Consonte o establecido no artigo 33 da Lei orgánica 2/1979, do 3 de outubro, do Tribunal Constitucional, esta dirección xeral dispón a publicación do acordo que figura como anexo a esta resolución.
Santiago de Compostela, 21 de decembro de 2015
Blanca García-Señoráns Álvarez
Directora xeral de Relacións Institucionais e Parlamentarias
ANEXO
Acordo da Comisión Bilateral de Cooperación Administración Xeral
do Estado-Comunidade Autónoma de Galicia en relación coa Lei 37/2015,
do 29 de setembro, de estradas
A Comisión Bilateral de Cooperación Administración Xeral da Estado-Comunidade Autónoma de Galicia, na súa reunión do día 9 de decembro do 2015, adoptou o seguinte acordo:
Primeiro. Iniciar negociacións para resolver as discrepancias manifestadas en relación cos artigos 4, 5 e 18; a disposición adicional primeira; o anexo II en relación coa AP-9, autoestrada do Atlántico, e a AP-53, autoestrada central de Galicia; e a disposición derradeira quinta da Lei 37/2015, do 29 de setembro, de estradas.
Segundo. Designar un grupo de traballo para proporlle á Comisión Bilateral de Cooperación a solución que proceda.
Terceiro. Comunicar este acordo ao Tribunal Constitucional para os efectos previstos no artigo 33.2 da Lei orgánica do Tribunal Constitucional, así como inserilo no Boletín Oficial del Estado e no Diario Oficial de Galicia.
Madrid, 9 de decembro de 2015
Cristóbal Montoro Romeu Ministro de Facenda e Administracións Públicas |
Alfonso Rueda Valenzuela Vicepresidente e conselleiro de Presidencia, Administracións Públicas e Xustiza |