Advertidos erros na orde publicada no Diario Oficial de Galicia núm. 8, do 12 de xaneiro de 2017, cómpre facer as seguintes correccións:
Na páxina 1720, no artigo 5.1.b.1º), onde di: «Roza de penetración, en masas de frondosas, previa á realización de podas (roza a media altura en liña de planta para poder chegar á árbore e realizar a poda), ou roza mecanizada en rúas», debe dicir: «Roza».
Na páxina 1721, o artigo 5.4 queda redactado como segue: «Non serán elixibles as actuacións realizadas en superficies sobre as cales se concedeu subvención nos 5 anos anteriores á presente convocatoria, excepto no caso de traballos de control selectivo do combustible (MR651A), que se limitará aos 3 anos anteriores».
Na páxina 1721, no artigo 6, onde di: «en couto redondo en que a súa continuidade superficial non se interrompa pola existencia de barreras naturais ou artificiais.», debe dicir: «en couto redondo. A continuidade superficial do couto redondo non se verá interrompida pola existencia de barreiras naturais ou artificiais.».
Na páxina 1722, no artigo 6, punto 2 b), onde di: «a superficie mínima de cada couto redondo sexa de 3 hectáreas», debe dicir: «a superficie mínima de cada couto redondo sexa de 1 hectárea».
Na páxina 1723, no artigo 7, punto 4, elimínase o seguinte texto: «Malia o anterior, no caso de montes con superficies superiores a 25 hectáreas en couto redondo, deben contar cun plan técnico, proxecto de ordenación ou plan de xestión en que se considere a realización dos traballos solicitados ao abeiro da presente orde. O dito plan técnico, proxecto de ordenación ou plan de xestión deberá ter sido presentado con anterioridade á finalización do prazo de solicitude da axuda e aprobado con anterioridade ao inicio dos investimentos forestais».
Na páxina 1730, no artigo 12, punto 1.a.5), onde di: «en papel e en formato pdf», debe dicir: «en papel, no caso de non presentación telemática, e en formato pdf».
Na páxina 1734, no artigo 15, punto 6, onde di: «artigo 10.5», debe dicir: «10.4».
Na páxina 1741, no artigo 18, punto 6, onde di: «Está ampliación deberá solicitarse, como máximo, …», debe dicir: «Está ampliación deberá solicitarse, como mínimo, …».
Na páxina 1743, o artigo 19, punto 3.c), queda redactado como segue: «Arquivo gráfico (medición con GPS) en formato dixital SHP ou similar coa superficie afectada polos traballos subvencionados, coas mesmas características que o ficheiro que figura no artigo 8.2.f).».
Na páxina 1743, o artigo 19, punto 3.e), queda redactado como segue: «Certificado final de obra emitido polo director de obra, excepto no caso de propietarios particulares de xeito individual con superficie de actuación inferior a 10 hectáreas, en que figure unha relación valorada dos traballos executados».
Na páxina 1772, na táboa nº 3, código M11, debe dicir: «Rareos en masas de coníferas con diámetro normal medio da masa antes da actuación inferior a 15 cm, acandando unha densidade final entre 800 e 1.200 pés/ha».