Visto o expediente para outorgamento da autorización administrativa previa e de construción da instalación eléctrica que a seguir se describe:

Solicitante: Unión Fenosa Distribución, S.A.

Domicilio social: A Batundeira, 2, Velle, Ourense.

Denominación: recuamento RBTS rúa Anxel Fole, nº 211 (Baralla).

Situación: concello de Baralla.

Características técnicas:

• Liña de media tensión soterrada a 20 kV, con orixe nun paso aéreo a soterrado proxectado no apoio existente de formigón da LMT CRG806, entra e sae no CT proxectado na rúa do Toxal e remata nun empalme proxectado na LMT CRG 806, cunha lonxitude de 42 metros en condutor tipo RHZ1-240 mm.

• CT en edificio prefabricado de manobra interior ubicado na rúa do Toxal, cunha potencia instalada de 400 kVA, no cal se instalan tres celas de liña e unha de protección, relación de transformación de 20.000/400-230 V.

• RBT soterrada formada por sete circuítos, con orixe no cadro de baixa tensión do CT proxectado e final no enlace coas RBT existentes, cunha lonxitude de 533 metros en condutor tipo XZ1.

• RBT aérea formada por dous circuítos, con orixe nos pasos aéreos a soterrados proxectados e final na RBT aérea existente, cunha lonxitude de 65 metros en condutor tipo RZ.

• Desmontaxe do CT Baralla-Colexio, da LMT aérea que o alimenta e de redes de baixa tensión.

Cumpridos os trámites ordenados na Lei 24/2013, do 26 de decembro (BOE núm. 310) do sector eléctrico, e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias, e na Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 5/2017, do 19 de outubro, de fomento da implantación de iniciativas empresariais en Galicia, esta xefatura territorial, de acordo cas competencias que resultan do Decreto 135/2017, do 28 de decembro, polo que se crea e establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:

Conceder a autorización administrativa previa e de construción ás ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

O prazo de posta en marcha das instalacións que se autorizan será de doce (12) meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente segundo e conselleiro de Economía, Emprego e Industria no prazo dun (1) mes, a partir do día seguinte ao da notificación ou publicación desta resolución; tamén se poderá interpor calquera outro recurso que considere pertinente ao seu dereito.

Lugo, 19 de novembro de 2020

Pilar Fernández López
Xefa territorial de Lugo

Segundo a disposición transitoria terceira do Decreto 130/2020, do 17 de setembro, polo que se fixa a estrutura orgánica das vicepresidencias e das consellerías da Xunta de Galicia.