Advertidos erros na referida resolución, publicada no Diario Oficial de Galicia núm. 14, do 19 de xaneiro de 2024, procede facer as seguintes correccións:
Na páxina 5089, no artigo 21.3.m), onde di:
«m) Incumprimento das condicións específicas definidas no artigo 18.1.h) destas bases, no caso de proxectos que requiran a realización de obra civil», debe dicir: «m) Incumprimento das condicións específicas definidas no artigo 18.1.h) destas bases, no caso de proxectos que requiran a realización de obra civil, afectando a perda total só este concepto de investimento, agás o disposto no punto 4 seguinte deste mesmo artigo».
Na páxina 5097, no anexo I, no punto 1. Xerais, na letra B) punto 5, onde di:
«5. Adquisición de activos dun establecemento.
(...)
Os proxectos deberán acadar a seguinte simetría entre o investimento infraestrutural (obra civil e outros conceptos inmobiliarios), que denominaremos «O» e o investimento subvencionable en bens de equipamento, que denominaremos «M». O importe que se subvencionará no conxunto de investimento «O» será, como máximo, 1,5 veces «M».
(...)».
Debe dicir:
«5. Adquisición de activos dun establecemento.
(...)
Os proxectos deberán acadar a seguinte simetría entre o investimento infraestrutural (obra civil e outros conceptos inmobiliarios), que denominaremos «O» e o investimento subvencionable en bens de equipamento e outros investimentos en activos fixos, que denominaremos «M». O importe que se subvencionará no conxunto de investimento «O» será, como máximo, 1,5 veces «M».
(...)».