Tipo e número de recurso: recurso de suplicación 4148/2012 MRA.

Xulgado de orixe/autos: demanda 680/2011 Xulgado do Social número 5 de Vigo.

Recorrente: Instituto Nacional da Seguridade Social.

Avogado: Servizo Xurídico da Seguridade Social (Provincial).

Recorridos: Tesouraría Xeral da Seguridade Social, Umivale Mutua de Accidentes de Trabajo y Enfermedades Profesionales de la Seguridad Social número 15, Konstrunorest, S.L., María Rosa Sobrino Lavandeira, Javier Ferreira Sobrino, Anabel Ferreira Sobrino.

Avogados: Servizo Xurídico Seguridade Social (Provincial), Lorenzo Sabell Peláez, (…), Jorge Painceira Maciñeiras, Jorge Painceira Maciñeiras, Jorge Painceira Maciñeiras.

M. Socorro Bazarra Varela, secretaria xudicial da Sección número 1 da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 4148/2012 desta sección, seguido por instancia do Instituto Nacional da Seguridade Social contra a Tesouraría Xeral da Seguridade Social, Umivale Mutua de Accidentes de Trabajo y Enfermidades Profesionales de la Seguridad Social número 15, Konstrunorest, S.L., sobre recarga de accidente, se ditou a seguinte resolución:

Decidimos que desestimando o recurso de suplicación interposto polo Instituto Nacional da Seguridade Social contra a Sentenza de data do 21 de maio de 2012 do Xulgado do Social número 4 dos de Vigo, en autos 680/2011, debemos confirmar e confirmamos a dita resolución.

Incorpórese o orixinal desta sentenza, pola súa orde, ao libro de sentenzas deste Tribunal Superior de Xustiza de Galicia, Sala do Social.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público de seguridade social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 35, seguido de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).

Así, por esta a nosa sentenza, pronunciámolo, mandámolo e asinámolo.

Advírteselle á parte en ignorado paradoiro que, a partir deste momento, se lle efectuarán as notificacións en estrados, salvo que se trate de autos, sentenzas ou emprazamentos, de acordo co prevido no artigo 59 da Lei de procedemento laboral.

E para que así conste para os efectos da súa publicación no Diario Oficial de Galicia co fin de que sirva de notificación en forma a Konstrunorest, S.L., coa advertencia de que as seguintes comunicacións se farán en estrados, salvo as que deban revestir forma de auto ou sentenza ou se trate de emprazamento, expido e asino o presente edicto.

A Coruña, 13 de outubro de 2014

A secretaria xudicial