Eu, M. Asunción Barrio Calle, letrada da Administración de xustiza da Sección 1ª desta Sala do Social do Tribunal Superior de Xustiza da Coruña, fago saber que no procedemento de recurso de suplicación 832/2020 desta sección, seguido por instancia de María del Carmen Nieves Ramos, Paula Saavedra Nieves, Alejandro Saavedra Nieves contra a empresa Fogasa, Automóviles Louzao, S.A., A.C. Medin, S.A., Generali España, S.A. de Seguros y Reaseguros, sobre reclamación de cantidade, se ditou resolución, cuxa parte dispositiva é a seguinte:

«Resolvemos que estimamos en parte o recurso de suplicación formulado por María del Carmen Nieves Ramos, Paula Saavedra Nieves e Alejandro Saavedra Nieves contra a Sentenza ditada o 31 de outubro de 2019 polo Xulgado do Social número 1 de Santiago de Compostela en autos número 766-16 sobre mellora de seguridade social contra Automóviles Louzao, S.A., Generali España, S.A. de Seguro y Reaseguros, Reale Seguros Generales, A.C. Medin, S.A e Fogasa e con revogación da devandita resolución acollemos a demanda reitora dos autos e, en consecuencia, condenamos o codemandado Automóviles Louzao, S.A. a que aboe aos demandantes a suma de trinta e dous mil euros cos xuros correspondentes segundo o razoado na fundamentación xurídica, desestimando o devandito recurso fronte ao resto de codemandados aos cales se absolve das pretensións na súa contra deducidas.

Modo de impugnación: faise saber ás partes que contra esta sentenza cabe interpoñer recurso de casación para unificación de doutrina que debe prepararse mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 35 seguida de catro díxitos correspondentes ao nº do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).

Unha vez firme, expídase certificación para constancia na peza que se arquivará neste tribunal incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentencia, pronunciámolo, mandámolo e asinámolo».

E para que sirva de notificación en legal forma a A.C. Medin, S.A., en ignorado paradoiro, expido a presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 21 de outubro de 2020

A letrada da Administración de xustiza