Unha vez finalizado o prazo para presentar a solicitude, e realizada a baremación dos méritos do corpo de profesores de ensino secundario nas especialidades de Tecnoloxía (590019), Economía (590061), Administración de Empresas (590101) e, Informática (590107) e no corpo de profesores técnicos de formación profesional, nas especialidades de Operacións de Produción Agraria (591216) e Sistemas e Aplicacións Informáticas (591227), publícanse as puntuacións provisionais e a relación de excluídos provisionais na páxina web desta consellería.
En consecuencia, esta dirección xeral
RESOLVE:
Primeiro. Facer públicas na páxina web desta consellería (http://www.edu.xunta.es) as puntuacións provisionais e a relación de excluídos provisionais do baremo para prazas de interinidades e substitucións para impartir docencia do corpo de profesores de ensino secundario nas especialidades de Tecnoloxía (590019), Economía (590061), Administración de Empresas (590101) e Informática (590107) e, no corpo de profesores técnicos de formación profesional, nas especialidades de Operacións de Produción agraria (591216) e Sistemas e Aplicacións Informáticas (591227).
Segundo. Contra estas puntuacións provisionais e relación de excluídos provisionais poderá interporse reclamación no prazo de dez días naturais, a partir do día seguinte ao da publicación deste anuncio no DOG, ante o director xeral de Centros e Recursos Humanos da Consellería de Cultura, Educación e Ordenación Universitaria.
Santiago de Compostela, 13 de decembro de 2016
José Manuel Pinal Rodríguez
Director xeral de Centros e Recursos Humanos