En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental, e demais normas vixentes de aplicación, sométese a información pública a solicitude relacionada coa instalación que se describe a continuación:

Solicitante/promotora: Iberdrola Renovables Galicia, S.A. (NIF A32259541).

Domicilio social: rúa Circunvalación, 17, A Rúa, 32350 Ourense.

Denominación do proxecto: renovación tecnolóxica do parque eólico Serra da Panda (nº expediente: IN408A 2024/008).

Concellos afectados: Mañón e Ortigueira (A Coruña).

Potencia a instalar: 12,9 MW.

Nº de aeroxeradores que se eliminarán: 19 (potencia de cada aeroxerador 0,66 MW).

Nº de aeroxeradores que se instalarán: 3 (potencia de cada aeroxerador 4,3 MW).

Potencia máxima que se evacuará polo parque renovado tecnoloxicamente: 18,48 MW.

Prazo de execución: sete (7) meses.

Orzamento total (execución material): 11.343.871,02 €.

Localización (área de afección):

Parque eólico Serra da Panda
ADE	Coriscada-Monte Rande

Parque eólico Serra da Panda
Vértice poligonal	ETRS89 H29
	UTM-X	UTM-Y
1	600.375	4.833.786
2	600.875	4.833.786
3	600.875	4.832.916
4	601.708	4.833.005
5	601.875	4.832.286
6	600.875	4.831.786
7	600.375	4.831.786
8	600.375	4.830.957
9	600.143	4.830.803
10	599.875	4.831.286
11	598.375	4.833.286
12	599.125	4.833.286
13	599.875	4.832.786

Parque eólico Serra da Panda (Mañón e Ortigueira)
Aeroxerador	ETRS89 H29
	UTM-X	UTM-Y
SP7.1	599.485	4.832.329
SP7.2	599.790	4.832.223
SP7.3	599.946	4.831.390

Parque eólico Serra da Panda (Mañón, Ortigueira)
Subestación	ETRS89 H29
	UTM-X	UTM-Y
1	600.106	4.832.492
2	600.111	4.832.510
3	600.124	4.832.507
4	600.124	4.832.505
5	600.139	4.832.502
6	600.134	4.832.477
7	600.115	4.832.481
8	600.117	4.832.490

Obxecto da actuación:

Trátase dunha modificación substancial do parque eólico en funcionamento Serra da Panda, cuxa vida útil está chegando ao seu fin, que consiste basicamente na retirada de 19 aeroxeradores de 0,66 MW e a incorporación de tres de 4,3 MW, mantendo unicamente as posicións 23, 24, 25, 29 e 30.

Características técnicas da instalación:

• Tres (3) aeroxeradores correspondentes ao modelo Vestas V117-4.3 HH84, con potencia unitaria de 4,3 MW, con rotor de tres pas de 117 m de diámetro, altura de buxa 84 m, sistema de orientación de góndola activo, sistema de cambio de paso variable de pa e velocidade variable de xiro do rotor.

• Tres (3) centros de transformación de potencia unitaria 4.150 kVA e relación de transformación 20/0,72 kV situados na parte traseira da góndola coa súa correspondente aparellaxe de seccionamento, manobra e protección.

• Rede eléctrica subterránea de media tensión a 20 kV e liña de interconexión entre os aeroxeradores e a subestación SET PE Serra da Panda 20/132 kV existente, composta por 4 circuítos con condutores de aluminio tipo XLPE unipolares, con illamento 12/20 kV de diferentes seccións.

• Desmantelamento de 19 aeroxeradores e restauración das súas correspondentes zapatas e plataformas.

Non se modifica a infraestrutura eléctrica de evacuación existente que conecta a subestación transformadora do PE Serra da Panda coa subestación de Magazos mediante unha liña de alta tensión aérea de 132 kV.

Obxecto da información pública:

A solicitude de autorización administrativa previa, a declaración de utilidade pública, en concreto, a autorización administrativa de construción e o estudo de impacto ambiental (EIA) das instalacións. A declaración de utilidade pública, de acordo co artigo 56.1 da Lei 24/2013, do 26 de decembro, do sector eléctrico, levará implícita en todo caso a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei do 16 de decembro de 1954, de expropiación forzosa.

Documentación que se expón:

1. O proxecto de renovación tecnolóxica do parque eólico Serra da Panda (visado 22.3.2024).

1.1. Plano xeral do proxecto do parque eólico.

1.2. Documento denominado: Relación de bens e dereitos afectados (RBDA) Renovación tecnolóxica parque eólico Serra da Panda (asinado 12.8.2024).

1.3. A relación concreta e individualizada dos propietarios de bens e dereitos afectados polo proxecto (RBDA), que figura no anexo que se insire neste acordo.

1.4. Planos individuais dos predios afectados polo proxecto.

2. O estudo de impacto ambiental (EIA) do proxecto de renovación tecnolóxica do parque eólico Serra da Panda (marzo 2024-asinado 26.3.2024).

Polo exposto, o proxecto faise público para o coñecemento xeral, así como en particular, dos propietarios dos predios que figuran na relación anexa a este acordo, e das persoas titulares de dereitos reais ou intereses económicos sobre os bens afectados que fosen omitidas, para que poidan examinar a documentación técnica anteriormente relacionada e, de ser o caso, presentar as alegacións ou observacións que consideren oportunas, dentro do prazo de trinta (30) días, que se contará a partir do día seguinte ao da última publicación deste acordo no Diario Oficial de Galicia (DOG) ou nun dos xornais de maior circulación de cada unha das provincias afectadas, de conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia.

