Eu, María del Carmen Fernández Matas, letrada da Administración de xustiza do Xulgado de Primeira Instancia número 5 de Ferrol, mediante este edicto, anuncio que no procedemento seguido por instancia de Eva María Seijas Luna fronte a Carlos Luis Seijas Luna se ditou sentenza, cuxo encabezamento e parte dispositiva son do teor literal seguinte:
Xulgado de Primeira Instancia número 5 Ferrol
Sentenza 116/2020
XVB xuízo verbal 967/2019
Procedemento orixe: /
Sobre outros verbal
Demandante: Eva María Seijas Luna
Procurador: Juan Ramón Pedreira Espiñeira
Avogado: Fernando Pantín Maneiros
Demandado: Carlos Luis Seijas Luna
Sentenza.
Ferrol, 26 de outubro de 2020.
Vistos por Berta Vidal Gallego, maxistrada do Xulgado de Primeira Instancia número 5 de Ferrol, os presentes autos de xuízo verbal número 967/2019, seguidos ante este xulgado, en que son partes, como demandante, Eva María Seijas Luna, representada polo procurador Sr. Pedreira Espiñeira e asistida do letrado Sr. Pantín Maneiros, e como demandado, Carlos Luis Seijas Luna, en situación procesual de rebeldía, sobre reclamación de cantidade, se ditou, en nome do rei, esta sentenza:
Decido:
Estímase integramente a demanda formulada polo procurador Sr. Pedreira Espiñeira, en representación de Eva María Seijas Luna, contra Carlos Luis Seijas Luna, en situación procesual de rebeldía, e condénase o demandado a pagar á demandante a cantidade de 5.305,96 euros, suma que se verá incrementada no xuro legal do diñeiro desde a data de presentación da solicitude de conciliación (3 de marzo de 2017) ata a desta sentenza, e devindicáranse a partir desta data os xuros previstos no artigo 576 da Lei de axuizamento civil ata o completo pagamento, con imposición das custas do presente procedemento á parte demandada.
Notifíquese a presente sentenza ás partes, facéndolles saber que a resolución non é firme e contra ela cabe interpoñer recurso de apelación no prazo de vinte días contados a partir do seguinte ao da súa notificación.
Por exixilo así a disposición adicional décimo quinta da Lei orgánica 6/1985, do 1 de xullo, do poder xudicial, a interposición do recurso contra esta resolución exixe a constitución do depósito de 50 euros, mediante ingreso en efectivo, en calquera sucursal do Banco Santander, na conta de depósitos e consignacións deste órgano xudicial, expediente 4797-0000-03-0967/19. O depósito da expresada suma deberá ser acreditado ao interpoñer o recurso, a cuxo escrito achegarase copia do resgardo ou da orde de ingreso, sen cuxo requisito non será admitido a trámite. Está exceptuado da obrigación de constituír o depósito quen teña recoñecido no procedemento o dereito de asistencia xurídica gratuíta.
Así por esta a miña sentenza, definitivamente xulgando, pronúncioo, o mándoo e o asínoo.
A maxistrada.
E atopándose o dito demandado, Carlos Luis Seijas Luna, en paradoiro descoñecido, expídese este edicto co fin de que lle sirva de notificación en forma.
Ferrol, 26 de outubro de 2020
A letrada da Administración de xustiza
