Advertidos erros na citada orde, publicada no Diario Oficial de Galicia número 19, do día 27 de xaneiro de 2023, cómpre facer as seguintes correccións:
Na páxina 9533, na parte expositiva, onde di:
«O Goberno español elaborou o Plan estratéxico da PAC 2023-2027 (PEPAC) para a axuda da Unión financiada polo Fondo Europeo Agrícola de Garantía e o Fondo Europeo Agrícola de Desenvolvemento Rural, aprobado mediante a Decisión de execución da Comisión do día 31.8.2022. Este plan inclúe, entre outras, as seguintes intervencións:
– 6842.1 Axudas a investimentos con obxectivos ambientais en transformación, comercialización e/ou desenvolvemento de produtos agroalimentarios.
– 6842.2 Axudas a investimentos en transformación, comercialización e/ou desenvolvemento de produtos agroalimentarios», debe dicir:
«O Goberno español elaborou o Plan estratéxico da PAC 2023-2027 (PEPAC) para a axuda da Unión financiada polo Fondo Europeo Agrícola de Garantía e o Fondo Europeo Agrícola de Desenvolvemento Rural, aprobado mediante a Decisión de execución da Comisión do día 31.8.2022. Este plan inclúe, entre outras, a seguinte intervención:
– 6842.2 - Axudas a investimentos en transformación, comercialización e/ou desenvolvemento de produtos agroalimentarios».
Na páxina 9537, no artigo 4. Subvencións, onde di:
«4. Así mesmo, o importe da subvención ou subvencións concedidas a un mesmo beneficiario non será superior a 3.000.000 € cando o investimento total subvencionable non supere o importe de 15.000.000 €, e non será superior a 5.000.000 € cando o investimento total subvencionable sexa de 15.000.000 € ou maior.», debe dicir:
«4. Así mesmo, o importe da subvención ou subvencións concedidas a un mesmo beneficiario non será superior a 3.000.000 € cando o investimento total subvencionable non supere o importe de 15.000.000 €, e non será superior a 5.000.000 € cando o investimento total subvencionable sexa superior a 15.000.000 €».
Na páxina 9552, na epígrafe b) do artigo 11.3, onde di:
«b) Anexo A2 de memoria cuberto adecuadamente, e que inclúa en particular a relación pormenorizada dos investimentos previstos co seu importe sinalados no seu punto 10.», debe dicir:
«b) Anexo A2 de memoria cuberto adecuadamente, e que inclúa en particular a relación pormenorizada dos investimentos previstos co seu importe sinalados no seu punto 9».
Na páxina 9554, no artigo 12, onde di:
«As solicitudes destas características serán resoltas en terceiro lugar ata o importe máximo indicado do 5 % do orzamento total dispoñible», debe dicir:
«As solicitudes destas características serán resoltas en segundo lugar ata o importe máximo indicado do 5 % do orzamento total dispoñible».