Na sesión celebrada polo xurado provincial o día 31.3.2022, figura o seguinte acordo:
Monte Foxo e Vilar (expediente 135/75), pertencente aos veciños dos lugares de Foxo e Vilar, parroquia de Barcela, concello de Negueira de Muñiz.
– O 24.9.2020 tivo entrada unha proposta, aprobada pola comunidade de Foxo e Vilar, de deslindamento dunha liña do monte con propiedades particulares.
– O 14.12.2020, o Servizo de Montes emite un informe favorable da proposta.
– O 15.3.2021 envíase un anuncio ao portal web da Consellería do Medio Rural, así como ao Concello de Negueira de Muñiz, para os efectos de darlle publicidade.
– O 31.3.2021 publícase no DOG o anuncio polo que se fai pública a proposta de deslindamento e se abre o prazo para alegacións. Expediente 6DES/2020.
– O 7.9.2021, a comunidade presenta un escrito mediante o que acredita que non foron presentadas alegacións e polo tanto se ratifican na proposta inicial, que é informada favorablemente polo Servizo de Montes o 25.10.2021.
– O 22.12.2021, a comunidade Foxo e Vilar presenta a proposta da liña de deslindamento definitiva e achega a documentación requirida no artigo 54 da Lei 7/2012, de montes de Galicia.
– O 14.1.2022, o Servizo de Montes emite un informe en que se especifican as modificacións que se producen como consecuencia do deslindamento. Segundo a nova cartografía, o monte de Foxo e Vilar pasa a ter una superficie de 349,7 hectáreas.
De conformidade co disposto no artigo 54.3 da Lei 7/2012, no caso de informe favorable, unha vez ratificado o deslindamento provisional pola asemblea xeral, darase traslado ao xurado provincial dos acordos alcanzados, o xurado provincial de montes veciñais en man común ditará resolución aprobatoria do deslindamento.
En vista do anterior, o xurado, por unanimidade, acorda aprobar o deslindamento e proceder a realizar as oportunas correccións no expediente, de conformidade co informe elaborado polo Servizo de Montes.
O plano que figura no anexo, ao final deste anuncio, corresponde ao monte veciñal traso deslindamento aprobado.
Contra este acordo, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo, no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo, no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 25 de abril de 2022
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo