Conforme o establecido no Decreto 115/2017, do 17 de novembro, polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos de policía local, vixilantes municipais e auxiliares de policía local (Diario Oficial de Galicia núm. 222, do 22 de novembro), esta vicepresidencia, en virtude da delegación conferida para o efecto polos concellos interesados, convocou o proceso selectivo unitario para a provisión, mediante contrato laboral temporal, de postos de auxiliares de policía local (DOG núm. 65, do 3 de abril de 2019).

No exercicio das súas competencias, o Concello de Bueu solicitou que se modificou esta orde e que se convocasen seis (6) postos de auxiliar de policía local en lugar de 8.

Así mesmo, comprobouse que a suma total dos postos ofertados contiña un erro e que procedía tamén a súa modificación.

Por canto antecede, e por proposta da Agasp, no uso das facultades conferidas no artigo 4 do Decreto 115/2017, do 17 de novembro, esta vicepresidencia, en virtude da delegación conferida para o efecto polos concellos interesados,

DISPÓN:

Artigo único. Modificación da Orde do 25 de marzo de 2019 pola que se aproban as bases xerais reguladoras e se convoca o proceso selectivo unitario para a provisión, mediante contrato laboral temporal, de postos de auxiliares de policía local

A Orde do 25 de marzo de 2019 pola que se aproban as bases xerais reguladoras e se convoca o proceso selectivo unitario para a provisión, mediante contrato laboral temporal, de postos de auxiliares de policía local, queda modificada como segue:

No artigo 1, onde di: «O obxecto desta convocatoria é a provisión, mediante contrato laboral temporal, de 147 postos de auxiliares de policía local dos concellos que a continuación se enumeran e a creación da lista de colaboración para a súa contratación», debe dicir: «O obxecto desta convocatoria é a provisión, mediante contrato laboral temporal, de 149 postos de auxiliares de policía local dos concellos que a continuación se enumeran e a creación da lista de colaboración para a súa contratación».

A lista de concellos cos respectivos números de prazas debe quedar como segue:

Concello	Nº de prazas
A Cañiza	1
A Estrada	4
A Fonsagrada	1
A Guarda	2
A Pobra do Caramiñal	4
Barbadás	2
Bergondo	2
Betanzos	4
Bueu	6
O Carballiño	6
Cedeira	4
Malpica de Bergantiños	2
Marín	4
Meaño	1
Melide	2
Negreira	2
Nigrán	4
Ortigueira	2
Redondela	6
Rianxo	1
Salceda de Caselas	2
Sanxenxo	33
Sarria	4
Tomiño	1
Valdoviño	2
Vilagarcía de Arousa	15
O Barco de Valdeorras	2
Poio	4
A Illa de Arousa	2
Xinzo de Limia	2
Ponteareas	6
O Grove	4
A Laracha	3
Soutomaior	1
Cangas	2
Oleiros	6

Esta modificación non afecta o prazo de presentación de solicitudes desta convocatoria.

Esta orde pon fin á vía administrativa e contra ela as persoas interesadas poderán presentar recurso potestativo de reposición, ante a persoa titular da consellería competente en materia de seguridade, no prazo dun mes contado desde o día seguinte ao da súa publicación no DOG, conforme a Lei 39/2015, do 1 de outubro, ou impugnala directamente, ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, conforme a Lei 29/1998, do 13 de xullo, reguladora da xurisdición contencioso-administrativa.

Santiago de Compostela 16 de maio de 2019

Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza