De conformidade co disposto no artigo 15 da Lei 9/2007, do 13 de xuño, de subvencións de Galicia, e no artigo 17.1.b) da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas, con expresión da convocatoria, o programa e o crédito orzamentario a que se imputen, o beneficiario, a cantidade concedida e a finalidade ou finalidades da subvención.
Na súa virtude, a Axencia Galega da Industria Forestal
RESOLVE:
Dar publicidade ás axudas concedidas ao abeiro da Resolución do 10 de maio de 2021, pola que se establecen as bases reguladoras das subvencións á valorización e á segunda transformación das pequenas e medianas empresas da industria forestal galega e do contract, que figuran no anexo.
A súa aprobación realizouse no exercicio 2021 con cargo ás aplicacións orzamentarias 06.A4.741A.770.0 e 06.A4.741A.771.0, código de proxecto 2021 00002, dotadas con 2.000.000 de euros.
Santiago de Compostela, 23 de novembro de 2021
José Ignacio Lema Piñeiro
Director da Axencia Galega da Industria Forestal
