Advertidos erros na dita resolución, publicada no Diario Oficial de Galicia número 15, do 23 de xaneiro de 2020, cómpre facer a seguinte corrección:
Na páxina 3930, onde di:
«Artigo 4. Contía da axuda
A contía da axuda será do 50 % do investimento elixible da instalación, tendo en conta o seu orzamento e os requisitos específicos recollidos no artigo 5 destas bases reguladoras. A contía máxima por proxecto será de 25.000 €. Adicionalmente, na procura de instalacións de potencia racionais, establécese unha axuda máxima por vivenda de 4.000 €. No caso de que o proxecto solicitado inclúa baterías de litio de potencia igual ou superior a 4 kWh incrementarase en 1.500 €.
Cada entidade colaboradora poderá solicitar un máximo de 250.000 € en proxectos con reserva de fondos.».
Debe dicir:
«Artigo 4. Contía da axuda
A contía da axuda será do 50 % do investimento elixible da instalación, tendo en conta o seu orzamento e os requisitos específicos recollidos no artigo 5 destas bases reguladoras. A contía máxima por proxecto será de 25.000 €. Adicionalmente, na procura de instalacións de potencia racionais, establécese unha axuda máxima por vivenda de 4.000 €. No caso de que o proxecto solicitado inclúa baterías de litio de potencia igual ou superior a 4 kWh, incrementarase en 1.500 €.
En ningún caso serán subvencionables as ampliacións das instalacións fotovoltaicas asociadas á subministración eléctrica das vivendas que xa foron obxecto de axuda de Inega en anos anteriores.
Cada entidade colaboradora poderá solicitar un máximo de 250.000 € en proxectos con reserva de fondos.».