A Lei orgánica 5/2002, do 19 de xuño, das cualificacións e da formación profesional, establece no artigo 3.5 que un dos fins do Sistema nacional de cualificacións e formación profesional é o de avaliar e acreditar oficialmente a cualificación profesional, calquera que sexa a súa forma de adquisición, e no seu artigo 4 establece que un dos seus instrumentos é o procedemento de recoñecemento, avaliación, acreditación e rexistro das cualificacións profesionais.

O Real decreto 1224/2009, do 17 de xullo (BOE do 25 de agosto), de recoñecemento das competencias profesionais adquiridas pola experiencia laboral, desenvolve o establecido no artigo 8.4 da Lei orgánica 5/2002, do 19 de xuño, das cualificacións e da formación profesional, establecendo o procedemento e os requisitos para a avaliación e a acreditación das competencias profesionais adquiridas polas persoas a través da experiencia laboral ou de vías non formais de formación, así como os seus efectos.

No seu artigo 22.1 establece que as administracións responsables do procedemento de avaliación e acreditación das competencias profesionais, no seu ámbito territorial correspondente, terán entre as súas funcións habilitar os asesores e avaliadores e manter un rexistro deles.

No mesmo artigo establécese que a Administración xeral do Estado e as administracións competentes das correspondentes comunidades autónomas habilitarán as persoas necesarias para garantir o desenvolvemento das funcións de asesoramento e avaliación que deberán cumprir en todo caso, os requisitos establecidos no artigo 25.1.

Para a implantación do procedemento en Galicia, o Decreto 4/2013, do 10 de xaneiro, polo que se establece a estrutura orgánica da Consellería de Cultura, Educación e Ordenación Universitaria, atribúe á Dirección Xeral de Educación, Formación Profesional e Innovación Educativa as competencias para a promoción e o desenvolvemento do recoñecemento de competencias profesionais nas diferentes familias profesionais que compoñen o Catálogo nacional de cualificacións profesionais. Así mesmo, indica que será a Subdirección Xeral de Formación Profesional a quen lle corresponde a organización e coordinación do sistema de recoñecemento, avaliación e acreditación de competencias profesionais.

Pola Resolución do 26 de abril de 2017 convocouse o proceso de acreditación de competencias profesionais adquiridas a través da experiencia laboral, para determinadas unidades de competencia do Catálogo nacional de cualificacións profesionais, en desenvolvemento do Acordo de colaboración subscrito entre a Consellería de Medio Ambiente e Ordenación do Territorio, a Consellería de Cultura Educación e Ordenación Universitaria e a Consellería do Medio Rural.

O artigo 2 da devandita orde establece que a Dirección Xeral de Educación, Formación Profesional e Innovación Educativa será a encargada da organización e o desenvolvemento do proceso de acreditación de competencias adquiridas pola experiencia laboral e por vías non formais de formación, a través da Subdirección Xeral de Orientación Profesional e Relación con Empresas.

Segundo a autorización establecida na disposición derradeira primeira da mesma orde, esta dirección xeral

RESOLVE:

Habilitar as persoas incluídas no anexo desta resolución para desenvolver as funcións de asesoramento e/ou avaliación, en determinadas unidades de competencia ou familia profesional do Catálogo nacional de cualificacións profesionais de conformidade co Real decreto 1224/2009, do 17 de xullo (BOE do 25 de agosto), de recoñecemento das competencias profesionais adquiridas pola experiencia laboral; e incorporalas ao correspondente rexistro.

Santiago de Compostela, 15 de setembro de 2017

Manuel Corredoira López
Director xeral de Educación, Formación Profesional e Innovación Educativa

ANEXO
Sector produtivo

Familia profesional: Agraria.

Apelidos e nome	DNI	Tratamento	Código UC	Unidade de competencia	Código habilitación
Díaz Doval, Xesús	33994031P	Avaliador	UC0009_3	Xestionar a maquinaria, equipos e instalacións de xardinaría	AVP000931092
			UC0727_3	Realizar operacións topográficas en traballos de agricultura, xardinaría e montes	AVP072731093
			UC0728_3	Xestionar as operacións de repoboación forestal e de corrección hidrolóxico-forestal	AVP072831094
			UC0729_3	Xestionar os tratamentos selvícolas	AVP072931095
			UC0730_3	Xestionar a maquinaria, equipos e instalacións da explotación forestal	AVP073031096
			UC1132_3	Xestionar a maquinaria, equipos e instalacións da explotación agrícola	AVP113231097
			UC1486_3	Organizar e supervisar as operacións de inventario e seguimento do hábitat natural	AVP148631098
			UC1487_3	Xestionar os aproveitamentos forestais madeireiros	AVP148731099
			UC1488_3	Xestionar os aproveitamentos forestais non madeireiros	AVP148831100
			UC1492_3	Xestionar as operacións de propagación de plantas en viveiro	AVP149231101
			UC1498_3	Xestionar os traballos derivados da planificación e seguimento do hábitat acuícola continental	AVP149831102
			UC1499_3	Xestionar os traballos derivados da planificación do hábitat das especies cinexéticas	AVP149931103

Familia profesional: Seguridade e Medio Ambiente.

Apelidos e nome	DNI	Tratamento	Código UC	Unidade de competencia	Código habilitación
Díaz Doval, Xesús	33994031P	Avaliador	UC0083_3	Controlar e vixiar os espazos naturais e o seu uso público	AVP008331104
			UC0085_3	Controlar o aproveitamento dos recursos cinexéticos e piscícolas	AVP008531105
			UC0086_3	Vixiar e colaborar nas operacións de restauración, mantemento, ordenación e defensa dos recursos naturais	AVP008631106