Cédula de notificación de sentenza
No procedemento de referencia ditouse sentenza cuxo encabezamento e decisión son do teor literal seguinte:
«Sentencia nº 392
Vigo, dezanove de novembro de dous mil dezaoito.
Vistos por min, María Dolores Rodríguez Leirós, jueza substituta do Xulgado de Primeira Instancia número 5 de Vigo e o seu partido, a presente demanda de modificación de medidas, rexistrada co número 15/2017, interposta polo procurador dos tribunales Pedro Lanero Taboas, en nome e representación de Apolinar Nemesio Abelenda Varela, coa asistencia letrada de Marta Pérez Castiñeira Sánchez contra Gladys dos Santos Gómez, en rebeldía procesual e sen a intervención do Ministerio Fiscal, declárase,
Seguen antecedentes de feito e razoamentos xurídicos
Decido
Que estimando integramente a demanda de modificación das medidas definitivas presentada polo procurador Sr. Lanero Taboas, en nome e representación de Apolinar Nemesio Abelenda Varela contra Gladys dos Santos Gómez, en rebeldía procesual, declaro extinguida desde a data da presentación da demanda (o 2 de xaneiro de 2017) a pensión de alimentos que Apolinar Nemesio Abelenda Varela debe aboar a favor das súas dúas fillas establecida na Sentenza nº 465 de data 10 de xullo de 2007 ditada no procedemento de divorcio contencioso tramitado ante este xulgado co número 378/2007.
Sen imposición das custas a ningunha das partes.
Notifíquese esta resolución ás partes, facéndolles saber que contra esta cabe interpoñer recurso de apelación ante a Audiencia Provincial de Pontevedra no prazo de vinte días contado desde o seguinte ao da notificación da sentenza.
Así o acorda, manda e asina, María Dolores Rodríguez Leirós, xuíza do Xulgado de Primeira Instancia número 5 de Vigo e o seu partido».
E como consecuencia do ignorado paradoiro de Gladys dos Santos Gómez, esténdese a presente para que sirva de cédula de notificación.
Vigo, 4 de xaneiro de 2019
A letrada da Administración de xustiza