O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia, dentro dos vinte primeiros días dos meses de xaneiro, maio e setembro de cada ano, unha relación dos convenios de colaboración subscritos referida ao cuadrimestre anterior.
En consecuencia, e para dar cumprimento a esa obriga,
DISPOÑO:
Artigo 1
Dar publicidade da relación dos convenios subscritos polo Instituto Galego da Vivenda e Solo (IGVS) no segundo cuadrimestre do ano 2021, que se incorpora como anexo a esta resolución.
Santiago de Compostela, 28 de setembro de 2021
Heriberto García Porto
Director xeral do Instituto Galego da Vivenda e Solo
ANEXO
Convenios de colaboración subscritos polo Instituto Galego
da Vivenda e Solo no segundo cuadrimestre do ano 2021
|
Título do convenio |
Obxecto do convenio |
Importe achegado |
Data de sinatura |
|
Convenio de colaboración entre o Instituto Galego da Vivenda e Solo (IGVS) e a Asociación de Empresarios de Materiais para a Construción (Asemaco) para a divulgación das axudas en materia de vivenda en Galicia e do financiamento co sistema Crediasemaco |
Establecer as pautas de colaboración entre as partes para a promoción do sistema Crediasemaco, por entender que se trata dun sistema que incide favorablemente na potenciación da realización das actuacións de rehabilitación na Comunidade Autónoma |
15.000,00 € |
6.5.2021 |
|
Convenio de colaboración entre o Instituto Galego da Vivenda e Solo (IGVS) e Abanca Corporación Bancaria, S.A. para a xestión da recadación dos recibos de facturación emitidos polo citado organismo relativos a vivendas e locais e na xestión do depósito e devolución de fianzas por arrendamentos de predios urbanos |
Este convenio ten por obxecto regular a colaboración entre o IGVS e a citada entidade financeira nas seguintes tarefas: – A xestión da recadación dos recibos de facturación emitidos polo IGVS relativos a vivendas e locais – A xestión do depósito e devolución de fianzas por arrendamentos de predios urbanos |
Total: 216.612,00 €, anos: • 2021: 41.389,00 € • 2022: 72.204,00 € • 2023: 72.204,00 € • 2024: 30.815,00 € |
28.7.2021 |
|
Convenio de colaboración entre o Instituto Galego da Vivenda e Solo (IGVS) e o Concello de Mondoñedo (Lugo) para a creación dun Centro de Rexeneración Urbana de Interese Autonómico |
Precisar os obxectivos, o financiamento e o funcionamento do centro Rexurbe de Mondoñedo, así como os mecanismos de actuación conxunta e coordinada para facilitar o cumprimento e a execución das diferentes actuacións, dos plans e dos programas en materia de rehabilitación edificatoria e de rexeneración e renovación urbanas |
Total: 138.675,50 €, anos: • 2021: 34.668,87 € • 2022: 69.337,75 € • 2023: 34.668,87 € |
30.6.2021 |
|
Convenio de colaboración entre o Instituto Galego da Vivenda e Solo (IGVS) e a Sociedade Xestión do Solo de Galicia (Xestur, S.A.) para a realización de traballos de asistencia e apoio técnico na xestión do desenvolvemento de actuacións técnicas de solo empresarial |
O obxecto deste convenio é establecer as condicións de colaboración entre o IGVS e Xestur para o desenvolvemento conxunto de tarefas técnicas e de xestión nos expedientes administrativos de solo empresarial de Galicia de que sexan titulares, así como en calquera outro que, conforme a lexislación vixente, teñan atribuídas competencias |
Sen achega |
29.7.2021 |
