Mediante a Orde do 8 de xullo de 2020 (DOG núm. 141, do 16 de xullo) publicáronse as bases reguladoras das axudas da Consellería de Política Social para o investimento na mellora das infraestruturas e do equipamento das escolas infantís 0-3 dependentes de entidades privadas de iniciativa social, e a convocatoria para o ano 2020.
De conformidade co artigo 13.1 da antedita orde, a resolución dos expedientes de axudas, que será debidamente motivada e se realizará logo da fiscalización da proposta, corresponde á persoa titular da Dirección Xeral de Familia, Infancia e Dinamización Demográfica, quen resolverá por delegación da persoa titular da Consellería de Política Social.
No número 3 do mesmo artigo establécese que, por tratarse dun procedemento de concorrencia competitiva e de conformidade co artigo 45 da Lei 39/2015, do 1 de outubro, do procedemento administrativo común das administracións públicas, as resolucións deste procedemento de concesión das subvencións públicas serán obxecto de publicación no Diario Oficial de Galicia, a cal producirá os mesmos efectos da notificación.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 29 de setembro de 2020, ditada no procedemento BS403F, de concesión de axudas para o investimento na mellora das infraestruturas e do equipamento das escolas infantís 0-3 dependentes de entidades privadas de iniciativa social, cofinanciadas polo Fondo Europeo de Desenvolvemento Rexional no marco do programa operativo Feder Galicia (2014-2020), que se xunta á presente resolución no anexo.
Segundo. Comunicar que a Resolución do 29 de setembro de 2020, que finaliza este procedemento, esgota a vía administrativa e contra ela poderá interporse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da publicación desta resolución no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da súa publicación no Diario Oficial de Galicia.
Terceiro. Unha vez notificada a resolución polo órgano competente, as entidades propostas como beneficiarias disporán dun prazo de dez (10) días computado a partir do día seguinte ao da publicación para a súa aceptación, transcorrido o cal sen que se producise manifestación expresa, entenderase tacitamente aceptada.
Santiago de Compostela, 29 de setembro de 2020
Jacobo José Rey Sastre
Director xeral de Familia, Infancia e Dinamización Demográfica
ANEXO
Resolución do 29 de setembro de 2020 ditada no procedemento BS403F de concesión de axudas para o investimento na mellora das infraestruturas e do equipamento das escolas infantís 0-3 dependentes de entidades privadas de iniciativa social, cofinanciadas polo Fondo Europeo de Desenvolvemento Rexional no marco do programa operativo Feder Galicia (2014-2020)
Unha vez realizada a instrución do procedemento segundo o previsto no artigo 10 da orde de convocatoria, aplicados os criterios preferenciais pola Comisión de Valoración, elevado informe ao órgano instrutor e vista a proposta de resolución do devandito órgano, a Subdirección Xeral de Demografía e Conciliación, de conformidade co disposto no artigo 11.2 da Orde do 8 de xullo de 2020, pola que se regulan as bases que rexerán o procedemento de concesión de axudas para o investimento na mellora das infraestruturas e do equipamento das escolas infantís 0-3 dependentes de entidades privadas de iniciativa social, e se convocan para o ano 2020, cofinanciada polo Fondo Europeo de Desenvolvemento Rexional no marco do programa operativo Feder Galicia 2014-2020, e fiscalizada esta, facendo uso do previsto no artigo 7.3 da Lei 9/2007, do 13 de xuño, de subvencións de Galicia,
RESOLVO:
Primeiro. Conceder ás entidades que se relacionan no anexo I, de acordo coa puntuación e cos criterios establecidos no artigo 12 da orde de convocatoria, as axudas convocadas na devandita orde con cargo á aplicación orzamentaria 13.02.312B.781.1.
Esta axuda pública está cofinanciada nun 80 % polo Fondo Europeo de Desenvolvemento Rexional, no marco do programa operativo Feder Galicia 2014-2020, en particular:
Obxectivo temático 10: investir en educación, formación e formación profesional para a adquisición de capacidades e aprendizaxe permanente.
Prioridade de investimento 10.5: investir en educación, formación e formación profesional para a adquisición de capacidades e aprendizaxe permanente mediante o desenvolvemento de infraestruturas de educación e formación.
Obxectivo específico 10.5.1: mellorar as infraestruturas de educación e formación.
Actuación 10.5.1.4b: axudas ao investimento en centros de atención á primeira infancia de 0-3 anos e casas niño.
