A representación da titularidade do centro autorizado de música (CEMU) Profesional Eirís da Coruña solicita a modificación da autorización do centro por cambio de titularidade.
Mediante escritura pública notarial do 25 de marzo de 2021, a sociedade Colegio Eirís, S.A. cede a súa titularidade á sociedade Online Education Services, S.L.
De conformidade coa solicitude de cambio de titularidade formulada e logo da tramitación do expediente, de acordo co establecido no Decreto 253/1995, do 29 de setembro, desenvolvido pola Orde do 5 de decembro de 1995 que regula o procedemento para a autorización de centros docentes privados para impartir ensinanzas artísticas, por proposta da Dirección Xeral de Centros e Recursos Humanos,
DISPOÑO:
Artigo 1. Modificación da autorización
Modificar a autorización por cambio de titularidade do CEMU Profesional Eirís da Coruña, código do centro 15032960, a favor da sociedade Online Education Services, S.L.
O cambio de titularidade non afectará o réxime de funcionamento do centro.
Artigo 2. Inscrición no Rexistro de Centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Artigo 3. Modificación da autorización
O centro queda obrigado ao cumprimento da normativa vixente e a solicitar a oportuna revisión cando teñan que modificarse calquera dos datos que se sinalan nesta orde.
Disposición derradeira primeira. Recursos
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 2 de xullo de 2021
Román Rodríguez González
Conselleiro de Cultura, Educación e Universidade