Expediente: IN407A 2024/164-1.

Solicitante/promotor: UFD Distribución Electricidad, S.A.

Denominación: regulamentación LMT BRT803, soterramento de tramo entre os apoios 105 e 112.

Concello: Malpica de Bergantiños.

1. Características técnicas:

As instalacións de alta tensión obxecto deste expediente atópanse no lugar Croa do Castro, parroquia de San Cristovo de Cerqueda, no concello de Malpica de Bergantiños.

– LMTS a 20 kV de 1.327 metros, condutor tipo RHZ1-2OL 12/20 kV 3×(1×240) mm2 Al, coa orixe no PA/S proxectado no novo apoio nº 113 proxectado tipo C-1000/14 en que se instalará un seccionador SXS na LMT BRT803 Buño-Auto 1 3 (expediente IN407A 2016/2253-1), procedente da subestación Bértoa, e remate nos empalmes que se van realizar no tramo LMTS con expediente IN407A 08/380. O novo apoio nº 113 substituirá ao nº 9SEH7PD8//113 de formigón existente e desprazarase cara ao apoio nº 112. A nova LMTS, irá canalizada baixo tubo en gabias con dimensións de 0,4 metros de ancho e entre 0,8 e 1 metros de profundidade en tubos de polietilieno de alta densidade, con 16 cm de diámetro. Tamén se instalará un tubo verde destinado a conducións de cables de telecomunicacións.

– Substitución dos apoios de formigón existentes de formigón nº 9SG8BODE//112 por tipo C-7000/14, nº 9SEH7PD8//113 por tipo C-1000/14, e nº 9SD3BE50//114, por tipo C-1000/14.

– Substitución de tramo LMTA a 20 kV de 125 m, condutor tipo LA-110 Al (existente LAC-80), con orixe no apoio nº 114 para substituír e remate no apoio nº 113 para substituír.

– Desmantelamento do tramo LMTA a 20 kV de 700 m, condutor tipo LAC-80, coa orixe no apoio nº 112 para substituír que pasa a ser fin de liña e remate no apoio nº 105 para desmantelar. Desmantelamento dos 6 apoios intermedios entre os citados.

– Desmantelamento do tramo LMTS a 20 kV de 39 m, condutor RHZ1-3×(1×240), coa orixe no CS polígono Os Barreiros (15CFBK) e remate no PA/S do apoio nº 9SMCCQ98//105 para desmantelar.

2. Lexislación de aplicación:

– Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro).

– Lei 40/2015, do 1 de outubro, de réxime xurídico do sector público (BOE nº 236, do 2 de outubro).

– Lei 24/2013, do 26 de decembro, do sector eléctrico (BOE nº 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE nº 310, do 27 de decembro).

– Resolución do 19 de febreiro de 2014, da Consellería de Economía e Industria, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG nº 54, do 19 de marzo).

– Lei do 16 de decembro de 1954, sobre expropiación forzosa (BOE nº 351, do 17 de decembro).

– Decreto do 26 de abril de 1957 polo que se aproba o Regulamento da Lei de expropiación forzosa (BOE nº 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta ao presente este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa, do 16 de decembro de 1954 (BOE núm. 351, do 17 de decembro).

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do concello. Ademais, poderase consultar no Portal de transparencia e Goberno aberto da Consellería de Economía e Industria:

https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.

Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.

A Coruña, 5 de setembro de 2024

Isidoro Martínez Arca
Director territorial da Coruña

ANEXO

Regulamentación LMT BRT803 soterramento de tramo entre os apoios 105 e 112

Relación de bens e dereitos afectados - concello de Malpica de Bergantiños

Expediente: IN407A 2024/164-1.

Predio proxecto	Persoa propietaria/titular	Referencia catastral	Lugar	Afección de solo pleno dominio		Afección de solo por servidume de paso de enerxía eléctrica				Natureza do terreo
				Apoio núm./CT	Superficie (m2)	ml. aér.	ml. sot.	M² aér.	M² sot.
3	Descoñecida/do	15044A501012870000WB	Devesas	Apoio 3	2.0					Rústico. Agrario. Labor ou Labradío. Secaño

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m².

m2 sot.: superficie de servidume soterrada en m2.