O Pleno do Concello da Estrada, en sesión celebrada o día 30 de abril de 2020, adoptou por unanimidade o seguinte acordo:
1. Desestimar as alegacións achegadas polo Colexio Oficial de Enxeñeiros Técnicos Forestais, en virtude do disposto na fundamentación xurídica que consta no expediente 3448/19.
2. Aprobar definitivamente o Plan de prevención de incendios forestais do Concello da Estrada, elaborado e asinado por Pablo Arbones Maciñeira (enxeñeiro de Montes número 2171) e por Carmen Paz López (enxeñeira técnica forestal número colexiada 1265).
De conformidade coa disposición adicional terceira do Real decreto 463/2020, do 14 de marzo, os prazos para presentar os recursos correspondentes quedan suspendidos.
Unha vez perda a vixencia da dita suspensión ou as súas posibles prórrogas, indícase que:
Contra o dito acordo, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Pontevedra, no prazo de dous meses contados desde a publicación do anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Non obstante, con carácter previo e potestativo, poderase interpoñer recuso de reposición ante o Pleno deste Concello no prazo dun mes contado a partir do día seguinte ao da súa publicación, segundo dispoñen os artigos 123 e 124 da Lei 39/2015, do 1 de outubro, do procedemento administrativo común das administracións públicas, recurso que deberá entenderse desestimado se no prazo dun mes non é notificada resolución expresa, para efectos da interposición do correspondente recurso contencioso-administrativo. Todo iso sen prexuízo de calquera outro recurso que se considere oportuno exercer.
A Estrada, 22 de maio de 2020
José Carlos López Campos
Alcalde