Expediente: IN407A 2023/485-4.

Promotora: UFD Distribución Electricidad, S.A.

Denominación: LMTS, CS no lugar de Barreiro.

Concello: Vigo.

Feitos:

1. O 30.10.2023, a empresa UFD Distribución Electricidad, S.A. solicitou a autorización administrativa previa e a autorización administrativa de construción do proxecto de execución da instalación eléctrica denominada LMTS, CS no lugar de Barreiro.

O proxecto de execución que acompaña a solicitude foi asinado pola enxeñeira técnica industrial Herminia López Caamaño, colexiada 4.598 do Colexio de Enxeñeiros Técnicos Industriais de Vigo, e en que figura un orzamento total de 167.702,37 euros.

Examinado o proxecto de execución, conclúese que consiste no soterramento de tramos da liña de media tensión aérea (LMTA) TRO701, mediante as seguintes actuacións previstas no lugar de Barreiro, na parroquia de Lavadores, no concello de Vigo (Pontevedra):

Instalación dun centro de seccionamento en edificio prefabricado de formigón en subterráneo de ventilación horizontal manobra exterior, 4L+TT coas tres celas de saída telecontroladas vía GPRS/3G, conectado na cela de saída do centro de transformación Fonte Escura e á liña de media tensión subterránea TRO7012637.

Desmontaxe dos tramos TRO7012634, TRO7012622 e TRO7012630 de condutor LA-110 e do tramo TRO7012602 de condutor CU-50, entre os apoios A10IXFWL//D26 e A111F6TD//D29, nunha lonxitude total de 275 metros.

Retirada de catro apoios de celosía (A10IXFWL//D26, A10RWQGI//D27, A111F6UD//D28 e A111F6TD//D29) e de dous apoios de formigón (A10EGRLV//D26-1 e A10APK6T//D28-1).

Retirada dos XS 36HMQ4 situados no apoio A111F6TD//D29.

Desmontaxe do tramo de 27 metros de lonxitude de liña de media tensión subterránea (LMTS) que conecta o centro de transformación Fonte Escura coa LMTA TRO701.

Desmontaxe de 10 metros do tramo LMTS TRO7012607, de 15 metros do tramo LMTS TRO7012637 e 15 metros do tramo LMTS TRO7012604.

Instalación dunha liña de media tensión subterránea (LMTS) de 733 metros para soterrar a liña que se desmonta e alimentar o centro de seccionamento proxectado.

2. Este departamento territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello de Vigo. A empresa promotora manifestou a súa conformidade co condicionado emitido.

Consideracións legais e técnicas

1. A Dirección Territorial de Pontevedra é competente para resolver este expediente con fundamento no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

2. A lexislación de aplicación ao presente expediente é:

Lei 24/2013, do 26 de decembro, do sector eléctrico.

Lei 39/2015, do 1 de outubro, do procedemento administrativo común das administracións públicas.

Lei 40/2015, do 1 de outubro, de réxime xurídico do sector público.

Lei 9/2021, do 25 de febreiro, de simplificación administrativa e de apoio á reactivación económica de Galicia.

Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

3. As características técnicas da instalación son as que a seguir se describen:

Centro de seccionamento subterráneo, con celas compactas e corte en SF6, (4L, 3 telecontroladas) situado baixo beirarrúa na travesía Barreiro, núm. 1, fronte ao núm. 36.

Liña de media tensión subterránea (LMTS) a 15 kV, con condutor RHZ1-OL 12/20 kV 1×240 mm² Al, en catro actuacións:

• 491 metros, coa orixe no centro de transformación Fonte Escura e final na cela de entrada do centro de seccionamento proxectado.

• 120 metros, coa orixe na cela de saída do centro de seccionamento proxectado e final no empalme coa LMTS TRO7012607.

• 61 metros, coa orixe na cela de saída do centro de seccionamento proxectado e final no empalme coa LMTS TRO7012604.

• 61 metros, coa orixe na cela de saída do centro de seccionamento proxectado e final no empalme coa LMTS TRO7012637.

A instalación está situada en Barreiro, na parroquia de Lavadores, no concello de Vigo (Pontevedra).

Conforme o indicado,

Resolvo:

1. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada LMTS, CS no lugar de Barreiro, expediente IN407A 2023/485-4, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

2. A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento se deberán cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

3. O prazo para a posta en marcha das instalacións que se autorizan será de doce meses, contados a partir da data da última autorización administrativa necesaria para a execución. Unha vez constituídas estas instalacións, a empresa promotora deberá presentar a solicitude de autorización de explotación ante este departamento territorial acompañada da seguinte documentación:

As declaracións de conformidade relativas ao material ou equipamento, e as certificacións ou homologacións, se procede.

Un certificado dirección final de obra en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.

Planimetría as built da instalación eléctrica en formato shape.

4. O incumprimento das condicións e requisitos establecidos nesta resolución poderá dar lugar á súa revogación, logo da audiencia á promotora, de conformidade co disposto no artigo 53.10 da Lei 24/2013, do 26 de decembro.

5. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante a conselleira de Economía e Industria da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 23 de xullo de 2024

Beatriz López del Olmo
Directora territorial de Pontevedra