Nº de autos: DOI: 776/2013 do Xulgado do Social número 1

Nº de execución: execución de títulos xudiciais 194/2014

Executante: Manuel Baluja Vigo

Executados: Construcciones Lugilde, S.L., Fondo de Garantía Salarial (Fogasa)

Neste Xulgado do Social número 1 tramítase execución de títulos xudiciais 194/2014, por instancia de Manuel Baluja Vigo contra Construcciones Lugilde, S.L., Fondo de Garantía Salarial (Fogasa),en reclamación de cantidade de 15.019,77 euros de principal e a cantidade de 1.800 euros de xuros, gastos e custas, en que por resolución desta data se acordou sacar a pública poxa os bens que máis abaixo se dirán, sinalándose para que teña lugar na secretaría deste xulgado o próximo día 7.5.2015, ás 12.00 horas, coas condicións seguintes:

Primeiro. Que os licitadores, coa excepción do executante, para tomaren parte na poxa, deberán presentar xustificante acreditativo de ter depositado na conta de depósitos e consignacións deste tribunal, referencia nº ES 55 0049 3569 9200 0500 1274 1589 0000 64 0194 14, ou de ter prestado aval bancario polo 5 % do valor de taxación dos bens obxecto da poxa, facendo constar, de ser o caso, se se fai en nome de terceiro.

Segundo. Que se poderán facer ofertas por escrito en sobre pechado, desde o anuncio da poxa ata a súa celebración, mediante o depósito a que se fixo mención anteriormente.

Terceiro. Que se poderán facer ofertas superiores ao 50 % da valoración, pero ofrecendo pagar a prazos con garantías suficientes, bancarias ou hipotecarias, do prezo do remate.

Cuarto. Que non se poderá proceder á inmediata aprobación do remate se a cantidade ofrecida non supera o 50 % do valor de taxación ou, sendo inferior, non cobre, polo menos, a cantidade pola que se despachou execución, incluíndo a previsión para xuros e custas.

Quinto. Que unicamente o executante ou os responsables legais solidarios ou subsidiarios poderán concorrer reservando para si a facultade de ceder o remate a un terceiro, e tomar parte na poxa, só cando existan licitadores, mellorando as ofertas que se fixeren.

Sexto. En caso de que a poxa quede deserta, só o executante ou, na súa falta, os responsables legais solidarios ou subsidiarios, terán o dereito a adxudicarse o ben polo 30 % do valor do ben.

Sétimo. Para o suposto en que a notificación do sinalamento ao executado resulte negativa por estar en ignorado paradoiro, sirva este edicto de notificación.

Bens que se sacan a poxa e valor:

– Vehículo Volkswagen Tiguan, matrícula 5616 GWW, por un valor de 18.500,00 euros.

Santiago de Compostela, 27 de marzo de 2015

A secretaria xudicial