Advertido un erro na orde antes citada, publicada no Diario Oficial de Galicia número 144, do venres 29 de xullo de 2022, cómpre facer a seguinte corrección:
Na páxina 41792, cómpre corrixir a epígrafe quinta, onde di: «2. A contía da axuda será do 2 % do importe do préstamo concertado entre a persoa solicitante da PAC e as entidades financeiras para o adianto de ata o 100 % dos importes das axudas directas, así como das axudas ao desenvolvemento rural suxeitas ao Sistema integrado de xestión e control ou das axudas para percibir na convocatoria de axudas complementarias destinadas aos sectores máis afectados, que serán financiadas con fondos Feader do PDR Galicia 2014-2020, ou ambas. A contía calcularase tomando como referencia o importe pagado anteriormente a cada persoa solicitante polas axudas correspondentes», debe dicir: «2. A contía da axuda será do 2 % do importe do préstamo concertado entre a persoa solicitante da PAC e as entidades financeiras para o adianto de ata o 100 % dos importes das axudas directas, así como das axudas ao desenvolvemento rural suxeitas ao Sistema integrado de xestión e control ou das axudas para percibir na convocatoria de axudas complementarias destinadas aos sectores máis afectados, que serán financiadas con fondos Feader do PDR Galicia 2014-2020, ou ambas. A contía calcularase tomando como referencia o importe pagado anteriormente a cada persoa solicitante polas axudas correspondentes.
No caso daqueles préstamos xa asinados previamente á sinatura do convenio, a axuda cubrirá todos os gastos financeiros desde a sinatura do préstamo ata o 30 de setembro. Esta axuda estará limitada a un máximo do 2 % do importe do préstamo».