En cumprimento do disposto no artigo 15.1 da Lei 9/2007, do 13 de xuño, de subvencións de Galicia, e no artigo 13.4 da Lei 4/2006, do 30 de xuño, de transparencia e boas prácticas na Administración pública galega, así como no artigo 22 das bases reguladoras da convocatoria,
RESOLVO:
Facer público no Diario Oficial de Galicia e na páxina web https://www.turismo.gal/espazo-institucional/xacobeo/convocatorias o resultado do proceso de concesión das entregas de diñeiro previstas con cargo á aplicación orzamentaria 04.A2.761A.441.11, crédito orzamentario de 150.000 €, que figuran no anexo desta resolución, concedidas ao abeiro do Anuncio do 2 de agosto de 2024, da Sociedade Anónima de Xestión do Plan Xacobeo, polo que se establecen as bases reguladoras para a concesión das entregas de diñeiro sen contraprestación ás asociacións de amigos do Camiño de Santiago e outras entidades sen ánimo de lucro que teñan como finalidade a promoción do Camiño de Santiago e a súa peregrinación, para o ano 2024.
Dado que todas as solicitudes que acadaron 50 puntos teñen dereito á axuda, por existir crédito suficiente, non será preciso crear unha lista de agarda para os créditos liberados, de acordo con punto 17.4 das bases reguladoras. Amplíase en quince días o prazo de xustificación das axudas, do 15 de novembro ao 30 de novembro de 2024.
Santiago de Compostela, 17 de outubro de 2024
Ildefonso de la Campa Montenegro
Director de Administración e Relacións
coas Asociacións de Amigos do Camiño de Santiago