Categoría de intervención CE052: infraestruturas para a atención e a educación da primeira infancia.
O que exixe o cumprimento da normativa aplicable a este fondo, en particular, o Regulamento (UE) nº 1303/2013 do Parlamento Europeo e do Consello, do 17 de decembro, e o Regulamento (UE) nº 1301/2013 do Parlamento Europeo e do Consello, do 17 de decembro, sobre o Fondo Europeo de Desenvolvemento Rexional e sobre disposicións específicas relativas ao obxectivo de investimento en crecemento e emprego e polo que se derroga o Regulamento (CE) nº 1080/2006, así como o previsto na Orde HFP/1979/2016, do 29 de decembro, pola que se aproban as normas sobre os gastos subvencionables dos programas operativos do Fondo Europeo de Desenvolvemento Rexional para o período 2014-2020.
A concesión desta axuda supón que a entidade beneficiaria acepta ser incluída na lista pública de operacións prevista no artigo 115.2 do Regulamento (UE) nº 1303/2013. Así mesmo, a beneficiaria deberá cumprir os requisitos de publicación e comunicación en relación coa publicidade do financiamento, de conformidade co previsto no anexo XII, punto 2.2, do devandito Regulamento (UE) nº 1303/2013.
O método aplicado para determinar o importe subvencionable e o importe da subvención é o de custos reais.
As axudas concedidas condicionaranse ao cumprimento de todas as obrigas establecidas na Orde do 8 de xullo de 2020.
A xustificación da subvención realizarase de acordo co establecido no artigo 187 da orde de convocatoria.
Coa solicitude de pagamento, a entidade beneficiaria deberá informar sobre o nivel de logro dos indicadores de produtividade asociados a esta convocatoria de axudas.
O pagamento da subvención realizarase de acordo co establecido no artigo 19 da Orde do 8 de xullo de 2020.
Segundo. Denegar ás entidades relacionadas no anexo II as axudas solicitadas polas causas que se detallan.
Terceiro. Esta resolución que finaliza o procedemento esgota a vía administrativa e contra ela poderase interpor recurso potestativo de reposición ante o mesmo órgano que a ditou, no prazo dun mes contado a partir da súa publicación no Diario Oficial de Galicia, segundo o establecido nos artigos 123 e 124 da Lei 39/2015, do 1 de outubro, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da publicación no Diario Oficial de Galicia, segundo o establecido no artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 29 de setembro de 2020. A conselleira de Política Social. P.D. (Artigo 13 da Orde do 8.7.2020; DOG núm. 141, do 16 de xullo). Jacobo José Rey Sastre, director xeral de Familia, Infancia e Dinamización Demográfica.
ANEXO I
Axudas concedidas
|
Núm. expte. |
Provincia |
Concelllo |
Entidade |
NIF |
Escola infantil |
Puntuación |
Axuda que se vai conceder |
|
BS403F-11 |
A Coruña |
Ferrol |
Colexio La Salle. Hnos. Esc. Cristianas |
R1500082A |
Colexio La Salle. Hnos. Esc. Cristianas |
90 |
24.269,39 € |
|
BS403F-22 |
Pontevedra |
Bueu |
Escola Infantil Ceo Azul |
G94146487 |
Escola Infantil Ceo Azul Bueu |
65 |
21.255,28 € |
|
BS403F-4 |
León |
Vilanova de Arousa |
Compañía de las Hijas de la Caridad San Vicente de Paúl |
R2400083H |
Guardería Infantil Sonrisas y Lágrimas |
90 |
19.509,98 € |
|
BS403F-23 |
A Coruña |
Santiago de Compostela |
AXI Raiola |
G15041601 |
Xardín da Infancia Raiola |
90 |
21.838,18 € |
|
BS403F-1 |
Pontevedra |
Marín |
