O artigo 28.2 da Constitución española recoñece, como dereito fundamental da persoa, o dereito á folga. O exercicio deste dereito queda condicionado ao mantemento dos servizos esenciais definidos no artigo 2 do Decreto 155/1988, do 9 de xuño (DOG núm. 116, do 20 de xuño).
Os representantes da central sindical Confederación Intersindical Galega (CIG) comunicaron á Consellería de Promoción do Emprego e Igualdade a convocatoria da folga que terá lugar desde as 22.00 horas do día 10 de novembro de 2024 ata as 22.00 horas do día 12 de novembro de 2024. A folga afectará todas as persoas traballadoras das empresas encadradas no Convenio provincial de edificios e locais da provincia de Pontevedra.
A este respecto, o artigo 10 do Real decreto lei 17/1977, do 4 de marzo, sobre relacións de traballo, establece que, cando a folga se declare en empresas encargadas da prestación de calquera xénero de servizos públicos ou de recoñecida e inaprazable necesidade e concorran circunstancias de especial gravidade, a autoridade gobernativa poderá adoptar as medidas necesarias para asegurar o funcionamento dos servizos.
Deste xeito, a necesaria conciliación entre o exercicio do dereito constitucional de folga e o mantemento dos servizos esenciais obriga esta Administración autonómica galega, de acordo coa normativa vixente, a fixar uns servizos mínimos indispensables para o funcionamento dos servizos esenciais que se concretan e xustifican nesta orde.
A xurisprudencia do Tribunal Constitucional, entre outras a STC 183/2006, do 19 de xuño, vén considerando como servizos esenciais aqueles que satisfán dereitos e intereses dos cidadáns vinculados aos dereitos fundamentais, liberdades públicas e bens constitucionalmente protexidos, como son os dereitos á protección da saúde e o dereito á seguridade e hixiene no traballo, de acordo cos seguintes criterios:
a) Proporcionalidade entre os sacrificios que se lles impoñan aos folguistas e os que padezan os usuarios dos servizos.
b) Equilibrio entre os dereitos e intereses dos traballadores en folga e dos cidadáns afectados.
c) Suficiencia na realización do traballo necesario que permita a cobertura mínima do servizo, mesmo sen acadar os niveis normais de prestación.
Neste contexto, considérase necesario o establecemento duns servizos mínimos de limpeza que garantan unhas adecuadas condicións de limpeza para o desenvolvemento dos servizos públicos.
De xeito máis concreto, respecto das oficinas de turismo de Vigo e de Pontevedra, propóñense os servizos mínimos indispensables para garantir a salubridade e as condicións de hixiene mínimas, coa limpeza de baños e retirada de lixo, xa que é un lugar de grande afluencia de público.
En canto aos edificios xudiciais, a fixación desta porcentaxe de servizos mínimos nos xulgados da provincia de Pontevedra está xustificada pola necesidade de garantir unhas mínimas condicións de hixiene que permitan asegurar diariamente a retirada de lixo, limpeza de baños e outras necesidades urxentes e inaprazables, con especial atención ás zonas de uso común. A mesma necesidade prevese para o Centro Galego de Tecnificación Deportiva.
Polo que se refire á Academia Galega de Seguridade Pública, propóñense os servizos mínimos indispensables para garantir a salubridade e as condicións de hixiene mínimas, coa limpeza de baños e retirada de lixo, dado que é un organismo no cal se imparte formación e a el accede un número elevado de persoas.
Polo que respecta aos centros dependentes da Consellería de Educación, Ciencia, Universidades e Formación Profesional , tendo en conta que o exercicio do dereito á folga se debe conciliar co resto dos dereitos de carácter fundamental da cidadanía, resulta imprescindible adoptar as medidas oportunas para asegurar o mantemento dos servizos de educación, dado o seu carácter de servizo esencial da comunidade.
O artigo 43.1 da Constitución recoñece o dereito á protección da saúde, mentres que o número 2 dese artigo sinala que lles compete aos poderes públicos organizar e tutelar a saúde pública a través de medidas preventivas. Ben que isto é común para toda a cidadanía, a Convención das Nacións Unidas sobre os Dereitos dos Nenos, ratificada polo Reino de España polo Instrumento do 30 de novembro de 1990, recolle, no seu artigo 24, o dereito a que as nenas e nenos gocen do máis alto nivel posible de saúde, e para iso son elementos fundamentais a hixiene, o saneamento ambiental e as medidas preventivas de accidentes.
Garantir o dereito á saúde do alumnado e tamén dos traballadores non afectados pola folga implica fixar uns servizos mínimos que, sen acadar os niveis normais de actividade, resultan necesarios nun contexto de edificios, os centros educativos, aos que acoden numerosas persoas todos os días. Entre elas, atópase o alumnado menor de idade que permanece neses centros durante un tempo prolongado, o que xera un uso intenso das instalacións hixiénico-sanitarias, como baños e aseos, e xera tamén residuos orgánicos cuxa retirada é ineludible para evitar pragas, focos de infección e propagación de xermes. Desde logo, non fixar servizos mínimos supoñería poñer en perigo a saúde e mesmo, nalgúns casos, a vida dos usuarios dos centros educativos.
