Ao abeiro do disposto na Lei orgánica 15/1999, do 13 de decembro, de protección de datos de carácter persoal, publicouse o 27 de decembro de 2011 a Orde do 15 de decembro de 2011, pola que se regulan os ficheiros de datos de carácter persoal existentes na Consellería de Traballo e Benestar.
O artigo 20 da dita lei dispón que a creación, modificación ou supresión dos ficheiros das administracións públicas só se poderá facer por medio de disposición xeral publicada no Boletín Oficial del Estado ou diario oficial correspondente e establece, no seu ordinal segundo, o contido que debe constar nas súas disposicións de creación e modificación.
A través da presente orde modifícase o ficheiro Persoas físicas (Servizo Público de Emprego), completando o procedemento de recollida do dato e a estrutura do ficheiro.
En consecuencia, en virtude das facultades que me confire o artigo 34.6 da Lei 1/1983, do 22 de febreiro, de normas reguladoras da Xunta e da súa Presidencia,
RESOLVO:
Artigo único. Modificación da Orde do 15 de decembro de 2011 pola que se regulan os ficheiros de carácter persoal existentes nesta consellería
O ficheiro denominado Persoas físicas (Servizo Público de Emprego), no punto 2. Ficheiros baixo a responsabilidade do Servizo Público de Emprego de Galicia da Consellería de Traballo e Benestar, anexo I. Ficheiros de nova creación, queda modificado nos seguintes termos:
|
Denominación do ficheiro |
Persoas físicas (Servizo Público de Emprego) |
|
Descrición da súa finalidade e usos previstos |
Identificación, xestión e comunicación coas persoas demandantes do servizo no ámbito das políticas de emprego dentro das competencias do Servizo Público de Emprego de Galicia. |
|
Colectivos sobre os cales se pretende obter datos ou que resulten obrigados a subministralos |
Persoas demandantes de emprego. Persoas traballadoras contratadas. Persoas desempregadas e perceptoras de prestación. Alumnado de formación ocupacional e de escolas obradoiro, casas de oficios e obradoiros de emprego. |
|
Procedemento de recolla de datos |
Formularios en papel e electrónicos; lector de impresión dixital. |
|
Procedencia dos datos |
A propia persoa interesada ou quen a represente legalmente. Outras administracións públicas. Entidades privadas. |
|
Estrutura básica do ficheiro Tipos de datos de carácter persoal (categorías de datos) |
Datos especialmente protexidos: saúde, vida sexual, afiliación sindical, violencia de xénero. Datos de carácter identificativo (DNI/NIF, nome e apelidos, teléfono, enderezo, sinatura, imaxe, nº de rexistro, impresión dixital, enderezo electrónico). Datos de características persoais. Datos económicos financeiros e de seguros. Datos de circunstancias sociais. Datos académicos e profesionais. Datos de detalle de emprego. |
|
Sistema de tratamento |
Mixto. |
|
Comunicacións ou cesións de datos |
Outros órganos da Administración do Estado. Servizo Público de Emprego Estatal e das comunidades autónomas con políticas de emprego transferidas. Organismos da Seguridade Social. Outros órganos da Comunidade Autónoma. Ofertantes de emprego. |
|
Transferencias internacionais de datos a países terceiros |
Non están previstas. |
|
Órgano responsable do ficheiro |
Consellería de Traballo e Benestar/ Servizo Público de Emprego de Galicia. |
|
Servizos ou unidades ante os cales poden exercer os dereitos de acceso, rectificación, cancelación e oposición |
Consellería de Traballo e Benestar/ Servizo Público de Emprego de Galicia. Edificio Administrativo de San Caetano. 15781 Santiago de Compostela (A Coruña). |
|
Nivel do ficheiro |
Alto. |
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 9 de xuño de 2015
Beatriz Mato Otero
Conselleira de Traballo e Benestar