformación de 400 kVA, RT 20 kV/400 V, situado nas proximidades do pavillón de Covelo. A LMTS discorre polo núcleo urbano de Covelo.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpor calquera outro recurso que considere pertinente ao seu dereito.
Pontevedra, 28 de abril de 2014
Ignacio Rial Santomé
Xefe territorial de Pontevedra