A documentación estará á disposición dos interesados nas dependencias da Sección de Eólicos da Dirección Territorial da Coruña da Consellería de Medio Ambiente e Cambio Climático (rúa Vicente Ferrer, núm. 2-2º andar, 15071 A Coruña, teléfonos 981 18 49 83 e 981 18 49 82), de luns a venres das 9.00 ás 14.00 horas, así como na casa dos concellos de Mañón e Ortigueira (A Coruña). Ademais, tamén se poderá consultar no portal web da Consellería de Medio Ambiente e Cambio Climático a través da seguinte ligazón:

https://medioambiente.xunta.gal/enerxias-renovables/documentos-exposicion-publica

A Coruña, 16 de agosto de 2024

Mª Pilar Arias Graña
Directora territorial da Coruña

ANEXO

Anexo á relación de bens e dereitos afectados polo parque eólico Serra da Panda,
nos concellos de Mañón e Ortigueira (A Coruña) (expediente IN408A 2024/008)

Relación de bens e dereitos afectados
Renovación tecnolóxica parque eólico Serra da Panda
Nº predio	Titulares	Datos catastrais	Lugar	Uso	Nº aero.	Afeccións (m2)								Ocupación temporal (m2)
						Pleno dominio		Serv. paso			Servidume de voo aero.	Serv. voo aero.+vieiro (m2)	Serv. voo aero.+gabia (m2)
		Ref. catastral				Cim.	Plat.	Vieiro	Gabia	Vieiro+ gabia
Concello de Mañón (A Coruña)
1	Victorino Peña Gómez María Novo Rego	15045A02600113	Campo Rego	Prado		0	0	677	0	0	0	0	0	352
2	Concello de Mañón	15045A02600114	Caión	Prado		0	0	384	0	0	0	0	0	172
3	Victorino Peña Gómez María Novo Rego	15045A02600129	Leira dos Muros	Prado		0	0	82	0	0	0	0	0	104
4	Concello de Mañón	15045A02600111	Caión	Labor		0	0	72	0	0	0	0	0	108
6	Concello de Mañón CMVMC Sta. M. Mañón	15045A02600732	Carranco	Matogueira		0	0	0	0	0	0	0	0	6.648
8	Concello de Mañón CMVMC Sta. M. Mañón	15045A02600874	Comunal de Mañón	Matogueira		0	0	0	115	0	0	0	0	66
9	Concello de Mañón CMVMC Sta. M. Mañón	15045A02600762	Carranco	Matogueira-piñeiral madeireiro		0	0	5.686	767	0	0	0	0	4.318
11	Concello de Mañón CMVMC Sta. M. Mañón	15045A02600863	Carranco	Matogueira		0	0	456	0	0	0	0	0	199
Concello de Ortigueira (A Coruña)
14	Concello Ortigueira	15062A03300112	Monte Carabelote	Pastos-piñeiral madeireiro	SP7.2, SP7.3	567	8.466	13.492	8.543	134	14.762	757	902	11.658
17	Concello Ortigueira	15062A02800001	Monte Carabelote	Matogueira-piñeiral madeireiro		0	0	350	0	0	0	0	0	293
18	Concello Ortigueira	15062A02800125	Monte Carabelote	Matogueira-piñeiral madeireiro	SP7.1	284	4.839	4.485	52	0	3.667	130	52	3.346
19	María Esther Prieto Río	15062A02800472	Sobor dos Campos	Piñeiral madeireiro		0	0	1	0	0	0	0	0	21
20	María Amparo Ubaldina Peña González	15062A02800473	Sobor dos Campos	Piñeiral madeireiro		0	0	42	0	0	0	0	0	56
21	Bautista Pena Pena	15062A02800474	Sobor dos Campos	Piñeiral madeireiro		0	0	70	0	0	0	0	0	75
22	María Otilia González Bouza	15062A02800506	O Ferro do Arado	Piñeiral madeireiro		0	0	1	0	0	0	0	0	26

Afeccións en metros cadrados (m2):

• Superficie de pleno dominio:

– Cimentación (Cim.): cimentación do aeroxerador.

– Plataforma (Plat.): plataforma de montaxe do aeroxerador.

• Servidume de paso:

– Vieiro: dereito de paso polos vieiros en que circularán os transportes para a construción, vixilancia, conservación e reparación das instalacións do parque eólico.

– Gabia: servidume de paso da liña eléctrica soterrada. Abrangue a franxa onde van aloxados os condutores, incrementada a cada lado nunha distancia mínima de seguridade igual á metade de largura de canalización.

– Vieiro+Gabia: as afeccións solapadas deben restarse das individualizadas.

• Servidume de voo das pas dos aeroxeradores (Serv. voo): servidume definida pola superficie de varrido das pas do aeroxerador. Deberán restarse, no caso de existiren, as afeccións solapadas (Serv. voo Aero+Vieiro+Gabia, Serv. voo Aero+Vieiro, Serv. voo Aero+Gabia) que se indican na súa propia columna.

• Outras afeccións:

– Ocupación temporal (Ocup. Temp.): ocupación temporal de terreos para a construción, vixilancia, conservación e reparación das instalacións. Na ocupación temporal, dada a súa condición de temporal, non se calcula o solapamento diferenciado; recóllese o total da superficie.