De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícanselles aos denunciados cuxos datos persoais se mencionan no anexo, mediante a publicación no Boletín Oficial del Estado, as resolucións do procedementos administrativos sancionadores por infracción da Lei 6/2017, do 12 de decembro, de portos de Galicia, en relación co Regulamento de servizo e policía dos portos, aprobado pola Orde ministerial do 12 de xuño de 1976, por non ser posible a notificación no domicilio.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

O órgano competente para a resolución do expediente é o director do ente público, de acordo coa tipificación e coa contía da sanción, e en virtude do disposto no artigo 144.1.a) da Lei 6/2017, de portos de Galicia.

Contra esta resolución, que non pon fin á vía administrativa, poderase interpoñer recurso de alzada perante o presidente do Consello de Administración, segundo o establecido no acordo de delegación de competencias do Consello de Administración do ente público Portos de Galicia, publicado pola Resolución do 29 de agosto de 2018, no DOG núm. 177, do 17 de setembro. O prazo para interpoñer este recurso é dun mes contado a partir do día seguinte ao da publicación desta cédula no Boletín Oficial del Estado.

Transcorrido o devandito prazo, a resolución sancionadora devirá firme e executiva e o importe da sanción poderá facerse efectivo en período voluntario, dentro do prazo establecido no artigo 62 da Lei 58/2003, do 12 de decembro, xeral tributaria (BOE núm. 302, do 18 de decembro), mediante ingreso en calquera oficina das entidades de depósito colaboradoras (Banco Sabadell, BBVA e Abanca), empregando o modelo impreso que se facilitará nos servizos centrais de Portos de Galicia.

De non efectuarse o ingreso no dito prazo, procederase á súa exacción por vía executiva.

Santiago de Compostela, 28 de agosto de 2024

Juan Sanmartín Ferreiro
Director xeral de Portos de Galicia

ANEXO

Expediente. Matrícula. Denunciante.	DNI/CIF Denunciado	Feito denunciado Data-hora-porto	Precepto infrinxido	Precepto sancionador	Importe da sanción
Sanc. 13-27-24-130 4163GSN Pafif	36039488Y	Estacionamento prohibido 12.3.2024; 15.55 horas Panxón (Pontevedra)	Artigo131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-27-24-143 3639JBS Pafif	B54568225	Estacionamento prohibido 13.4.2024; 20.00 horas Panxón (Pontevedra)	Artigo131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-27-24-157 0757BSZ Pafif	32572771X	Estacionamento prohibido 22.4.2024; 16.00 horas Panxón (Pontevedra)	Artigo131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-27-24-158 8350FDV Pafif	36039488Y	Estacionamento prohibido 22.4.2024; 16.00 horas Panxón (Pontevedra)	Artigo131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-31-24-03 6646JXZ Gardapeiraos	53351116V	Estacionamento prohibido 12.2.2024; 12.46 horas A Pasaxe (Pontevedra)	Artigo131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 12-48-23-251 0742LCP Gardapeiraos	54546630Z	Estacionamento prohibido 8.3.2023; 14.17 horas Ribeira (A Coruña)	Artigo131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 12-48-24-386 0915-HRH Gardapeiraos	76969408T	Estacionamento prohibido 30.4.2024; 11.01 horas Ribeira (A Coruña)	Artigo131.t) da Lei 6/2017, de portos de Galicia (LPG)	Artigo 137 da LPG	90 €