Asociación Educativa Dalila |
G36349363 |
Escuela Infantil Integral Dalila-Tiro-Fragata |
75 |
25.000,00 € |
|
BS403F-5 |
Pontevedra |
Vigo |
Asociación Educativa San Nicolás |
G36822567 |
Asociación Educativa San Nicolás |
75 |
24.975,77 € |
|
BS403F-7 |
Pontevedra |
Sanxenxo |
Asociación de Iniciativa Social Abrente |
G94062015 |
Escola Infantil Abrente |
75 |
25.000,00 € |
|
BS403F-9 |
Pontevedra |
Vigo |
Panxoliñas, S. Coop. Galega |
F27777630 |
Escuela Infantil Panxoliñas |
75 |
21.302,27 € |
|
BS403F-10 |
Pontevedra |
Poio |
Asociación Educativa Monte Saíñas |
G36595247 |
Escola Infantil Saíñas |
75 |
23.486,04 € |
|
BS403F-14 |
Pontevedra |
Gondomar |
Congregación Misioneras de María Mediadora |
R3600121B |
CEIL Guardería Laboral San José |
75 |
23.817,87 € |
|
BS403F-15 |
Pontevedra |
Soutomaior |
Asociación Educativa Santiago Apóstol |
G94062486 |
Escola Infantil Santiago Apóstol |
75 |
22.877,09 € |
|
BS403F-17 |
Pontevedra |
Pontevedra |
Asociación Guardería Laboral Pipo |
G36213718 |
Guardería Pipo |
75 |
19.263,83 € |
|
BS403F-20 |
A Coruña |
Betanzos |
Fundación Raiola |
G15390636 |
Escuela Infantil Niño Jesús |
75 |
23.529,73 € |
|
BS403F-3 |
A Coruña |
Santiago de Compostela |
Asociación Educativa Antares |
G70398094 |
Escola Infantil Rubido Romero |
70 |
15.563,93 € |
|
BS403F-12 |
Pontevedra |
Cangas |
Asociación Educativa Eduardo Pondal |
G94070497 |
Escola Infantil Eduardo Pondal |
70 |
23.969,10 € |
|
BS403F-16 |
A Coruña |
Ferrol |
Abc Sociedade Cooperativa Galega |
F15471956 |
Escola Infantil Abc |
70 |
24.834,72 € |
|
BS403F-2 |
Pontevedra |
Silleda |
Asociación María Seoane Colmeiro |
G36261899 |
Escola Infantil Mª Inmaculada |
65 |
19.594,04 € |
|
BS403F-18 |
Pontevedra |
Vigo |
APA Colegio Atalaya Cantabria |
G36873990 |
Escola Infantil Atalaya Cantabria |
60 |
9.025,87 € |
|
BS403F-19 |
Pontevedra |
A Estrada |
Asociación Educativa Elfos |
G36348431 |
Escola Infantil Elfos |
60 |
10.886,91 € |
|
|
400.000 € |
||||||
ANEXO III
Solicitudes denegadas/inadmitidas
|
Núm. expte. |
Provincia |
Entidade |
NIF |
Escola infantil |
Puntuación |
Causa |
|
BS403F-21 |
Lugo |
Asociación Educativo-Social Pumuky |
G27388412 |
Escuela Infantil Pumuky |
60 |
Esgotamento de crédito |
|
BS403F-25 |
A Coruña |
Asociación Educativa Aloha |
G15867153 |
Escuela Infantil Aloha |
60 |
Esgotamento de crédito |
|
BS403F-28 |
A Coruña |
Asociación Socioeducativa O Parque |
G70489422 |
Escola Infantil O Parque |
60 |
Esgotamento de crédito |
|
BS403F-24 |
A Coruña |
Casa do Neno |
R1500056E |
Casa do Neno |
50 |
Esgotamento de crédito |
|
BS403F-6 |
Pontevedra |
Asociación Edcuativa Ángel de la Guarda |
G36771459 |
Asociación Educativa Ángel de la Guarda |
45 |
Esgotamento de crédito |
|
BS403F-8 |
Pontevedra |
Congregación Siervas de la Pasión |
R0800086A |
Escuela Infantil Santa Isabel |
45 |
Esgotamento de crédito |
|
BS403F-26 |
A Coruña |
Escola Infantil Chip-Chop, S.C.G. |
F70082987 |
Escola Infantil Chip-Chop, S.C.G. |
45 |
Esgotamento de crédito |
|
BS403F-27 |
A Coruña |
Dimafa, Sociedade Cooperativa Galega |
F70281365 |
Escola Infantil Fany |
40 |
Esgotamento de crédito |
|
BS403F-13 |
A Coruña |
Colexio Jorge Juan Sociedade Cooperativa Galega |
F15130958 |
Escola Infantil Colexio Jorge Juan |
Incumprimento do requisito do art. 4.2: investimento para realizar inferior ao mínimo elixible |