Polo que se refire aos centros dependentes da Consellería de Política Social e Igualdade, a folga afecta empresas adxudicatarias dos servizos de limpeza en diversos centros e unidades da Consellería na provincia de Pontevedra.
O servizo público de asistencia social non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación con este.
A paralización dos servizos de limpeza pode provocar nos centros e unidades afectadas graves problemas de salubridade con consecuencias imprevisibles se non se mantén o mínimo de actividade que garanta a prestación dos servizos públicos nos ditos centros e unidades, polo que se establecen os servizos esenciais para a comunidade ao abeiro do Decreto 155/1988, do 9 de xuño.
Todo o persoal cuxa presenza se cuantifica como esencial para o mantemento dos servizos mínimos é absolutamente necesario e indispensable, xa que a limpeza constitúe unha das exixencias máis relevantes nos nosos centros e unidades.
Polo que se refire aos centros dependentes da Consellería de Cultura, Lingua e Xuventude, a folga afecta o servizo de limpeza nos Espazo Xove da provincia de Pontevedra, polo que resulta necesario fixar o mínimo de actividade que garanta a prestación dos servizos públicos nas citadas instalacións.
Na Consellería do Mar proponse, no Intecmar, a fixación de 4 horas de traballo como servizos mínimos, xa que no edificio traballan unhas 88 persoas en laboratorios nos cales manipulan cada día mostras de moluscos que xeran restos orgánicos susceptibles de provocar riscos para a saúde e o traballo nos laboratorios.
En consecuencia, de acordo coas propostas das consellerías, coa normativa citada e cos argumentos expostos, en virtude das facultades que me confiren o Decreto 136/2024, do 20 de maio, polo que se establece a estrutura orgánica da Consellería de Presidencia, Xustiza e Deportes, e o Decreto 42/2024, do 14 de abril, polo que se establece a estrutura orgánica da Xunta de Galicia, e oído o Comité de Folga,
DISPOÑO:
Artigo 1
1. A convocatoria de folga efectuada pola Confederación Intersindical Galega (CIG) terá lugar desde as 22.00 horas do día 10 de novembro de 2024 ata as 22.00 horas do día 12 de novembro de 2024. A folga afectará todas as persoas traballadoras das empresas encadradas no Convenio provincial de edificios e locais da provincia de Pontevedra e deberá entenderse condicionada ao mantemento dos servizos mínimos, segundo os criterios que se establecen nesta orde.
2. Terán a consideración de servizos mínimos os que se relacionan no anexo a esta orde.
Artigo 2
O persoal necesario para a cobertura dos servizos mínimos deberá ser publicado nos taboleiros de anuncios con antelación suficiente. A designación nominal dos efectivos que deben cubrir os servizos mínimos será realizada polos empregadores e notificada ao persoal designado.
Disposición derradeira
Esta orde producirá efectos o mesmo día da súa publicación no Diario Oficial de Galicia.
Santiago de Compostela, 8 de novembro de 2024
Diego Calvo Pouso
Conselleiro de Presidencia, Xustiza e Deportes
ANEXO
Proposta de servizos mínimos
– Servizos mínimos da Presidencia da Xunta de Galicia.
|
Centro |
Total |
Servizos mínimos |
Posto |
Quenda |
|
Oficina de turismo de Vigo (rúa Cánovas del Castillo, 22, Vigo) |
2 horas |
50% |
Limpador/a |
Quenda de tarde |
|
Oficina de turismo de Pontevedra (rúa Marqués de Riestra, 30, Pontevedra) |
2 horas |
50 % |
Limpador/a |
Xornada partida |
– Servizos mínimos da Consellería de Presidencia, Xustiza e Deportes.
|
Centro |
Total |
Servizos mínimos |
Posto |
Quenda |
|
Edificio Cidade da Xustiza de Vigo |
18 |
50% |
Limpador/a |
2 quenda de mañá e 16 quenda de tarde |
|
Rexistro Civil de Vigo |
1 |
100% |
Limpador/a |
Quenda de tarde |
|
Audiencia Provincial de Pontevedra |
2 |
33% |
Limpador/a |
Quenda de tarde |
|
Edificio Xudicial A Parda (antigo) |
2 |
33% |
Limpador/a |
Quenda de tarde |
|
Edificio Xudicial A Parda (novo) |
6 |
50% |
Limpador/a |
1 quenda de mañá e 5 quenda de tarde |
|
Xulgados da Estrada |
1 |
100% |
Limpador/a |
Quenda de tarde |
|
Xulgados de Caldas de Reis |
1 |
100% |
Limpador/a |
Quenda de tarde |
|
Xulgados de Cambados |
1 |
100% |
Limpador/a |
Quenda de tarde |
|
Xulgados de Cangas |
1 |
100% |
Limpador/a |
Quenda de tarde |
|
Xulgados de Lalín |
2 |
50% |
Limpador/a |
Quenda de tarde |
|
Xulgados de Marín |
1 |
100% |
Limpador/a |
Quenda de tarde |
|
Xulgados de Ponteareas |
1 |
100% |
Limpador/a |
Quenda de tarde |
|
Xulgados de Redondela |
1 |
100% |
Limpador/a |
Quenda de tarde |
|
Xulgados de Tui |
3 |
33% |
Limpador/a |
Quenda de tarde |
|
Xulgados de Vilagarcía |
1 |
100% |
Limpador/a |
Quenda de tarde |
|
CGTD Eleroc Servicios |
2 |
50% |
Limpador/a |
Mañá |
|
CGTD Eleroc Servicios |
2 |
50% |
Limpador/a |
Tarde |
Centro: Academia Galega de Seguridade Pública (A Estrada-Pontevedra).
