A Xunta de Goberno Local do Concello de Moaña, en sesión do 25 de marzo de 2019, aprobou inicialmente o Plan especial de reforma interior que desenvolve o solo urbano non consolidado (SUNC) do polígono número 11 do Plan xeral de ordenación municipal, en Sisalde.

De conformidade co artigo 75.1.a) da Lei 2/2016, do 10 de febreiro, do solo de Galicia, e o artigo 186 do Decreto 143/2016, do 22 de setembro (Regulamento da Lei do solo de Galicia), sométese a información pública polo prazo de dous (2) meses contados desde a publicación no DOG. Así mesmo, estará á disposición na sede electrónica (Portal de transparencia) do Concello de Moaña http://concellodemoana.sedelectronica.gal.

Durante o dito período quedará o expediente á disposición de calquera que queira examinalo no concello ou obter copias para que se presenten as alegacións que se consideren pertinentes.

Segundo o previsto nos artigos 47 da Lei do solo de Galicia (LSG) e 86 do Regulamento da Lei do solo de Galicia (RLSG), suspéndese o outorgamento de licenzas no ámbito do polígono 11 do PXOM (Sisalde) durante o prazo de dous anos contados desde a aprobación inicial, e extinguirase, en todo caso, coa aprobación definitiva do plan.

Moaña, 27 de marzo de 2019

Leticia Santos Paz
Alcaldesa