|
Posto: limpador/a |
|
Quenda: mañá |
|
Total: 2 horas/día |
|
Total: 2 persoas |
|
Servizos mínimos: 50 % |
– Servizos mínimos da Consellería de Educación, Ciencia, Universidades e Formación Profesional.
|
Centro |
Servizos mínimos |
Posto |
|
Centros educativos de educación especial de titularidade privada |
20 % (mínimo 1 persoa) |
Limpador/a |
|
Centro educativo de educación especial de Pontevedra |
20 % (mínimo 1 persoa) |
Limpador/a |
|
Centro educativo de educación especial de Vilagarcía de Arousa |
20 % (mínimo 1 persoa) |
Limpador/a |
– Servizos mínimos da Consellería de Política Social e Igualdade.
|
Centro |
Total |
Servizos mínimos |
Posto |
Quenda |
|
Complexo Residencial de Atención a Persoas Dependentes (CRAPD) de Vigo |
5 |
2 |
Limpador/a |
1 de mañá e 1 de tarde |
|
Centro de Atención a Persoas con Discapacidades (CAPD) de Redondela |
4 |
2 |
Limpador/a |
1 de mañá e 1 de tarde |
|
Residencia de Maiores de Campolongo |
4 |
2 |
Limpador/a |
1 de mañá e 1 de tarde |
|
Residencia de Maiores de Marín |
4 |
2 |
Limpador/a |
1 de mañá e 1 de tarde |
|
Residencia de Maiores da Estrada |
1 |
1 |
Limpador/a |
Mañá |
|
Centro Sociocomunitario de Lalín |
1 |
1 |
Limpador/a |
Mañá/tarde |
|
Centro Sociocomunitario de Pontevedra |
1 |
1 |
Limpador/a |
Mañá |
|
Centro Sociocomunitario de Redondela |
1 |
1 |
Limpador/a |
Tarde |
|
Centro Sociocomunitario de Vilaxoán |
1 |
1 |
Limpador/a |
Mañá |
|
Centro Sociocomunitario do Calvario |
2 |
1 |
Limpador/a |
Mañá/tarde |
|
Centro Sociocomunitario de Teis |
2 |
1 |
Limpador/a |
Mañá |
|
Centro Sociocomunitario de Baiona |
1 |
1 |
Limpador/a |
Mañá |
|
Centro Sociocomunitario de Bouzas |
1 |
1 |
Limpador/a |
Mañá |
|
Centro Sociocomunitario de Coia |
2 |
1 |
Limpador/a |
Mañá |
|
Centro Sociocomunitario de Rivera Atienza |
1 |
1 |
Limpador/a |
Mañá |
|
Casa do Mar de Aldán |
1 |
1 |
Limpador/a |
Horario habitual |
|
Casa do Mar de Bueu |
1 |
1 |
Limpador/a |
Tarde |
|
Casa do Mar de Cambados |
2 |
1 |
Limpador/a |
Horario habitual |
|
Casa do Mar de Portonovo |
1 |
1 |
Limpador/a |
Horario habitual |
|
EVO Vigo |
2 |
1 |
Limpador/a |
Tarde |
|
EVO Pontevedra (rúa Cruz Vermella) |
1 |
1 |
Limpador/a |
Tarde |
|
EVO Pontevedra (avda. de Vigo) |
1 |
1 |
Limpador/a |
Tarde |
– Servizos mínimos da Consellería de Cultura, Lingua e Xuventude.
|
Centro |
Nº traballadores |
Servizos mínimos |
Posto |
Quenda |
|
Espazo Xove de Lalín |
1 |
1 |
Limpador/a |
Mañá |
|
Espazo Xove de Tui |
1 |
1 |
Limpador/a |
Mañá |
|
Espazo Xove de Vilagarcía de Arousa |
2 |
1 |
Limpador/a |
Tarde |
– Servizos mínimos da Consellería do Mar.
|
Centro |
Total |
Servizos mínimos |
Posto |
Quenda |
|
Intecmar (Instituto Tecnolóxico para o Control do Medio Mariño) |
1 |
1 efectivo a media xornada (4 horas) días 11 e 12 |
1 |
Tarde |